SAN JUAN 12:20 - Lengua Sur (Enxet) Nuevo Testamento

²⁰ Nápakha énxet'ák griegos axta anhan apkelpaxkamap ma'a énxet'ák apkelmahágko axta Jerusalén yakwayam elpeykeshok Dios ekhem melwagkayam axta judíos.

SAN JUAN 12:20 ပူးပေါင်းရင်းမြစ်များ

SAN MARCOS 7:26

Sirofenicia axta keñamék xa kelán'a nak. Keltamhok axta anhan etekkesesek kelyekhama' awáxok étche.

SAN JUAN 12:1

Seis ekhem axta kéméxchek yakwayam kammok ekhem melwagkayam axta judíos, cham'a kéltéma axta Pascua. Apmeyákxeyk axta Jesús Betania, aphamakxa axta Lázaro, cham'a apxátekhásekmo axta Jesús.

SAN JUAN 12:19

Wánxa agkok, aptahak axta apkelpakhetcháseykpoho énxet'ák fariseos se'e: —Kélwet'ak kéxegke méko nenlana negko'o. ¡Kóllano hana, apxámok énxet'ák apkelyetlo Jesús!

SAN JUAN 7:35

Keñe axta aptaha apkelpakhetcháseykpoho énxet'ák judíos se'e: —¿Háxko apmokókxa emhagkok apxéna nak magwanchek agwetekxa'? ¿Enxeykel'a peyk emhagkok ma'a apheykegkaxa nak judíos apkekhegwayam nak mók nekha, yakwayam enxoho elxekmósek énxet'ák melya'áseyak nak Dios?

LOS HECHOS 14:1

Apkelántaxnegwokmek axta apchakneykekxexa judíos Pablo tén han Bernabé m'a tegma apwányam Iconio. Aptakmelchások axta apkeltenneykha, apxámok axta énxet'ák judíos apteme melya'áseyam, tén han ma'a énxet'ák metnaha nak judíos.

LOS HECHOS 16:1

Apwokmek axta Pablo tegma apwányam Derbe, tén han ma'a tegma apwányam Listra. Axta apwetágwomhok xama énxet apteme axta mey'áseyam Wese' egegkok ma'a apwesey axta Timoteo, xama judía kelán'a ekha megkay'áseyam étche axta m'a, keñe axta apyap griego.

LOS HECHOS 17:4

Nápakha énxet'ák judíos axta anhan melya'ásekmok xa, apkelyetlákxeyk axta Pablo tén han Silas. Apxámok axta anhan énxet'ák griegos melya'ásekmo, cham'a apkelpeykesamo axta cha'a Dios, xámok axta anhan ma'a kelán'ák kelwese'e nak.

LOS HECHOS 20:21

Eltennasegkek axta ko'o énxet'ák judíos seltémo elyakmagkasek apwáxók, tén han ma'a énxet'ák metnaha nak judíos, tén han seltémo etnehek melya'áseyam ma'a Wese' egegkok Jesús.

LOS HECHOS 21:28

Aptahak axta apkelyennaktésawo apkelpeywa s'e: “¡Enxet'ák Israel, hempásem negko'o! Cháxa énxet apweynchámeykencha'a nak ekyókxoho yókxexma xa, apkelxekmósegkek nahan énxet'ák ma'a nelxekmowásamáxche enmexma nak ma'a énxet'ák egagkok, tén han enmexma m'a Moisés segánamakxa apagkok nak, tén han enmexma s'e tegma appagkanamap egagkok nak. Apkelántaxnésa'ak kaxwo' nápakha énxet'ák griegos s'e tegma appagkanamap egagkok nak, aptawáseyha s'e ekpagkanamaxchexa nak.”

LOS HECHOS 8:27

Apkempákxeyk axta néten Felipe, apxegkek axta anhan. Náxet ámay axta aptahanya'awok xama énxet apkeñama axta Etiopía. Wese' eyásenneykha ekha kéláyo axta m'a, wese' Etiopía selyakye agkok axta nahan aptakmelcheseso. Jerusalén axta apmahágkok ma'a yakwayam enxoho elpeykeshok Dios.

ROMANOS 1:16

Mamegkayhek ko'o axének tásek amya'a, hakte cháxa Dios apmopwána xa, yakwayam enxoho elwagkasakpok teyp apyókxoho énxet apteme nak melya'áseyam, eyeynamókxa m'a énxet'ák judíos, wokmók eyke nahan ma'a énxet'ák metnaha nak judíos.

ROMANOS 10:12

Hawók ektémakxa nepyeseksa énxet'ák judíos ma'a ektémakxa nak han nepyeseksa énxet'ák metnaha nak judíos; hakte wánxa xama Wese' egegkok ma'a aptaha nak han Wese' apagkok apyókxoho énxet, eyeykhásesamhok cha'a apméso aksok eltakmela eleñama néten ma'a énxet ektaha nak apwóneykha apwesey.

GÁLATAS 2:3

Axta anhan kólyateyeykegkohok Tito elának kélkahaso kélyenyekhamol'a egyempehek, cham'a Tito aptaha nak Griego sekxegexma ko'o.

GÁLATAS 3:28

Méko kaxwo' negyeykhamaxche egmók, megkeyxek nenteme enxoho judío esenhan griego, megkeyxek nahan nenteme enxoho negmomaxche esenhan ma'a magmomaxche nak, énxet esenhan ma'a kelán'a, hakte kélyókxoho kéxegke kélteme wánxa xama kélteme nak kélyepetcheyo Cristo Jesús.

COLOSENSES 3:11

Massegkek kaxwo' nenteme negyeykhamaxche egmók, megkeyxek nenteme enxoho griego esenhan nenteme enxoho judíos, megkeyxek nahan ma'a ekha enxoho sẽlkahaso kélyenyekhamol'a egyempehek, esenhan ma'a méko enxoho sẽlkahaso, megkeyxek nahan nenteme enxoho neñama mók nekha, megkeyxek nahan nenteme enxoho magya'áseyak aksok, megkeyxek nahan ma'a nenteme nak negmomaxche esenhan ma'a magmomaxche nak; Cristo eyke apwánxa apagko' meyke ekhémo, apheyk nahan kélwáxok Cristo kélyókxoho nak.