SAN JUAN 11:4 - Lengua Sur (Enxet) Nuevo Testamento

⁴ Xama axta apleg'a Jesús xa, aptahak axta s'e: —Háwe apháxamap yakwayam kakhek Lázaro, Dios apcheymákpoho eyke yakwayam kataxchek ektaha Lázaro xa, tén han yakwayam kataxchek ma'a ektémakxa nak apcheymákpoho Dios Apketche.

SAN JUAN 11:4 ပူးပေါင်းရင်းမြစ်များ

SAN JUAN 10:38

Élanak agkok ko'o sektamheykha neyseksa eykhe selya'áseyam, nágkólya'asem ma'a aksok selané nak ko'o, yakwayam enxoho kólya'ásegwomhok sektaha ko'o sekyepetcheyo m'a Táta.

SAN JUAN 11:40

Aptahak axta apchátegmowágko Jesús se'e: —Ektemék xeyk seyáneya, agkok hey'ásekmok, kótak sat Dios apcheymákpoho.

SAN JUAN 12:28

Táta, yána kóltemésesek eyeymáxkoho apwesey exchep. Keñe axta eklegáxko kélpeywa eñama néten, entahak axta s'e: “Ektemésesek axta ko'o eyémáxkoho exchep apwesey, atnésesek sat makham eyémáxkoho apwesey exchep.”

SAN JUAN 17:1

Apkenmexawók axta néten Jesús natámen apxeyenma xa, aptahak axta appakmeta s'e: “Táta wokmek kaxwo' ekhem. Yána sat kataxchek ektémakxa nak aptakmalma Apketche, yakwayam enxoho nahan exekmósek xép Apketche ektémakxa nak aptakmalma exchep.

SAN JUAN 17:10

Apyókxoho ektaha nak ko'o énxet'ák ahagkok, xép nahan énxet'ák apagkok xa, keñe m'a ektaha nak xép énxet'ák apagkok, ko'o nahan énxet'ák ahagkok ma'a, xekmowásexkók nahan ektémakxa nak ko'o sektakmalma eñama xa énxet'ák nak.

SAN JUAN 17:5

Táta hegkes ko'o makham seyeymáxkoho ekyetnama axta ko'o xamo' xép amonye elánamáxche keso náxop, eñama m'a aphamakxa nak xép.

SAN JUAN 2:11

Cháxa apkelana axta Jesús émha amonye aksok sempelakkaso agweta' tegma apwányam Caná yókxexma Galilea xa, cham'a apxekmósa axta anhan ektémakxa apcheymákpoho, axta anhan elya'ásekmok apkeltámeséyak.

SAN JUAN 5:23

yakwayam enxoho kaxhok kélteme kéláyo Dios Apketche m'a ekwánxa nak kélteme kéláyo ko'o Táta. Agkok kóltahak kéláyo Dios Apketche, megkóltahak nahan kéláyo m'a Táta aptaha axta seyáphaso ko'o.

SAN JUAN 8:54

Aptahak axta apchátegmowágko Jesús se'e: —Takmeláha agkok sekpeywa sekxénáxchekxoho ahagko', chakhók katakmelmakha sekpeywa. Táta eyke m'a ektakmalma nak cha'a sexeyenma ko'o, cham'a kélxeyenma nak kéxegkáxa aptaha Dios kélagkok.

SAN JUAN 9:24

Apcháneyáha axta makham énxet'ák fariseos xa énxet apteme axta meyke apakta'ák. Entahak axta amya'a apcháneyákpo s'e: —Hẽltennés hana negko'o ekmámnaksoho agko' nápakto' Dios. Negya'ásegkok negko'o aptaha mey'asáxma m'a énxet nak.

SAN JUAN 9:3

Aptahak axta apchátegmowágko Jesús se'e: —Megkañamak ma'a mey'asáxma apagko' nak, megkañamak nahan ma'a megkalya'asáxma nak enchána; Dios apmopwána eyke yakwayam kataxchek ektéma meyke apakta'ák xa énxet nak.

ROMANOS 11:11

Ektahak kaxwo' selmaxneyeykha s'e: ¿Megyaknekxéya sat néten énxet'ák judíos apkelpelapokmo axta? ¡Yaknekxak sat néten! Wánxa agkok, apkelwet'ak axta eyke apkelwagkásamap teyp pók énxet'ák, cham'a melyaheykekxo axta Dios énxet'ák judíos, temék axta xa yakwayam enxoho eyásekkesek ma'a énxet'ák Israel.

FILIPENSES 1:11

Kalánhok sat kélwáxok kéxegke kéltémakxa ektakmela eñama apméso m'a Jesucristo, yakwayam enxoho kóltehek kéláyo Dios, tén han kóltemésesek apcheymákpoho.

FILIPENSES 1:20

Awanhek ko'o sekmámenyého megyohok Dios amok sekmegkakto wánxa agkok, ewanchek sat eyke ko'o altennaha apwesey yetlo meyke ektamheykha ewáxok nápakta'awo' ma'a apxámokxoho énxet'ák nak. Ko'o sat makham kañék ekwetamaxche cha'a m'a ektémakxa nak ekyawe apmopwána Cristo, ekhawo m'a sektémakxa axta cha'a, megkeyxek ma'a sétsapa enxoho, esenhan ma'a magwatsapa enxoho.

1 SAN PEDRO 1:21

Cristo nahan keñamak kéltaha megkólya'áseyam kéxegke Dios, cham'a Dios aptaha axta apxátekháseyam Cristo, aptaha axta anhan apméso apcheymákpoho; cháxa keñamak kéltéma nak kéxegke megkólya'áseyam Dios xa, tén han ma'a ektémakxa nak elhaxneykha kélwáxok.

1 SAN PEDRO 4:11

Apkeltennáha agkok xama énxet, kéméxchek katnehek apkeltenneykha m'a ektémakxa nak Dios appeywa, apkelanak agkok aptamheykha xama énxet kéméxchek yásenneykxak ma'a apwaskápeykekxoho ektaha nak apméso Dios. Ekyókxoho aksok kéllanakxa enxoho, kóllána' cha'a yakwayam enxoho kóltemésesek apcheymákpoho Dios eñama m'a Jesucristo, cham'a Dios aptaha nak apagkok ma'a apcheymákpoho nak, tén han ma'a ektémakxa nak apmopwána megkatnegwayam enéxa. Katnahagkok sat cha'a.

1 SAN PEDRO 4:14

Kéleñémo agko' kéxegke apyamatchásencha'a enxoho énxet eñama kélyetlo Cristo, hakte megkamassegwomek cha'a apha kélwáxok kéxegke Espíritu, ekha nak apcheymákpoho apkeñama Dios.