SAN JUAN 1:14 - Lengua Sur (Enxet) Nuevo Testamento

¹⁴ Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

SAN JUAN 1:14 ပူးပေါင်းရင်းမြစ်များ

SAN MATEO 1:16

Jacob axta apketche m'a José, María atáwa, ektaha axta Jesús egken, neltéma nak negko'o Mesías.

SAN LUCAS 2:11

Sakhem apteyekmok David apchókxa m'a yakwayam nak etnehek apmasma kéxegke, cham'a aptaha nak Cristo m'a, aptaha nak Wese' egegkok.

SAN LUCAS 2:7

Axta aptémhok apmonye ekweté étche m'a, apáwa axta pextétak, kañe' yántéseksek kélnaktóso kéleykegkaxa ektéyak axta pekkenwokmok, hakte méko axta ekhágkaxa m'a apheykegkaxa axta cha'a meyk'a.

SAN LUCAS 9:32

Apténawók axta Pedro tén han ma'a apkelxegexma'a. Xama axta apnakxétekhágko, apwet'ak axta Jesús apcheymákpoho, tén han apkelwet'a m'a apkánet énxet aptaha axta apkelxegexma'a.

SAN JUAN 1:1

Aphegkek axta sekxo' agko' ma'a ektaha nak Appeywa, aphegkek axta xamo' Dios, Dios axta anhan ma'a.

SAN JUAN 11:40

Aptahak axta apchátegmowágko Jesús se'e: —Ektemék xeyk seyáneya, agkok hey'ásekmok, kótak sat Dios apcheymákpoho.

SAN JUAN 14:6

Aptahak axta apchátegmowágko Jesús se'e: —Ko'o sekteme ámay, ekmámnaksoho, tén han ekyennakte egnenyek. Ko'o sekwánxa ahagkok apkelmeyeykemxa énxet yakwayam elmahagkok ma'a aphakxa nak Táta.

SAN JUAN 14:9

Aptahak axta apchátegmowágko Jesús se'e: —Felipe, wegkak ko'o sekha xamo' kéxegke, ¿yahekpelchak makham xép? Enxet ektahakxa enxoho seté ko'o, apwet'ak ma'a Táta; ¿yaksak ektaha apkeltamho nak axekmósek kéxegke Táta?

SAN JUAN 17:22

Ekmések axta ko'o yakwayam etnahagkok apkeltakmalma xa énxet'ák nak, ekhawo setnésesakxa axta exchep setnésesa sektakmalma, yakwayam enxoho etnahagkok mekxeymákpoho xa énxet'ák nak, ekhawo nentémakxa nak negko'o, xép tén han ko'o, nenteme wánxa xama:

SAN JUAN 17:24

“Táta, egkések axta ko'o exchep xa énxet'ák nak, emenyék nahan ko'o hexhok xamo' xa énxet'ák nak, cham'a yakwánxa nak axnók ko'o, yakwayam enxoho elwetak ektémakxa nak ko'o seyeymáxkoho, cham'a seyeymáxkoho segkésa axta exchep; hakte eyásekhayók axta exchep amonye elánamáxche axta keso náxop.

SAN JUAN 18:37

Aptahak axta apkelmaxneyeyncha'a Pilato s'e: —¿Wese' apwányam neyke exchep? Aptahak axta apchátegmowágko Jesús se'e: —Cháxa aptahakxa nak appeywa: ko'o sekteme Wese' apwányam. Ekteyekmek axta ko'o, ekwayak axta anhan keso náxop, yakwayam axének ma'a amya'a ektaha nak ekmámnaksoho agko'. Yeyxhok cha'a sekpeywa ko'o m'a apyókxoho énxet'ák ektaha nak apkelyaheykekxoho amya'a ekmámnaksoho.

SAN JUAN 2:11

Cháxa apkelana axta Jesús émha amonye aksok sempelakkaso agweta' tegma apwányam Caná yókxexma Galilea xa, cham'a apxekmósa axta anhan ektémakxa apcheymákpoho, axta anhan elya'ásekmok apkeltámeséyak.

SAN JUAN 3:16

“Awanhek axta apkelásekhayo Dios énxet'ák apheykha nak keso náxop, apmések axta Apketche apwánxa xama apagko', yakwayam enxoho megyetsepek ma'a ektahakxa enxoho apteme mey'áseyam, wánxa aksa étak ma'a ekyennakte apnenyek megkatnegwayam enéxa nak.

SAN JUAN 3:18

“Negko'o ektahakxa enxoho nenteme magya'áseyam Dios Apketche mantehek nensexnánemaxche; keñe m'a énxet ektahakxa enxoho apteme apya'áseyam aptemék apsexnánémap eñama apya'áseyam ma'a Dios Apketche aptaha nak wánxa xama.

SAN JUAN 6:51

Ko'o sekteme xa pan memassegwayam nak apwéweykento axta apkeñama néten; énxet ektahakxa enxoho apto xa pan nak megyetsepek sat. Sekyókxoho ahagko' ko'o m'a pan peya nak agkések kéxegke, yakwayam enxoho egkések elyennakte apnenya'ák apyókxoho énxet'ák apheykha nak keso náxop.

SAN JUAN 8:32

kólya'ásegwók sat kéxegke ma'a amya'a ekmámnaksoho nak, katnésesek sat kéxegke megkólmomaxche xa amya'a ekmámnaksoho nak.

ROMANOS 8:3

Hakte apkelanak axta Dios ma'a megkawagko axta kalána' Moisés segánamakxa apagkok, yawanchek axta kalána' segánamakxa xa, eñama m'a ektémakxa nak melya'asáxma énxet'ák. Apcháphásek axta Apketche Dios apheyásamákpoho m'a énxet'ák ekha nak melya'asáxma, yakwayam etnehek apyanmaga m'a ektémakxa nak mólya'asáxma, yakwayam enxoho nahan kólmasesók ma'a ektémakxa nak mólya'asáxma, cham'a, ektémakxa nak ekyetno mey'asáxma énxet.

ROMANOS 9:5

Enxet'ák judíos apteme aptawan'ák neptámen ma'a ẽlyepmeyk nano' negko'o, apheyásamákpók axta énxet'ák judíos apwaya Mesías, cham'a aptémakxal'a énxetók xamo', aptaha nak Dios neyseksa m'a ekyókxoho aksok nak. Apcheymákpoho sat cha'a kóltemésesek Dios, katnahagkok sat nahan cha'a.

1 CORINTIOS 15:47

Xóp axta apkeñamak apkelánamákpo apkemha apmonye énxet, náxop axta anhan apkeñamak ma'a; keñe m'a énxet ektaha axta apwé axayo', néten axta apkeñamak ma'a.

2 CORINTIOS 12:9

wánxa agkok, aptahak axta aksa seyáneya Wese' egegkok se'e: “Ko'o seyásekhayo akke yetnak xép, wánxa m'a; hakte xekmowáséxkók ko'o sekmowána m'a énxet'ák apkelyelkamákpoho nak.” Emenyék ko'o keyxkohok sekpeywa axének ektémakxa nak sekyelkamáxkoho, yakwayam enxoho keytek ko'o m'a Cristo apmopwána nak.

GÁLATAS 4:4

Xama axta ekwokmo ekhem, apcháphásek axta Apketche Dios, apteyekmo axta eñama kelán'a ektegkeso, apkelyaheykekxók axta m'a eltémókxa nak antehek Moisés segánamakxa apagkok.

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

COLOSENSES 1:19

Hakte leyawók axta apwáxok Dios keytek Cristo m'a ekyókxoho aptémakxa nak Dios.

COLOSENSES 2:3

Cristo apteme ekyetnamakxa m'a ekyókxoho ektémakxa nak negya'ásegwayam tén han ma'a negyekpelchágwayam nak.

COLOSENSES 2:9

Hakte ekyókxoho aptémakxa nak Dios, sawhomáxkók ekyetnama m'a ektémakxa axta apyókxa Cristo apwaya keso náxop.

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.

HEBREOS 1:3

Cristo keñamak ekwetamaxko m'a ektémakxa nak apcheymákpoho Dios, hakte aphawók apagko' Cristo m'a Dios, aptaha nak han appasmo ekyókxoho aksok yetlo m'a appeywa ekha nak ekmowána. Aphákxek axta néten ekpayhókxa nak nelya'asamakxa nekha Dios aptaháno, cham'a, natámen axta segmaséseso nentémakxa mólya'asáxma.

HEBREOS 1:5

Hakte metnék yának Dios xama apchásenneykha s'e: “Xép apteme hatte; ektemék kaxwo' xép hatte.” Metnék nahan appeywa Dios exének xama apchásenneykha s'e: “Apyap sat hetnehek ko'o m'a, keñe sat etnehek hatte ko'o m'a.”

HEBREOS 10:5

Xama axta apwa'a Cristo keso náxop, aptahak axta apcháneya Dios se'e: “Mopmenyék xép kólmések ma'a aksok kélnaktóso ektekyawa nak, tén han megkapmenyého kólmések ma'a aksok kélméso naksa nak, wánxa agkok, egkések axta exchep se'e ektémakxa nak sekyókxa.

HEBREOS 2:11

Hakte apyókxoho énxet'ák apteme Apyap ma'a Dios, cham'a énxet'ák apkelpagkanamap nak, tén han ma'a ektaha nak apteméseso apkelpagkanamap. Ekeso eñamakxa memegkaktama nak Dios Apketche sẽltéma negko'o apkelyáxeg,

HEBREOS 5:5

Ekhawo ektémakxa axta nahan ma'a Cristo, háwe axta apkelyésamakpoho apagko' yakwayam etnehek apkemha apmonye appasmo apkelmaxnéseso Dios énxet'ák apagkok, Dios axta eyke apméso aptamheykha, hakte Dios axta m'a aptéma axta apkenagkama Jesús se'e: “Xép apteme hatte, ektemék kaxwo' xép hatte.”

1 SAN JUAN 4:14

Negko'o egagko' axta negweté xa, neltenneykha nahan nenxeyenma m'a apcháphásama axta Dios Egyap Apketche yakwayam elwagkasek teyp énxet'ák apheykha nak keso náxop.

1 SAN JUAN 4:9

Enxekmósek axta negko'o Dios ekwánxa ekyawe segásekhayo, cham'a segaphásesa axta negko'o Apketche apwánxa xama keso náxop, yakwayam enxoho agwetak negko'o ekyennakte egnenyek eñama m'a Dios Apketche.

2 SAN JUAN 1:7

Apsawheykekxók énxet'ák apmopwána nak hẽlyexanchesha keso náxop mexeyenmol'a m'a apwaya nak Jesucristo apyetchásamákpoho énxet. Enxet apteme enxoho xa ektaha nak, cháxa apteme énxet apmopwána nak hẽlyexanchesha xa, apteme anhan apkenmexma m'a Cristo.

APOCALIPSIS 19:13

Éma axta apkeltexnámap aptaxno; Dios appeywa axta eyke apwesey.

APOCALIPSIS 21:3

Ekleg'ak axta ko'o kélpeywa ekyennakte agko' eñama m'a ekyetnakxa axta taháno ektakmalma. Entahak axta amya'a s'e: “Apheyk kaxwo' Dios nepyeseksa énxet'ák. Exek sat nahan cha'a xamo', énxet'ák apagkok sat nahan etnahagkok xa énxet'ák nak. Dios sat nahan etnehek Dios apagkok xa énxet'ák nak.