SAN JUAN 1:29 - Lengua Sur (Enxet) Nuevo Testamento29 Mók ekhem axta entahak apwet'a Juan apxegakmo Jesús, aptahak axta Juan apkeláneya énxet'ák se'e: “¡Kóllano, cháxa Nekkések Apketkok apkeñama nak Dios xa, aptaha nak apmaséseso melya'asáxma énxet'ák keso náxop! အခန်းကိုကြည့်ပါ။ |
SAN JUAN 1:29
65 ပူးပေါင်းရင်းမြစ်များ
Cristo keñamak ekwetamaxko m'a ektémakxa nak apcheymákpoho Dios, hakte aphawók apagko' Cristo m'a Dios, aptaha nak han appasmo ekyókxoho aksok yetlo m'a appeywa ekha nak ekmowána. Aphákxek axta néten ekpayhókxa nak nelya'asamakxa nekha Dios aptaháno, cham'a, natámen axta segmaséseso nentémakxa mólya'asáxma.
Ekeso eñamakxa apheyáseykpoho apagko' axta Jesús ma'a apkelyáxeg, yakwayam enxoho etnehek nápakto' Dios meyenseyam appasmo apkelmaxnéseso Dios énxet'ák apagkok, tén han etnehek apmopyósa elanok pók, yakwayam enxoho anhan étaksek meyakmagkáseykekxa Dios apkeltémakxa melya'asáxma énxet'ák, eñama m'a apketsapma axta segyanmaga.
Appata apagko' axta aptahak Cristo mólya'asáxma cham'a ekyetlóko axta apkexnákpo axta néten aksok ektegyéso, yakwayam enxoho kamaskok nénmexo negko'o m'a ektémakxa nak mólya'asáxma ektémol'a ótsapok, yakwayam enxoho antehek nentémakxa ekpéwomo. Kélyensasegkek axta Cristo yakwayam enxoho kóltakmelwók kéxegke.
Hakte apketsekkek axta anhan Cristo eñama m'a ektémakxa nak negko'o mólya'asáxma, wánxa nahan xama apketsapma, meyke teyp. Tásek axta aptémakxa Cristo, wánxa agkok, aplegágkok axta eyke aptaha segyanmaga negko'o nenteme nak ekmaso nentémakxa, yakwayam enxoho enaklakxak kéxegke m'a aphamakxa nak Dios. Apketsekkek axta ekhawo ektémakxal'a ótsapok nenteme nak énxet, wánxa agkok apxátekhágwokmek axta eyke eñama apteme apkeñamakxa apagko' ma'a néten.
tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,
kóllegásesagkohok sat ekmaso agko' eñama nak Dios senlegasáseykegkoho, cham'a Dios aplo kélxátama nak xama egheykok, kóllegásesagkohok sat neyseksa táxa tén han neyseksa m'a aksok ektawáseykencha'awol'a egyempehek, nápakta'awo' ma'a Dios apkelásenneykha apkelpagkanamap nak, tén han nápakto' ma'a Nekkések Apketkok.
Axta etnéseseykmohóxma kelán'a xa énxet'ák nak, axta elánesók ekmaso nak nentémakxa mansexta, wánxa aksa apkelyetlama apmahágkaxa enxoho m'a Nekkések Apketkok. Apkelwagkáseykpek axta teyp xa énxet'ák nak nepyeseksa énxet'ák keso náxop, ektémol'a émha amonye aksok kélméso Dios, tén han ma'a kélmésamol'a Nekkések Apketkok.
Apkelmeneykmásek axta nahan Moisés apmeneykmaso, aptaha axta Dios apchásenneykha. Nekkések Apketkok apmeneykmaso axta nahan apkelmeneykmásak. Entahak axta apkelmeneykmaso s'e: “Awanhok agko', tások agko' nahan ekyókxoho aksok apkelané axta exchep Wese', Dios ekha nak apyennakte; ekpéwomo exchep ámay apagkok, ekmámnaksoho nahan, Xép Wese' apwányam nepyeseksa énxet'ák keso náxop.
Elnapakpok sat Nekkések Apketkok xa kelwese'e nak, emalánek sat eyke Nekkések Apketkok nepyeseksa xa kelwese'e apkelwányam nak, yetlo apkelxegexma'a Nekkések Apketkok ma'a ektaha axta Dios apkelwóneykha, cham'a ektaha axta anhan Dios apkelyeseykha, cham'a meyenseyam nak han apteme melya'áseyam, hakte Nekkések Apketkok apteme Wese' nepyeseksa m'a kelwese'e nak, apteme nahan Wese' apwányam nepyeseksa kelwese'e apkelwányam nak.”
Wánxa agkok, megkatxek sat eyke aksok ekmanyása m'a, metxek sat nahan ma'a énxet ekmaso agko' nak aptémakxa, esenhan ma'a aksok sẽlyexancheseykha nak, wánxa sat elántexek ma'a énxet'ák eknaktáxésamaxko nak apkelwesey weykcha'áhak eknaktáxésamaxchexa nak apkelwesey énxet'ák peya nak elwagkasakpok teyp, cham'a weykcha'áhak ektaha nak Nekkések Apketkok apagkok.
Apxegakmek axta xama Dios apchásenneykha apkeñama nepyeseksa m'a siete Dios apkelásenneykha nak, cham'a apkelmeykha axta siete egheykok elláneykegkoho siete ektemegwánxa néxa aksok elmasagcha'a. Aptahak axta seyáneya s'e: “Empoho hana, axekmósek sat xép ektémakxa kelán'a ekpagkanamaxche nak, cham'a peya nak etnehek aptáwa Nekkések Apketkok.”
Keñe axta sekwet'a ko'o Nekkések Apketkok neyseksók xa taháno ektakmalma nak, ekwet'ak axta anhan hawók nápakha énxet apkeleñama néten apwakha'a xa Nekkések Apketkok nak, keñe axta anhan apwakha'a Nekkések Apketkok ma'a apkelámha apmonye'e nak. Apyagkak axta xa Nekkések Apketkok nak, máxa axta eyke entemék apmatñama enxoho. Siete axta apkepet'ák, siete axta anhan apakta'ák. Cháxa siete espíritu apkeleñama Dios kéláphaso cha'a náxop xa.
Xama axta apma weykcha'áhak kélpexteteykxoho xa Nekkések Apketkok nak, apkeltekxeyágkek axta aptapnák ma'a hawók nápakha énxet apkeleñama nak néten nápakto' ma'a Nekkések Apketkok. Axta anhan apkeltekxeyágkok aptapnák xa veiticuatro apkelámha apmonye'e nak. Apyókxoho axta apkelmeykha yát'axpog apyawe xa énxet'ák nak, egheykok ekyátekto elyenma axta nahan apkelmeykha yetlo ekláneyo aksok ekmátsa ekpakneyam éten agkok ma'a kañe'. Cháxa nempeywa nelmaxnagko aptamheyak nak cha'a m'a ektaha nak Dios énxet'ák apagkok.
ကြော်ငြာတွေ