SAN JUAN 11:41 - Lengua Sur (Enxet) Nuevo Testamento

⁴¹ Kéllekkek axta meteymog kélapma átog, apkenmexawók axta néten Jesús, aptahak axta s'e: —Ekmések ko'o ekxeyenma ewáxok xép Táta, hakte apleg'awók xép selmaxnagko.

SAN JUAN 11:41 ပူးပေါင်းရင်းမြစ်များ

SAN MATEO 11:25

Keñe axta aptaha anhan appeywa Jesús se'e: “Eltemésesek ko'o apcheymákpoho exchep Táta aptaha nak Wese' néten, tén han Wese' keso náxop, hakte apxekmósek xép aksok ma'a énxet'ák ekmasextoho nak makham apkelya'áseyak, cham'a aksok mexekmósama axta exchep ma'a énxet'ák ekha nak apkelmopwána, tén han ma'a ekha nak apkelya'áseyak.

SAN MATEO 11:26

Táta, nakso', cháxa ektahakxa axta apmopmenyého exchep xa.

SAN MATEO 27:60

appekkenwokmek axta anhan takhaxpop kaxwé elánamáxche ektaha axta apagkok José, apkeltémo axta kametmaxchek kañe' meteymog. Aptakhákxeyk axta anhan natámen apchápeykekxa átog takhaxpop meteymog ekyawe agko'.

SAN MARCOS 15:46

Keñe axta aptegya'a José apáwa apkexyawáyo, aplekkek axta Jesús aphápak, keñe axta appexteta m'a apáwa nak. Appekkenwokmek axta m'a takhaxpop kélmeta axta meteymog, meteymog axta anhan aptahak apchapeykxo átog ma'a takhaxpop nak.

SAN LUCAS 10:21

Yetlókók axta ekpayheykekxa agko' apwáxok Jesús eñama apméso m'a Espíritu Santo. Aptahak axta s'e: “Ektemésesek ko'o exchep apcheymákpoho Táta aptaha nak Wese' néten tén han Wese' keso náxop, hakte apxekmósek xép aksok ma'a énxet'ák ekmasextoho nak makham apkelya'áseyak, cham'a aksok mexekmósama axta exchep ma'a énxet'ák ekha nak apkelmopwána, tén han ma'a ekha nak apkelya'áseyak. Nakso' Táta, cháxa apkepmenyého axta katnehek xép xa.

SAN LUCAS 18:13

Wánxa agkok, teyépek axta eyke apkenmágkaxa énxet apkelmomo axta cha'a selyakye yakwayam kólmések wese' Roma, axta emokók yenmexhok néten, aptekpagáha axta aksa apnenyek. Aptahak axta appeywa se'e: ‘¡Oh Dios, yepyósho helanok ko'o sekteme nak may'asáxma!’

SAN LUCAS 24:2

Xama axta elwákxo, axta kóteyágweykxak meteymog kélapma axta átog ma'a ekyetnakxa axta;

SAN JUAN 11:22

Ekya'ásegkok eyke ko'o peya egkések makham xép Dios ekyókxoho aksok apkelmaxneyakxa enxoho.

SAN JUAN 17:1

Apkenmexawók axta néten Jesús natámen apxeyenma xa, aptahak axta appakmeta s'e: “Táta wokmek kaxwo' ekhem. Yána sat kataxchek ektémakxa nak aptakmalma Apketche, yakwayam enxoho nahan exekmósek xép Apketche ektémakxa nak aptakmalma exchep.

SAN JUAN 20:1

Axto'ok agko' axta ekmeyákxo takhaxpop María Magdalena, cham'a eyeynókxal'a ekxegeykekxa makham ekhem; axta kalsakawo' ma'a, wet'ak axta ekleyáxko meteymog kélapma takhaxpop átog.

LOS HECHOS 7:55

Wánxa agkok, aplanawók axta eyke apwáxok Espíritu Santo Esteban, apkenmexawók axta néten, apwet'ak axta Dios apcheymákpoho, apwet'ak axta anhan apkenmeyncha'a Jesús ekpayhókxa nak apkelya'asamakxa Dios.

FILIPENSES 4:6

Nágkólho aksa keytnakhaksohok kélwáxok xama aksok, wánxa agkok, kóltennés Dios ekyókxoho xa, cham'a kéltaha enxoho nempeywa nelmaxnagko; kólmaxna Dios, kólmes nahan ekpayheykekxa kélwáxok;