SAN JUAN 12:16 - Lengua Sur (Enxet) Nuevo Testamento

¹⁶ Axta elya'ásegkok sekxo' Jesús apkeltámeséyak xa ektahakxa axta, wánxa agkok xénwokmek axta apwáxók ekyetnama eknaktáxésamaxche ekxeyenma m'a Jesús, cham'a kélmésa axta apcheymákpoho natámen kélxátekháseyam.

SAN JUAN 12:16 ပူးပေါင်းရင်းမြစ်များ

SAN MARCOS 16:19

Kélya'ásekxeyk axta néten Jesús natámen apkelpakhetcheso apkeltámeséyak, aphákxeyk axta m'a ekpayhókxa nak apkelya'asamakxa Dios.

SAN MARCOS 9:32

Axta elya'ásegkok apkeltámeséyak xa aptahakxa axta apkeláneya Jesús, apkelakak axta eyke elmaxneyha.

SAN LUCAS 18:34

Axta eyke elya'ásegkok Jesús apkeltámeséyak xa, axta elya'ásegkok nahan ma'a apxéna axta, mopwanchek axta elya'asagkohok ma'a ektahakxa axta apkeltennaso Jesús.

SAN LUCAS 24:25

Keñe axta aptaha apkeláneya Jesús se'e: —Méko kélya'áseyak kéxegke, askehek nahan cha'a yakwayam megkólya'ásemek ma'a ekyókxoho ektémakxa axta apkeltenneykha énxet'ák apkellegaso axta Dios appeywa.

SAN LUCAS 24:45

Apkelya'asásegwokmek axta Jesús ektémakxa eknaktáxésamaxche Dios appeywa xa énxet'ák nak.

SAN LUCAS 9:45

Axta eyke elya'ásegkok apkeltámeséyak aptahakxa axta apkeláneya Jesús, hakte axta egkeyásak Dios yakwayam elya'asagkoho'; apkelakak axta anhan yának eltennásekxohok Jesús ma'a ektahakxa axta aksok apxeyenma.

SAN JUAN 12:23

Aptahak axta Jesús apkeláneya xa énxet'ák nak. —Wokmek kaxwo' ekhem yakwánxa nak kóltemésesek apcheymákpoho m'a ektaha nak Apketche énxet.

SAN JUAN 14:26

Espíritu Santo sat eyke elxekmósek kéxegke ekyókxoho aksok, elya'asásegwakxohok sat nahan ma'a ekyókxoho sektémakxa nak selanagkama kéxegke, cham'a Espíritu aptaha nak Apmasma kéxegke, peya nak yáphásesek kéxegke Táta eñama ko'o sekwesey.

SAN JUAN 16:4

Eltennásek ko'o kéxegke xa, yakwayam enxoho kaxénwakxohok kélwáxok sektéma selánagkama kéxegke, cham'a, ektaha sat kéxegke xa. “Axta eyke altennasók kéxegke sekxo' agko' xa, hakte selxegexma'a axta kéxegke.

SAN JUAN 17:5

Táta hegkes ko'o makham seyeymáxkoho ekyetnama axta ko'o xamo' xép amonye elánamáxche keso náxop, eñama m'a aphamakxa nak xép.

SAN JUAN 2:22

Ekeso eñamakxa ekxeyenwákxoho axta apwáxók apkeltámeséyak aptémakxa appeywa Jesús, cham'a apxátekhágwokmo axta, axta nahan elya'ásekmok apkeltámeséyak ma'a ektémakxa nak ekpeywa eknaktáxésamaxche, tén han ma'a aptémakxa axta appeywa Jesús.

SAN JUAN 7:39

Axta apxénak Jesús ma'a énxet ektahakxa enxoho apteme mey'áseyam peya exkak Espíritu, hakte axta eweyk makham Espíritu. Axta anhan kóltemésesók apcheymákpoho Jesús ma'a.

LOS HECHOS 2:33

Egmések axta negko'o Espíritu Santo, cham'a natámen apya'áseykekxa axta néten Dios ma'a Jesús, tén han ma'a aphésakxo axta ekpayhókxa nak apkelya'asamakxa, tén han ma'a natámen axta apméso Apyap Espíritu apxeyenma axta hegmések negko'o xa. Cháxa kélwetaya nak kéxegke, tén han ma'a kéllegaya nak.

LOS HECHOS 2:36

“Kólya'ásegwakxoho hana kélyókxoho kéxegke ektaha nakso' se'e kéxegke kéltaha nak énxet'ák Israel, Dios axta apteméseso Wese' tén han aptemésesa Mesías ma'a Jesús, cham'a kélyepetchesa axta kéxegke aksok ektegyéso.”

LOS HECHOS 3:13

Apmések axta ekyawe apcheymákpoho meyke ekhémo xama apchásenneykha apwesey Jesús ma'a Abraham Dios apagkok, tén han Dios apagkok ma'a Isaac, tén han ma'a Jacob ektaha nak han ẽlyepmeyk nano' negko'o, cham'a kélmésa axta kéxegke énxet ekyawe nak kéláyo, cham'a apmáheyo axta eykhe ényekxak Pilato, keñe axta kéxegke megkól'awo.

HEBREOS 12:2

Anlanok hana wánxa m'a Jesús, hakte cha'a keñamak magya'áseyam nak negko'o m'a, Jesús nahan apteme apteméseso ektakmela m'a magya'áseyam nak negko'o. Aplegágkók axta Jesús néten aksok ektegyéso, axta yenmexmók Jesús ma'a nétsapma segmegkasamo nak, hakte apya'ásegkok axta peya étak ekpayheykekxa apwáxok natámen aplegeykegkoho apketsapma; aphákxeyk axta anhan ma'a ekpayhókxa nak nelya'asamakxa nekha Dios aptaháno.

HEBREOS 8:1

Akke nenxénak negko'o ektaha ektakmela agko' se'e; yetneyk negko'o aptaha nak apkemha apmonye appasmo apkelmaxnéseso Dios énxet'ák apagkok, cham'a aphákxo nak ma'a néten ekpayhókxa nak nelya'asamakxa nekha Dios aptaháno.