SAN JUAN 11:57 - Lengua Sur (Enxet) Nuevo Testamento

⁵⁷ Apmések axta appeywa fariseos énxet'ák, tén han ma'a apkelámha apmonye'e nak appasmo apkelmaxnéseso Dios énxet'ák apagkok apkeltamho eltennásekxak énxet ektahakxa enxoho apya'áseykegkoho aphakxa Jesús, yakwayam enxoho emok.

SAN JUAN 11:57 ပူးပေါင်းရင်းမြစ်များ

SAN JUAN 10:39

Peyk axta eykhe makham emok Jesús xa énxet'ák nak, wánxa agkok, apxegánegkesek axta eyke Jesús.

SAN JUAN 11:46

Wánxa agkok nápakha énxet judíos axta eyke apkelmeyákxak aphágkaxa fariseos, apkeltennáseyha axta ektahakxa aksok apkelané Jesús.

SAN JUAN 11:47

Keñe axta apchánchesákxo énxet'ák fariseos tén han apkelámha apmonye'e appasmo apkelmaxnéseso Dios énxet'ák apagkok ma'a kelwese'e ekha nak kéláyo. Aptahak axta apkelpakmeta s'e: —¿Háxko sat antehek negko'o? Xámagkek apkelané aksok sempelakkaso agweta' ma'a énxet nak.

SAN JUAN 8:59

Keñe axta apkelma meteymog peya elyetnak Jesús xa énxet'ák nak; wánxa agkok apxeganakmek axta eyke aksa Jesús nepyeseksa xa énxet'ák nak, aptekkek axta kañe' tegma appagkanamap.

SAN JUAN 9:22

Cháxa ektahakxa axta eyátegmoweyak enchána eyeka énxet'ák xa, hakte hawók axta mók apkelpakmeyesma énxet'ák judíos apmoko elántekkesek énxet'ák kañe' apchakneykekxexa ektahakxa enxoho apkelxeyenma Jesús aptaha Mesías.