SAN JUAN 12:38 - Lengua Sur (Enxet) Nuevo Testamento

³⁸ hakte máheyok axta kasawhaxkohok katnehek ma'a ektémakxa axta apnaktáxeséyak Isaías, aptaha axta Dios appeywa aplegaso ektéma axta ekpeywa s'e: “Wese', ¿yaksak axta megkay'ásekmo amya'a nenlegaso axta negko'o? ¿Yaksak axta énxet'ák apxekmósa Wese' egegkok ma'a ektémakxa nak apmopwána?”

SAN JUAN 12:38 ပူးပေါင်းရင်းမြစ်များ

SAN MATEO 15:7

¡Kéxegke kélmeyókásamáxkoho nak kéltémakxa! Apchakhásesamók kéltémakxa kéxegke Isaías aptaha axta Dios appeywa aplegaso, aptéma axta appeywa s'e:

SAN MATEO 16:17

Aptahak axta Jesús apcháneya s'e: —Apkeleñémo exchep Simón, Jonás apketche, hakte megkañamak nepyeseksa énxet'ák xa apya'áseyak nak, wánxa apya'asáseykegkoho m'a Táta, apha nak néten.

SAN MATEO 27:35

Xama axta kélyepetchesa aksok ektegyéso Jesús, keñe axta aptawásegkok xama aksok sẽlpextétamo, yakwayam enxoho elyápetchesakpok Jesús apkelnakta.

SAN JUAN 12:37

Apkelanak axta eykhe cha'a Jesús aksok sempelakkaso agko' agweta' nápakta'awo' xa énxet'ák nak, apkelya'ásekmek axta eyke xa énxet'ák nak;

SAN JUAN 12:39

Apkelya'ásekmek axta xa énxet'ák nak, hakte axta anhan entemék aptáxéso Isaías weykcha'áhak se'e:

SAN JUAN 15:25

Temék ekyókxoho xa, hakte megkatnehek megkatné ektémakxa nak eknaktáxésamaxche segánamakxa apagkok xa énxet'ák nak, ektéma nak ekpeywa s'e: ‘Etaknókek ko'o énxet'ák meykexho eñamakxa.’

SAN JUAN 17:12

Eltakmelchesegkek axta cha'a ko'o xa énxet'ák nak, neyseksók sekha xamo' keso náxop, ekmasmeyk axta anhan cha'a yetlo m'a xép apwesey ekha nak ekmowána, cham'a apwesey segkésama axta exchep. Axta anhan exyánegweykmok xama enxoho xa énxet'ák nak, wánxa axta apxegánegweykmo m'a aptaha axta apxegányam, yakwayam enxoho katnehek ma'a ektémakxa nak eknaktáxésamaxche weykcha'áhak.

SAN JUAN 19:24

Ekeso eñamakxa aptaha axta apkelpakhetcháseykpoho sẽlpextétamo s'e: —Mólyeptek sat, antawaksek sat xama aksok, ekwatnakxa sat kamok. Cháxa ektahakxa axta ektaha m'a ektémakxa nak eknaktáxésamaxche weykcha'áhak se'e: “Apkelyapetcháseykpek selnakta, keñe aptawásegko xama aksok yakwayam emok apáwa apwenakte m'a ektahakxa enxoho apchakhémo.” Cháxa apkelánegko axta sẽlpextétamo xa.

ROMANOS 10:16

Háwe eyke apyókxoho énxet apkelyaheykekxoho m'a ektémakxa nak ekpeywa tásek amya'a. Ekhawo ektémakxa axta apxeyenma Isaías se'e: “Wese', ¿yaksak axta énxet mey'áseykmo neltenneykha axta negko'o?”

ROMANOS 10:20

Keñe axta megyéseykxo aptaha appeywa Isaías se'e: “Eteyákxeyk axta ko'o m'a énxet'ák mehektamsama axta; ekxekmowásexkók axta ko'o m'a énxet'ák metegyeykencha'a axta sekwesey.”

1 CORINTIOS 1:24

Keñe m'a énxet'ák ektaha nak apkelwóneykha Dios, aptemésesama Mesías apxekmóso Dios apmopwána, tén han ma'a ektémakxa nak han apya'áseykegkoho Dios, nepyeseksa énxet'ák judíos esenhan nepyeseksa m'a énxet'ák metnaha nak judíos.