SAN JUAN 12:23 - Lengua Sur (Enxet) Nuevo Testamento

²³ Aptahak axta Jesús apkeláneya xa énxet'ák nak. —Wokmek kaxwo' ekhem yakwánxa nak kóltemésesek apcheymákpoho m'a ektaha nak Apketche énxet.

SAN JUAN 12:23 ပူးပေါင်းရင်းမြစ်များ

SAN MATEO 25:31

“Apkexyekmek sat agkok aptaha nak Apketche énxet yetlo apcheymákpoho, ewakhak sat apkelásenneykha étlantámhok, keñe sat exek néten aptaháno eyeymáxkoho.

SAN MATEO 26:45

Keñe axta apmeyákxo makham aphágkaxa axta apkeltámeséyak. Aptahak axta makham apkeláneya s'e: —Kélnaktenchek neykel'a makham kéxegke kéllókasa kélyampé. Wokmek kaxwo' yakwánxa kólmések aptaha nak Apketche énxet ma'a énxet'ák melya'asáxma nak.

SAN MARCOS 14:35

Yetlókók axta apxega Jesús apmahágko yámmakhawo, apháxegwokmek axta ekwokmoho aptekxeya ekpayhakxa nápát xóp. Apkelmaxnakkek axta Dios yakwayam enxoho megkaweyk xa ekmáske nak, cham'a apkepmenyého enxoho Dios.

SAN MARCOS 14:41

Antanxo axta entahak apweykekxa aphágkaxa apkeltámeséyak. Aptahak axta apkeláneya s'e: —Kélnaktenche neykel'a makham kéxegke kéllókasa kélyampé. Nágkólnakténekxa kaxwo', wokmek kaxwo' yakwánxa kólmések aptaha nak Apketche énxet ma'a énxet'ák melya'asáxma nak.

SAN JUAN 12:16

Axta elya'ásegkok sekxo' Jesús apkeltámeséyak xa ektahakxa axta, wánxa agkok xénwokmek axta apwáxók ekyetnama eknaktáxésamaxche ekxeyenma m'a Jesús, cham'a kélmésa axta apcheymákpoho natámen kélxátekháseyam.

SAN JUAN 12:27

“¡Eklegágkok kaxwo' ko'o ekyentaxnamo agko' elapwayam ewáxok! ¿Háxko sat ko'o atnehek sekpeywa? ¿Keya sat atnehek sekpeywa s'e?: ‘Táta, hemaséses ko'o s'e selapwayam nak’. Ekwa'ak axta ko'o yakwayam ótak xa ektéma nak.

SAN JUAN 13:1

Apya'ásegkok axta Jesús ekwokmo ekhem yakwánxa kamaskok apha keso náxop, yakwayam enxoho exnakxak makham xamo' Apyap, amonye ekwayam ekhem melwagkayam axta énxet'ák judíos, cham'a apkeltéma axta Pascua. Apkelásekhayók axta cha'a Jesús ma'a énxet'ák ektaha axta apkelxegexma'a keso náxop, cháxa ektémakxa axta apkelásekhayo ekwokmoho néxa apha xa.

SAN JUAN 7:39

Axta apxénak Jesús ma'a énxet ektahakxa enxoho apteme mey'áseyam peya exkak Espíritu, hakte axta eweyk makham Espíritu. Axta anhan kóltemésesók apcheymákpoho Jesús ma'a.