SAN JUAN 10:12 - Lengua Sur (Enxet) Nuevo Testamento

¹² Keñe m'a énxet keláneykha nekkések kélyanmagkaseso nak aptamheykha, apwet'ak agkok ekxegakmo aksok nawhak eklo, ekxak aksa nekkések yenyehek, hakte háwe etnehek apkelánnekyha nekkések apagko', háwe nahan katnehek apnaktóso m'a nekkések. Páxakwokmek agkok aksok nawhak eklo nekkések yakwayam kalnápok, kaxpánchesek nahan.

SAN JUAN 10:12 ပူးပေါင်းရင်းမြစ်များ

SAN MATEO 10:16

“¡Kóllano, máxa ektemesásak kéxegke nekkések seláphasa neyseksa m'a aksok nawha'ák ello nak, kólteme ekha kélya'áseykegkoho ektémol'a yéwa, kólteme anhan megkólyementé aptémol'a wáx'ay.

SAN MATEO 7:15

“Kólawho kéxegke énxet'ák apkelmopwána amya'a nak, apkelxeyenmol'a ektaha eñama Dios ma'a apkeltenneykha nak. Nekkések cha'a exnésakpohok ey'áwak kéxegke xa énxet'ák nak, aksok nawha'ák ello eyke.

SAN JUAN 10:13

Yenyehek nahan xa énxet nak, hakte wánxa aksa apmopmenyého m'a kélyanmagkaseso nak aptamheykha, megkaxének apwáxok nekkések.

SAN JUAN 10:2

Enxet ektahakxa enxoho aptaxneweykta átog nekkések apxagkok, cháxa énxet apteme apkeláneykha nekkések apkeltakmelchesamol'a apnaktóso nekkések xa.

SAN JUAN 10:3

Emeykesesek nahan átog ma'a énxet ektaha nak aptakmelcheso átog, keñe keláneykha nekkések exének cha'a apwesey ewónmakha ektémakxa enxoho apwesey nekkések. Ekpelkohok nahan nekkések ma'a appeywa. Elántekkesek nahan ma'a apxagkok,

LOS HECHOS 20:29

Ekya'ásegkok ko'o m'a sekxega sat peya elwak pók énxet'ák, emawhok sat emasésak ektémakxa nak apchakneykekxa énxet, máxa sat etnahagkok ma'a aksok nawha'ák ellól'a.

1 TIMOTEO 3:3

megkatakmelak etnehek ma'a anmenáto nak, megkatakmelak nahan etnehek ma'a megyéso nak elwok, akke tásek etnehek ma'a ektakmeleykha nak apwáxok, tén han etnehek meyke ektahakxa apwáxok, tén han ma'a megkaxéneykha nak apwáxok selyakye.

1 TIMOTEO 3:8

Hawók nahan ma'a énxet ektaha nak appasmeykha kéltamheykha kélakneykekxexa, kéméxchek etnehek ma'a énxet ekha nak kéláyo, metnehek ma'a apmopwána amya'a nak, metnehek nahan ma'a apyeykhásamákpoho nak apya anmen, metnehek nahan ma'a ekmaso nak aptémakxa yepmenyéhok selyakye,

2 TIMOTEO 4:10

hakte eñókek aksa ko'o exakko' Demas apmahágko m'a tegma apwányam Tesalónica, hakte apchásekhayók ma'a aksok ekyetna nak keso náxop. Yókxexma Galacia axta eyke apmahágkok ma'a Crescente, keñe axta Tito apmahágko m'a Dalmacia.

TITO 1:7

Enxet apteme nak apkemha apmonye kélakneykekxexa, elának cha'a m'a aptamheykha eñama nak Dios, ékeso eñamakxa eyéméxko nak etnehek ekpéwomo aptémakxa. Megkapayhawok etnehek ekyennakte apwáxok, megkapayhawok nahan etnehek ma'a ekmanyehe nak elwok, megkeyméxchek nahan etnehek ma'a anmenáto nak, metnehek nahan ma'a megyéso nak elwok, metnehek nahan ma'a ekmaso nak aptémakxa yepmenyéhok selyakye.

1 SAN PEDRO 5:2

Kóltakmelches Dios apnaktóso nekkések, cháxa kélásennagkama nak kéxegke yakwayam kóltakmelchesek xa; kóllána' cha'a yetlo kélmáheyo kélagko' ekhawo m'a ektémakxa nak Dios apmopmenyého, háwe m'a kélyáteyeykegkohol'a, háwe nahan ma'a eñama nak kélmámenyého selyakye, wánxa agkok kóllána kéltamheykha yetlo kélmáheyo kélagko'.

2 SAN PEDRO 2:3

Apmopmenyého selyakye sat nahan kañék apteme apkelásenneykekxa kéxegke yetlo m'a ektémakxa nak apkelxekmóso megkamámnaksoho; nano' axta eyke kélleyxcheso yakwayam kóllegásesagkohok xa énxet'ák nak, hakte nano' kélyetsáteyak apkeltémakxa.