SAN JUAN 10:28 - Lengua Sur (Enxet) Nuevo Testamento

²⁸ Ekmések ko'o elyennakte apnenya'ák megkatnegwayam enéxa m'a nekkések seknaktóso nak, meletsepek sat nahan cha'a, méko sat nahan kawának hémentók.

SAN JUAN 10:28 ပူးပေါင်းရင်းမြစ်များ

SAN MARCOS 13:22

Hakte elwak sat énxet'ák apkeltemesásamap nak Mesías, tén han ma'a Dios appeywa apkellegaso apkelmopwána amya'a nak; elának sat nahan aksok magkenatcheso agko' nak agweta', tén han ma'a sempelakkaso nak agweta', yakwayam enxoho elyexanchesha énxet'ák, kawomhok sat nahan apkelyexancháseykha m'a ektaha nak Dios apkelyéseykha, apkepwagkexa enxoho.

SAN LUCAS 23:46

Aptahak axta Jesús apyennaktésawo appeywa s'e: —¡Táta, eltamhok ko'o emok xép ehagak! Xama axta aptaha appeywa xa, keñe axta apketsapa.

SAN JUAN 10:29

Méko xama aksok kaxhok ma'a aksok segkéso nak ko'o Táta, méko nahan kawának keymentók.

SAN JUAN 11:25

Keñe axta aptaha Jesús apcháneya Marta s'e: —Ko'o sekteme nennakxétekhágwayam tén han ekyennakte egnenyek. Enxet ektahakxa enxoho apteme mehey'áseyam ko'o, yetsapok sat eykhe, keynnakwók sat eyke apnenyek;

SAN JUAN 14:19

Kaxwo' sat kamaskok sét'a énxet'ák apkeleñamakxa apagko' nak keso náxop; kéxegke sat eyke hélwetak cha'a, kólwetak sat nahan ekyennakte kélnenya'ák, hakte kayhek ko'o egkenyek.

SAN JUAN 17:2

Hakte apmések axta exchep Apketche yakwayam etnehek meyke ekhémo nepyeseksa énxet'ák keso náxop, yakwayam enxoho elmésagkok elyennakte apnenya'ák ma'a apyókxoho énxet ektaha axta apméso exchep Apketche yakwayam eltakmelchesek.

SAN JUAN 18:9

Cháxa ektahakxa axta xa, yakwayam enxoho katnehek ma'a aptémakxa axta appeywa Jesús se'e: “Táta, mexyenakmok xama enxoho m'a énxet'ák segkéso axta exchep.”

SAN JUAN 3:36

Negko'o ektahakxa enxoho nenteme magya'áseyam Dios Apketche, keytek ekyennakte egnenyek megkatnegwayam enéxa; keñe m'a ektahakxa enxoho apya'áseyam Dios Apketche mexkeyk sat xa ekyennakte egnenyek nak, wánxa sat exkak ma'a ekmaso senlegasáseykegkoho nak Dios.

SAN JUAN 4:14

énxet ektahakxa enxoho apya yegmen peya nak agkések ko'o, megkakhekxék sat cha'a ekhem. Hakte katyapok sat aksa apwáxok énxet yegmen peya nak agkések ko'o, ektémol'a m'a ekteyapmakxal'a yegmen, kagkések sat nahan ekyennakte egnenyek megkatnegwayam enéxa.

SAN JUAN 5:24

“Aphaxnawók agkok énxet sekpeywa ko'o, aptemék agkok nahan mey'áseyam ma'a aptaha nak seyáphaso ko'o, cháxa ekyetna ekyennakte apnenyek xa; metnehek sat nahan apsexnánémap, hakte apyeyk'a ma'a nétsapma nak, yennakwokmek kaxwo' apnenyek. Nakso' xa sektahakxa nak sekpeywa seláneya kéxegke.

SAN JUAN 6:27

Nágkóltemeykha aksa yakwayam kóltegyek ma'a nento eksawhomáxkohol'a, akke tásek kóltemeykha yakwayam kóltegyek ma'a nento ekyennaktésamo nak egnenyek ektaha nak han megkamassegwayam. Cháxa nento peya nak egkések kéxegke ektaha nak Apketche énxet xa, hakte apkelkahásek axta Dios Egyap xa.

SAN JUAN 6:37

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.

SAN JUAN 6:47

Enxet apteme nak mey'áseyam, yetneyk ekyennakte apnenyek. Nakso' xa sektahakxa nak sekpeywa seláneya kéxegke.

SAN JUAN 6:68

Aptahak axta apchátegmowágko Simón Pedro s'e: —Wese', ¿yaksak agya'ammok negko'o? Xép appeywa ekteme amya'a ekyennaktésamo egnenyek megkatnegwayam enéxa.

LOS HECHOS 7:59

Neyseksa kélyetné meteymog axta aptahak nempeywa nelmaxnagko Esteban. Aptahak axta s'e: “Wese' Jesús, ema ko'o ehagák.”

ROMANOS 5:17

Yetnegkek axta nétsapma eñama m'a aksok ekmaso apkelané axta xama énxet, sat eyke ekyagwánxa agkok keytek axnagkok elyennakte apnenya'ák ma'a énxet'ák apxeyenma nak Dios aptaha apkelpéwomo eñama ekyawe apkelásekhayo, cham'a aptemésesama axta meyke ekyanmaga apmésama xa, eñama m'a xama énxet apwesey nak Jesucristo.

ROMANOS 5:2

Cristo keñamak negkegwagko negko'o agyo'ókxak kaxwo' Dios eñama m'a magya'áseyam nak, yakwayam enxoho kalkohok apwáxok negko'o Dios. Magyensakmok nahan negyennaktésamo nenteme magya'áseyam, awanhek nahan negko'o ekpayheykekxa egwáxok neyseksók nelhaxanma hegwatámhok negko'oxa m'a ektémakxa nak Dios apcheymákpoho.

ROMANOS 5:21

Yetnegkek axta ekmowána mólya'asáxma yakwayam katekkesek nétsapma, ekhawo nahan ektémakxa m'a Dios segásekhayo nak, yetnegkek axta nahan ma'a yakwayam enxoho hẽltemésesek nelpéwomo, tén han hegmések ekyennakte egnenya'ák megkatnegwayam enéxa eñama m'a Jesucristo Wese' egegkok.

ROMANOS 5:9

Kaxwo' eyke ẽltemésesek negko'o nelpéwomo eñama m'a apketsapma axta Cristo, ékeso eñamakxa peya sat kayágwomhok nelmeyamáxche negko'o neyseksa ektemegwánxa néxa senlegasáseykegkoho, eñama m'a Cristo.

ROMANOS 6:23

Nétsapma ekteme ekyanmaga m'a mólya'asáxma nak, wánxa agkok, ekyennakte egnenya'ák megkatnegwayam enéxa eñama negyepetcheyo Cristo Jesús Wese' egegkok akke m'a aksok segméso naksa nak Dios.

ROMANOS 8:1

Méko kaxwo' yakwayam kának kóllegásesagkohok ma'a énxet'ák apyepetcheyo nak Cristo,

ROMANOS 8:29

Apkelpagkanchek axta Dios ma'a énxet'ák ektaha axta apkelyekpelchémo nano' axta, yakwayam enxoho exnágwakxohok ma'a Apketche, yakwayam enxoho etnehek apwányam nepyeseksa apkelyáxeg ma'a Apketche.

FILIPENSES 1:6

Nakso' ektemesásak ko'o peya esawhohok aptamheykha Dios, cham'a apchénawo axta apkelana aptamheykha ektakmela kélnepyeseksa kéxegke, ekwokmoho m'a ekhem apkexyekmo sat makham Jesucristo.

2 TESALONICENSES 2:13

Agmések sat cha'a negko'o ekxeyenma egwáxok Dios kéxegke eñamakxa, elyáxeg ektaha nak apkelásekhayo Wese' egegkok, hakte apkelyésáha axta kéxegke Dios sekxo' agko', yakwayam kólxawak kélmonye'e kélwagkásamáxche teyp eñama m'a Espíritu aptaha nak apteméseso kélpagkanamaxche kéxegke, tén han eñama kélteme megkólya'áseyam ma'a amya'a ekmámnaksoho nak.

1 TIMOTEO 1:16

Ekeso eñamakxa meyakmagkáseykekxo nak Dios sektémakxa ko'o: yakwayam enxoho kañék ko'o ekwetamaxche m'a ekyókxoho ektémakxa nak mepekhésamap Jesucristo. Cháxa setnamakxa axta ko'o xa yakwayam enxoho elwetak ma'a énxet'ák peya nak han etnehek melya'áseyam Cristo, yakwayam enxoho étak ekyennakte apnenya'ák megkatnegwayam enéxa.

2 TIMOTEO 1:12

Cháxa keñamak seklegágkoho nak ko'o kaxwo' ekyókxoho xa aksok nak, wánxa agkok mamegkayhek eyke ko'o axének, hakte ekya'ásegkok ko'o m'a aptaha nak seyayókxa; nakso' nahan ektemesásak ko'o ekyetna apmopwána hetakmelchesesek ekweykmoho néxa ekhem ma'a sektamheykha apkeltamho axta alána'.

HEBREOS 7:25

Ekeso eñamakxa apkepwagko nak Jesús elwagkasek teyp megkatnegwayam enéxa m'a énxet'ák apkelya'eykekxa nak Dios eñama m'a Jesús, hakte apheyk makham ma'a yakwayam enxoho yának epasmok Dios xa énxet'ák nak.

1 SAN PEDRO 1:5

Apkeltakmelchesegkek kéxegke Dios yetlo m'a ektémakxa nak apmopwána, eñama m'a ektémakxa nak megkólya'áseyam, yakwayam enxoho kólxawak kéxegke kélwagkásamáxche teyp, cham'a aptakmelchesesama nak kéxegke Dios, cháxa peya nak hegya'asásegwók ektemegwánxa néxa ekhem xa.

1 SAN JUAN 1:2

Enxekmowáseyxkók axta negko'o xa amya'a ekyennaktésamo nak egnenyek, negwetayak axta, neltenneykha axta anhan cha'a negko'o nenxeyenma xa; neltennasegkek axta anhan kéxegke xa ekyennakte egnenyek megkatnegwayam enéxa nak, axta yetnók ma'a aphamakxa nak Dios Egyap, cháxa ekyennakte egnenyek senxekmowásamáxkoho axta negko'o xa.

1 SAN JUAN 2:19

Negyeseksa nahan apkeleñamak apkelánteyapma xa énxet'ák nak; wánxa agkok, háwe axta eyke nelxegexma'a negko'o xa énxet'ák nak, kaxtemek axta ekmámnaksoho apkeleñama negyeseksa negko'o, hempaxkaha axta. Temegkek axta eyke xa ektaha nak, yakwayam enxoho katakmelek ekwetamaxche metnaha apyókxoho énxet apkeleñama negyeseksa negko'o.

1 SAN JUAN 2:25

Keso sẽltennasama axta Jesucristo hegmések se'e: ekyennakte egnenyek megkatnegwayam enéxa.

1 SAN JUAN 5:11

Apxeyenmék axta Dios segmésama negko'o ekyennakte egnenyek megkatnegwayam enéxa, cháxa ekyennakte egnenyek ekyetnama nak ma'a Apketche. Cháxa apxeyenma nak Dios xa.

SAN JUDAS 1:1

Ko'o Judas, sektaha nak Jesucristo apkeláneykha, sektaha nak han Santiago apyáxeg, ektáxésesek ko'o weykcha'áhak ma'a énxet'ák apkelásekhayókxa nak Dios Egyap, cham'a ektaha axta anhan apkelwóneykha, cham'a apkeltakmelchesama nak han Jesucristo.

SAN JUDAS 1:21

Kóltakmelches ma'a segásekhayo eñama nak Dios, kólleyx nahan ma'a ekhem yakwánxa nak hegmések ekyennakte egnenyek megkatnegwayam enéxa Wese' egegkok Jesucristo, eñama m'a ektémakxa nak ektakmeleykha apwáxok henlano'.

SAN JUDAS 1:24

Yetneyk apmopwána Dios yakwayam eltakmelchesek kéxegke, yakwayam enxoho megkólpalegme', yakwayam enxoho anhan enaklakxak meyke ekyepetche xama aksok, yetlo ekyawe ekpayheykekxa kélwáxok ma'a aphamakxa nak yetlo apcheymákpoho, cham'a Dios aptaha nak wánxa xama apagko', aptaha nak han segwagkasamo teyp. Apcheymákpoho sat cha'a kóltemésesek Dios, tén han kóltemésesek meyke ekhémo, ekha apmopwána, tén han ekha kélyaheykekxoho, eñama m'a Jesucristo Wese' egegkok, eyeynamókxa m'a nano' axta, ekwokmoho s'e kaxwo' nak, megkamassegwomek nahan cha'a. Katnahagkok sat.