SAN JUAN 11:25 - Lengua Sur (Enxet) Nuevo Testamento

²⁵ Keñe axta aptaha Jesús apcháneya Marta s'e: —Ko'o sekteme nennakxétekhágwayam tén han ekyennakte egnenyek. Enxet ektahakxa enxoho apteme mehey'áseyam ko'o, yetsapok sat eykhe, keynnakwók sat eyke apnenyek;

SAN JUAN 11:25 ပူးပေါင်းရင်းမြစ်များ

SAN LUCAS 23:43

Aptahak axta apchátegmowágko Jesús se'e: —Sakhem sat hexhok xamo' xép ma'a yókxexma apkelmaheykegkaxa nak Dios énxet'ák apagkok apkeletsapma. Nakso' xa sektahakxa nak seyáneya exchep.

SAN JUAN 1:4

Yetnegkek axta nahan ekyennakte egnenyek ma'a. Elseyexma axta m'a ekyennakte egnenyek nak yakwayam enxoho kalsásesexma apyókxoho énxet'ák.

SAN JUAN 14:19

Kaxwo' sat kamaskok sét'a énxet'ák apkeleñamakxa apagko' nak keso náxop; kéxegke sat eyke hélwetak cha'a, kólwetak sat nahan ekyennakte kélnenya'ák, hakte kayhek ko'o egkenyek.

SAN JUAN 14:6

Aptahak axta apchátegmowágko Jesús se'e: —Ko'o sekteme ámay, ekmámnaksoho, tén han ekyennakte egnenyek. Ko'o sekwánxa ahagkok apkelmeyeykemxa énxet yakwayam elmahagkok ma'a aphakxa nak Táta.

SAN JUAN 3:16

“Awanhek axta apkelásekhayo Dios énxet'ák apheykha nak keso náxop, apmések axta Apketche apwánxa xama apagko', yakwayam enxoho megyetsepek ma'a ektahakxa enxoho apteme mey'áseyam, wánxa aksa étak ma'a ekyennakte apnenyek megkatnegwayam enéxa nak.

SAN JUAN 3:36

Negko'o ektahakxa enxoho nenteme magya'áseyam Dios Apketche, keytek ekyennakte egnenyek megkatnegwayam enéxa; keñe m'a ektahakxa enxoho apya'áseyam Dios Apketche mexkeyk sat xa ekyennakte egnenyek nak, wánxa sat exkak ma'a ekmaso senlegasáseykegkoho nak Dios.

SAN JUAN 5:21

Apnakxétekháseykmek cha'a ko'o Táta m'a apkeletsapma axta, egkéshok nahan cha'a elyennakte apnenya'ák, hawók nahan aptémakxa nak Apketche apkelmeyáseykegko cha'a elyennakte apnenya'ák ma'a apmokókxa enxoho egkések.

SAN JUAN 5:26

Yetneyk ekyennakte egnenyek apagkok apagko' ma'a Táta, aptemésesek nahan eñamakxa ekyennakte egnenyek ma'a Apketche ektaha nak han apagkok apagko',

SAN JUAN 6:35

Aptahak axta apkeláneya Jesús se'e: —Ko'o sekteme pan apyennaktésamo nak apnenyek énxet, kéxegke ektahakxa enxoho sey'eykekta' ko'o, megkakhekxék sat cha'a meyk, keñe m'a ektahakxa enxoho mehey'áseyam ko'o, megkakhekxék sat cha'a ekhem.

SAN JUAN 6:44

Méko kawának hey'ótak ko'o mehentegkásento enxoho m'a Táta aptaha axta seyáphaso ko'o; axátekhásók sat ko'o ektemegwokmo sat néxa ekhem.

LOS HECHOS 3:15

Cháxa ektahakxa axta kélakha kéxegke m'a énxet segmésamo nak ekyennakte egnenyek. Wánxa agkok, Dios axta eyke apxátekhásekmok, negko'o eyke ektaha negweteykegkoho xa.

ROMANOS 4:17

ekhawo ektémakxa nak eknaktáxésamaxche s'e: “Ektemésesek axta exchep apyap ma'a apyókxoho énxet'ák nak.” Cháxa Dios, aptéma axta mey'áseyam Abraham xa, cham'a Dios apnakxátekháseykmohol'a énxet'ák apkeletsapma, apkeláneyol'a m'a aksok magwetaya nak makham.

ROMANOS 8:2

hakte ẽlhexyawáseykxeyk axta negko'o m'a segánamakxa eñama nak Espíritu, segmésamol'a cha'a ekyennakte egnenyek eñama negyepetcheyo Cristo Jesús, cham'a sẽlmoma axta m'a ektémakxa nak ekmowána mólya'asáxma, tén han sẽlhexyawáseykxo neyseksa m'a ektémakxa nak ekmowána nétsapma.

1 CORINTIOS 15:18

Temegkek axta agkok xa ektaha nak, elmassegwók axta m'a énxet apkeletsapma axta apteme melya'áseyam Cristo.

1 CORINTIOS 15:29

¿Háxko sat etnahagkok énxet'ák kélyakpasáseyak axta yegmen eñama m'a apkeletsapma axta, cham'a menakxátekhágweykmo enxoho cha'a m'a apkeletsapma axta? ¿Yaksak ektéma apkeltémo nak kólyakpásesagkok yegmen eñama m'a apkeletsapma axta?

2 CORINTIOS 4:14

Hakte negya'ásegkok negko'o m'a Dios, aptaha axta apxátekháseyam apketsapa axta m'a Wese' egegkok Jesucristo, hennakxátekhasók sat nahan negko'o xa xamo' Cristo. Hennaklakxak sat xamo' kéxegke m'a aphakxa nak Cristo.

FILIPENSES 1:23

Eyapagkánexchek ko'o alyésha xa ánet nak. Mók ekxeyenma ewáxok nahan, emenyék watsapok yakwayam axhok xamo' Cristo, hakte xénchek ko'o ewáxok ektakmela agko' hetnehek ko'o xa ektaha nak.

FILIPENSES 3:10

Emenyék eyke eykpelchágwomhok ko'o m'a Cristo, tén han eykpelchágwomhok agko' ma'a ektémakxa axta apmopwána apxátekhágweykmo, tén han hewatámho ko'o m'a ektémakxa axta aplegeykegkoho, tén han kaxhok sétsapma m'a ektahakxa axta apketsapma,

1 TESALONICENSES 4:14

Magya'áseykmok negko'o apketsapma axta Jesús tén han ma'a apxátekhágweykmo axta, ékeso eñamakxa magya'ásekmo nak han peya enakxátekhásók Dios xamo' Jesús ma'a énxet'ák apkeletsapma apteme axta melya'áseyam Jesús.

APOCALIPSIS 1:18

sekteme nahan mamassegwayam. Etsepmeyk axta ko'o, kaxwo' eyke ekheyk megkatnegwayam enéxa. Yetneyk ko'o ketchesama átog sekmowána alkok átog ma'a apkelmaheykegkaxa nak apkeletsapma axta.

APOCALIPSIS 20:5

Wánxa agkok axta eyke enakxétehágwokmok nápakha m'a ektaha axta apkeletsapma megkayeyk'a xa mil apyeyam nak. Cháxa ektaha nak émha amonye nennakxétekhágwayam xa.

APOCALIPSIS 21:4

Emasésesek sat Dios apaktégmenek xa énxet'ák nak, kamaskok sat nétsapma, kamaskok sat nahan ma'a nenlekxagweykha nak, kamaskok sat nahan ma'a senlapwayam nak, kamaskok sat nahan ma'a nenlegeykegkoho ekmáske nak, hakte massegwokmek axta m'a ekyókxoho aksok ekyetnama axta nano' axta.”

APOCALIPSIS 22:1

Exekmósek axta ko'o xama Dios apchásenneykha wátsam eyáxñeyo yegmen, yegmen ekyennaktésamo egnenyek axta m'a. Yagkáxawók axta yegmen, máxa axta m'a sokpeysyamla'a elyenma. Axta keñamak ektepa m'a aphamakxa nak néten aptaháno Dios tén han ma'a Nekkések Apketkok,

APOCALIPSIS 22:17

Aptahak seyáneya Espíritu aptakmalma tén han Nekkések Apketkok aptáwa s'e: “¡Empoho!” Enxet ektahakxa enxoho aplegé etne nahan appeywa s'e: “Empoho” Hem agkok enchakhak énxet, cham'a, apmopmenyého nak ének yegmen, empoho eyhagwata s'e yegmen ekyennaktésamo nak egnenyek meyke ekyanmaga.