SAN JUAN 1:15 - Lengua Sur (Enxet) Nuevo Testamento

¹⁵ Apkeltenneykha axta Juan apxeyenma aptémakxa m'a. Aptahak axta apxéna s'e: “Cháxa sekxeyenma axta cha'a ko'o seltenneykencha'a xa, sektéma axta cha'a sekpeywa s'e. Enxet peya nak ewak netámen, apteme maxnawo ko'o, hakte aphegkek axta meykexa ko'o.”

SAN JUAN 1:15 ပူးပေါင်းရင်းမြစ်များ

SAN MATEO 3:11

Yegmen ko'o ekmáha sekyakpásásegko kéxegke yegmen yakwayam enxoho wának kólyakmagkasek kélwáxok; wánxa agkok, énxet apxegakmo nak netámen ko'o eyakpásesagkok sat kéxegke Espíritu Santo tén han yetlo táxa. Apmopwána eghak ma'a maxnawok ko'o, megkapayhawok alsókasek ko'o apkeltéto apmagkok.

SAN MARCOS 1:7

Axta etnohok cha'a apkeltenneykha s'e: “Ewak sat netámen ko'o énxet maxnawo nak ko'o. Apmopwána eghak ma'a. Megkapayhawok nahan ko'o xa waháxek apmonye yakwayam alhexyawásesek axat'ák apkeltéto apmagkok.

SAN LUCAS 3:16

wánxa agkok, aptahak axta Juan apkeláneya apyókxoho énxet'ák se'e: “Yegmen ko'o ekmáha sekyakpasásegko kéxegke yegmen; apxegakmek eyke netámen xama énxet yakwayam sat eyakpásesagkok kéxegke yetlo Espíritu Santo tén han ma'a táxa. Apmopwána eghak ma'a maxnawok ko'o, megkapayhawok nahan alhexyawásesek ko'o axát'ák ma'a apkeltéto apmagkok.

SAN JUAN 1:27

cham'a peya nak ewak netámen ko'o. Mehepayhawok nahan ko'o alhexyawásesek axát'ák apkeltéto apmagkok.

SAN JUAN 17:5

Táta hegkes ko'o makham seyeymáxkoho ekyetnama axta ko'o xamo' xép amonye elánamáxche keso náxop, eñama m'a aphamakxa nak xép.

SAN JUAN 8:58

Aptahak axta apchátegmowágko Jesús se'e: —Ekhegkek axta ko'o meykexa Abraham. Nakso' xa sektahakxa nak seláneya kéxegke.

COLOSENSES 1:17

Aphegkek axta Cristo amonye elánamáxche ekyókxoho aksok. Cristo nahan keñamak ektakmela ekhéyak ekyókxoho aksok.

HEBREOS 13:8

Meyakmagkasemek Jesucristo m'a aptémakxa axta, ekhawo makham keso kaxwo' nak, meyakmagkasemek nahan cha'a aptémakxa.

APOCALIPSIS 1:11

Entahak axta amya'a seyáneyáxko s'e; “Etaxés sat weykcha'áhak ektahakxa nak apweté, yapháses sat ma'a siete apchakneykekxexa nak yókxexma Asia, cham'a Efeso tén han ma'a Esmirna, tén han ma'a Pérgamo, tén han ma'a Tiatira, Sardis, Filadelfia, tén han ma'a Laodicea.”

APOCALIPSIS 2:8

“Etáxéses nahan Dios apchásenneykha nak ma'a apchakneykekxexa nak énxet tegma apwányam Esmirna: ‘Keso ektémakxa nak appeywa aptaha nak eyeynókxa tén han ma'a ektemegwánxa néxa, cham'a apketsapma axta, cham'a apha nak makham: