SAN JUAN 11:44 - Lengua Sur (Enxet) Nuevo Testamento

⁴⁴ Aptekkek axta nahan énxet ektaha axta apketsapma, yetlo kélpextetmo apáwa, ekweykmoho apmék, tén han apmagkok, tén han ma'a nápát. Aptahak axta Jesús apkeláneya énxet'ák se'e: —Kólhexyawáses xa apáwa kélpextetma nak, kólho nahan exog.

SAN JUAN 11:44 ပူးပေါင်းရင်းမြစ်များ

SAN MARCOS 5:43

Apyennaktések axta appeywa Jesús apkeltamho megkóltennaha xa, keñe axta apkeltamho kólagkok ekto m'a sakcha'a nak.

SAN LUCAS 19:20

“Keñe axta anhan apwákxo pók, aptahak axta s'e: ‘Wese', keso selyakye apagkok se'e. Apáwa axta ekpextetchásak sektakmelchesesa;

SAN LUCAS 7:15

Keñe axta aphákxo néten ma'a ektaha axta apketsapma, appakmétékxeyk axta nahan, apmeyásekxeyk axta nahan Jesús ma'a egken.

SAN JUAN 10:30

Wánxa negko'o xama, Táta tén han ko'o.

SAN JUAN 11:39

Aptahak axta Jesús se'e: —Kóllek hana meteymog kélapma nak átog. Entahak axta Marta eyáneya Jesús se'e, cham'a ektaha axta apyáxeg ma'a énxet apketsapma axta: —Wese', aptahapchek ko'o nék, hawók nekha ekhem egwokmok apketsapma.

SAN JUAN 11:43

Natámen apteme appeywa axta Jesús xa, aptahak axta apyennaktésawo appeywa s'e: —¡Lázaro, etyep xa!

SAN JUAN 19:40

Apmeyk axta Jesús aphápak, José tén han Nicodemo, appextetchek axta apáwa kéltexneyak axta sokmátsa, cham'a apkeltémakxa nak cha'a énxet'ák judíos yakwayam yatawónek apkeletsapma.

SAN JUAN 20:5

Apteyánñagkók axta kañe' takhaxpop, apwet'ak axta m'a apáwa kélpexteté axta Jesús, axta eyke etaxnak kañe'.

SAN JUAN 20:7

apwet'ak axta nahan ma'a apáwa kélpextetcheso axta apkátek, axta épetcha'ak ma'a apáwa kélpextetma axta Jesús, kélyaksáseykxeyk axta aksa kélpekkena mók nekha.

SAN JUAN 5:21

Apnakxétekháseykmek cha'a ko'o Táta m'a apkeletsapma axta, egkéshok nahan cha'a elyennakte apnenya'ák, hawók nahan aptémakxa nak Apketche apkelmeyáseykegko cha'a elyennakte apnenya'ák ma'a apmokókxa enxoho egkések.

SAN JUAN 5:25

Peyk kaxwo' kammok xa ekhem nak, keso kaxwo' nak, cháxa yakwánxa sat ellegak Dios Apketche appeywa m'a énxet'ák apkeletsapma axta; Enakxétekhágwók sat ma'a ektahakxa enxoho apkellegé appeywa. Nakso' xa sektahakxa nak sekpeywa seláneya kéxegke.

FILIPENSES 3:21

cham'a peya nak hegyakmagkasesek negyókxa ekmaso nak, yakwayam enxoho katnekxak negyókxa m'a ektémakxa nak apyókxa eyeymáxkoho. Elának sat Cristo xa eñama m'a apmopwána nak, cham'a apmopwána ekmowána nak kasawhekxohok eláneykha ekyókxoho aksok.

APOCALIPSIS 1:18

sekteme nahan mamassegwayam. Etsepmeyk axta ko'o, kaxwo' eyke ekheyk megkatnegwayam enéxa. Yetneyk ko'o ketchesama átog sekmowána alkok átog ma'a apkelmaheykegkaxa nak apkeletsapma axta.