SAN JUAN 11:15 - Lengua Sur (Enxet) Nuevo Testamento

¹⁵ Payhekxeyk nahan ko'o ewáxok maxna m'a, hakte cháxa yakwayam kapasmok kéxegke xa, yakwayam enxoho megkólya'asók. Anteyánegwakxohok sat eyke.

SAN JUAN 11:15 ပူးပေါင်းရင်းမြစ်များ

SAN JUAN 11:14

Aptakmelchásók axta apkeltennaso Jesús apkeltámeséyak. Aptahak axta s'e: —Apketsekek Lázaro.

SAN JUAN 11:16

Aptahak axta apkelpakhetchesa apkelxegexma'a Tomás, apkeltamhomakpo axta Apkánet Appalleykmoho s'e: —Nók negko'o xa, yakwayam enxoho ótsaphok xamo' Jesús.

SAN JUAN 11:4

Xama axta apleg'a Jesús xa, aptahak axta s'e: —Háwe apháxamap yakwayam kakhek Lázaro, Dios apcheymákpoho eyke yakwayam kataxchek ektaha Lázaro xa, tén han yakwayam kataxchek ma'a ektémakxa nak apcheymákpoho Dios Apketche.

SAN JUAN 12:30

Aptahak axta Jesús apkeláneya énxet'ák se'e: —Háwe ko'o sellegaso xa amya'a eklegáxko nak, kéxegke eyke kéllegasamo xa.

SAN JUAN 17:19

Sekpagkanchásamáxkoho ahagko' ko'o ektahak xép, eñama xa énxet'ák nak, yakwayam enxoho etnahagkok nahan apkelpagkanamap xa énxet'ák nak eñama m'a amya'a ekmámnaksoho nak.

SAN JUAN 2:11

Cháxa apkelana axta Jesús émha amonye aksok sempelakkaso agweta' tegma apwányam Caná yókxexma Galilea xa, cham'a apxekmósa axta anhan ektémakxa apcheymákpoho, axta anhan elya'ásekmok apkeltámeséyak.

2 CORINTIOS 4:15

Temegkek axta ekyókxoho xa yakwayam enxoho kapasmok kéxegke, yakwayam enxoho exámhok énxet apkelmeyáseyak Dios ektémakxa nak segemleykekxoho, yakwayam enxoho anhan exámhok énxet apméso ekpayheykekxa apwáxok Dios, keñe nahan kóltemésesek apcheymákpoho Dios.

2 TIMOTEO 2:10

Ekeso eñamakxa selenmáxexkoho nak ko'o m'a ekyókxoho ektémakxa nak seklegeykegkoho, yakwayam apasmok ma'a énxet'ák ektaha nak Dios apkelyéseykha, yakwayam enxoho anhan elwagkasakpok teyp xa énxet'ák nak, eñama m'a Cristo Jesús, cham'a nelwagkásamáxche teyp megkatnegwayam nak enéxa, ekha nak han eyeymáxkoho.

1 SAN JUAN 5:13

Kéxegke ektáxesásak se'e weykcha'áhak nak, kélteme nak megkólya'áseyam Dios Apketche, yakwayam enxoho kólya'asagkohok kéxegke ekyetna ekyennakte egnenyek megkatnegwayam enéxa nak.