SAN JUAN 10:29 - Lengua Sur (Enxet) Nuevo Testamento

²⁹ Méko xama aksok kaxhok ma'a aksok segkéso nak ko'o Táta, méko nahan kawának keymentók.

SAN JUAN 10:29 ပူးပေါင်းရင်းမြစ်များ

SAN JUAN 10:28

Ekmések ko'o elyennakte apnenya'ák megkatnegwayam enéxa m'a nekkések seknaktóso nak, meletsepek sat nahan cha'a, méko sat nahan kawának hémentók.

SAN JUAN 10:30

Wánxa negko'o xama, Táta tén han ko'o.

SAN JUAN 14:28

Kélleg'ak axta kéxegke sekxéna ko'o peya atakhekxa', tén han peya awatak makham yakwayam axnaták kélnepyeseksa kéxegke. Nakso' agkok selásekhayo ko'o kéxegke, kalpayhekxak kélwáxok kélyekpelcha enxoho peya amyekxak ko'o m'a aphakxa nak Táta, hakte maxnawo ko'o Táta.

SAN JUAN 17:11

“Kaxwo' sat eyke kamassegwók ko'o sekha keso náxop, elenxanmohok sat eyke apheykha xa énxet'ák nak, keñe sat ko'o amyekxak ma'a aphakxa nak xép. Táta aptakmalma, eltakmelches xép xa énxet'ák nak, eñama nak ma'a ektémakxa nak ekmowána exchep apwesey, cham'a apwesey segkésa axta, yakwayam enxoho etnehek mekxeymákpoho xa énxet'ák nak, ekhawo ektémakxa nak negyepetcheyo egmók negko'o.

SAN JUAN 17:2

Hakte apmések axta exchep Apketche yakwayam etnehek meyke ekhémo nepyeseksa énxet'ák keso náxop, yakwayam enxoho elmésagkok elyennakte apnenya'ák ma'a apyókxoho énxet ektaha axta apméso exchep Apketche yakwayam eltakmelchesek.

SAN JUAN 17:6

“Elya'asásegwokmek ko'o aptémakxa exchep ma'a énxet'ák apkelyéseyncha'a axta exchep keso náxop, cham'a segkésa axta. Xép axta énxet'ák apagkok xa énxet'ák nak, egkések axta eyke ko'o exchep, apkelyahákxók axta nahan xép appeywa.

SAN JUAN 17:9

“Elmaxnakkek ko'o exchep seltamho epasmok xa énxet'ák nak, malmaxnesásak ko'o seltamho epasmok ma'a énxet'ák apkelyetleykekxa nak ektémakxa keso náxop, akke elmaxnesásak ko'o m'a énxet'ák segkéso axta exchep, hakte xép énxet'ák apagkok xa énxet'ák nak.

SAN JUAN 6:37

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.