SAN JUAN 1:43 - Lengua Sur (Enxet) Nuevo Testamento

⁴³ Mók ekhem axta entahak ekxéna apwáxok emhagkok Jesús ma'a yókxexma Galilea. Aptahaña'awók axta Felipe. Aptahak axta apcháneya s'e: —Hétlawha ko'o.

SAN JUAN 1:43 ပူးပေါင်းရင်းမြစ်များ

SAN MATEO 10:3

Felipe axta anhan ma'a, Bartolomé axta anhan; Tomás axta anhan ma'a, Mateo axta anhan, cham'a apkelmomo axta cha'a selyakye yakwayam kólmések wese' Roma; Santiago axta anhan ma'a aptaha axta Alfeo apketche, Tadeo axta anhan;

SAN MATEO 4:12

Xama axta apleg'a amya'a Jesús kélhésekmo Juan sẽlpextétamakxa, apmahágkek axta yókxexma Galilea.

SAN MATEO 8:22

Aptahak axta apchátegmowágko Jesús se'e: —Hétlawha ko'o, yoho kalatawónek apkeletsapma m'a nétsapma nak.

SAN MATEO 9:9

Apxegákxeyk axta makham Jesús apkeñama m'a, apwetágwokmek axta xama énxet apwesey axta Mateo, cham'a aphama axta elmomaxchexa selyakye yakwayam kólmések wese' Roma. Aptahak axta apcháneya Jesús s'e: —Hétlawha ko'o. Keñe axta apkempákxo néten Mateo, apyetlókek axta anhan Jesús.

SAN LUCAS 19:10

Hakte apwa'ak axta aptaha nak Apketche énxet yakwayam elchetmok ma'a énxet'ák ektaha axta apkelxegányam, tén han elwagkasek teyp.

SAN JUAN 1:28

Cháxa ektaha axta yókxexma kéltéma axta Betania xa, ekpayho nak ekteyapmakxa ekhem nekha wátsam Jordán, cham'a apyakpasáseykegkaxa axta yegmen énxet Juan.

SAN JUAN 1:29

Mók ekhem axta entahak apwet'a Juan apxegakmo Jesús, aptahak axta Juan apkeláneya énxet'ák se'e: “¡Kóllano, cháxa Nekkések Apketkok apkeñama nak Dios xa, aptaha nak apmaséseso melya'asáxma énxet'ák keso náxop!

SAN JUAN 1:35

Mók ekhem axta entahak apha makham Juan yetlo apkánet apkeltámeséyak ma'a.

SAN JUAN 1:37

Xama axta apkelleg'a aptahakxa appeywa Juan apkánet apkeltámeséyak, keñe axta apkemhágko Jesús.

SAN JUAN 1:44

Nátegma Betsaida axta apkeñamak Felipe, cham'a apkeleñamakxa axta Andrés tén han Pedro.

SAN JUAN 12:21

Apyo'ókmek axta Felipe xa énxet'ák nak, cham'a Felipe aptaha axta apkeñama tegma apwányam Betsaida, yókxexma Galilea. Entahak axta amya'a apcháneyákpo Felipe s'e: —Wese', neltamhok negko'o agwetak Jesús.

SAN JUAN 14:8

Aptahak axta Felipe apcháneya Jesús se'e: —Wese', henxekmós negko'o Apyap, sat wánxa agkok ma'a.

SAN JUAN 2:11

Cháxa apkelana axta Jesús émha amonye aksok sempelakkaso agweta' tegma apwányam Caná yókxexma Galilea xa, cham'a apxekmósa axta anhan ektémakxa apcheymákpoho, axta anhan elya'ásekmok apkeltámeséyak.

SAN JUAN 6:5

Xama axta apkenmexo Jesús, apwet'ak axta apxáma énxet apyetlo. Aptahak axta Jesús apcháneya Felipe s'e: —¿Háxko sat antegyásók aptéyak xa énxet apxámokma nak?

SAN JUAN 6:7

Aptahak axta apchátegmowágko Felipe s'e: —Megkawakxók nahan doscientos ekhem nak nentamheykha antegyek nento, yakwayam enxoho kawakxohok cha'a ketsék pók xa apyókxoho nak.

FILIPENSES 3:12

Maxénak ko'o sektwet'a kaxwo' ekyókxoho xa aksok nak, maxénak nahan seltemésesama sekpéwomo; wánxa agkok, elenxanakmók eyke ko'o yakwayam enxoho amok ma'a apma axta apmonye Cristo, hakte Cristo Jesús axta sema apmonye.

1 SAN JUAN 4:19

Negásekhayok negko'o Dios hakte segásekhayo apmonye axta.