SAN JUAN 1:13 - Lengua Sur (Enxet) Nuevo Testamento

¹³ Dios apketchek xa énxet'ák nak, háwe m'a ektémakxal'a appaleyam kélketchek, háwe nahan ma'a ektémakxal'a apmopmenyého apketchek énxet, Dios akke keñamak apteméseso yakwayam etnahagkok apketchek xa.

SAN JUAN 1:13 ပူးပေါင်းရင်းမြစ်များ

SAN MATEO 3:9

Nágkaxén aksa kélwáxok kólwagkasaxchek teyp kéltaha enxoho kélxénáxkoho kélagko' se'e: ‘Negko'o nenteme Abraham aptawan'ák neptámen’; hakte kawomhok aptemesáseykekxa Dios Abraham aptawan'ák neptámen se'e meteymog nak. Nakso' xa sektahakxa nak seláneya kéxegke.

SAN JUAN 3:3

Aptahak axta apcháneya Jesús se'e: —Agkok etnahákxak énxet kaxwé apteyam, mopwanchek étak ma'a aptémakxa nak Wese' apwányam Dios.

1 CORINTIOS 3:6

Ko'o axta seneykekxa, keñe axta Apolos aptaha apkexpakhéyak yegmen, Dios axta eyke aptaha apwánegkeso xa negkeneykekxa nak.

FILIPENSES 2:13

Hakte Dios aptaha aptekkeseso kéxegke m'a kélmámenyého nak kóllának kéltémakxa ektakmela, aptaha nak han appasmo kéxegke yakwayam kólsawhohok kélteme kélyaheykekxoho m'a ektémakxa nak apmopmenyého.

TITO 3:5

Háwe axta eñama sẽlwagkaso teyp eñama nenlané m'a aksok ektakmela nak, axta eyke keñamak ma'a nelmayóseka axta senlányo. Entemésásekxeyk axta eghaxnagcha'ák eñama m'a segyakpasáseyak axta yegmen, nenxakak axta anhan axnagkok ekyennakte egnenyek eñama Espíritu Santo.

SANTIAGO 1:18

Egmések axta negko'o Dios ekyennakte egnenyek eñama m'a amya'a apagkok ektaha nak ekmámnaksoho, cháxa apkepmenyého axta Dios hegmések negko'o xa, yakwayam enxoho antehek negko'o máxa émha amonye ekyexna kélpagkanchesamol'a Dios, neyseksa m'a aksok apkelané axta Dios.

1 SAN PEDRO 1:23

Kéltemesásekxeyk kéxegke kaxwé kélteyam, háwe eyke kaxwo' ma'a ektémakxal'a kélyap énxet, cham'a apketsapmol'a, akke keñamak kéltamheykekxa kaxwé kélteyam kéxegke m'a Dios appeywa ektaha nak ekha ekyennakte, ektaha nak han megkamassegwayam.

1 SAN PEDRO 1:3

Oltemésesek hana apcheymákpoho Dios, Jesucristo Wese' egegkok Apyap, entemésesek axta negko'o eghaxnancha'ák Dios eñama m'a ekyawe ektakmeleykha nak apwáxok henlano', eñama nahan ma'a apxátekhágwayam axta Jesucristo. Cháxa segmésa nak nelhaxneykha ektaha nak ekmámnaksoho agko' xa,

1 SAN PEDRO 2:2

Kólchetam kéxegke Dios appeywa, ektaha nak neme apyegmenek ektakmela apkeñama Dios, ektémol'a sakcha'a kaxwé ekteyam kaktamok ma'a neme, yakwayam enxoho kawánegkesesek kélteme megkólya'áseyam kéxegke xa neme apyegmenek ektakmela nak, tén han kólwetak kélwagkásamáxche teyp,

1 SAN JUAN 3:9

Melanyek cha'a mólya'asáxma énxet apteme nak Dios apketche, hakte keytek ma'a nentémakxa ektaha axta apméso Dios; mopwanchek nahan elának mólya'asáxma, hakte Dios apketche xa.

1 SAN JUAN 4:7

Elyáxeg selásekhayo, kéméxchek ólásekhaxkohok hakte Dios keñamak ma'a nelásekhamaxkoho nak. Apyókxoho énxet apkelásekhamakpoho nak, Dios apketchek ma'a, elya'asagkohok nahan ma'a Dios.

1 SAN JUAN 5:1

Negyókxoho nenteme nak magya'áseyam Jesús aptaha Mesías, nentemék negko'o Dios apketchek; enxama apchásekhayo enxoho xama énxet ekha nak apketchek, elásekháseshok nahan ma'a apketchek.

1 SAN JUAN 5:18

Negya'ásegkok eyke negko'o énxet apteme nak Apyap ma'a Dios melanyek mólya'asáxma, hakte Dios Apketche etakmelchesek, megkatnésesamok nahan exma kelyekhama'.

1 SAN JUAN 5:4

Negyókxoho nenteme nak Dios apketchek, agmalánek ektémakxa nak keso náxop. Magya'áseyam nahan keñamak negmalanma negko'o ektémakxa nak keso náxop.