SAN JUAN 1:10 - Lengua Sur (Enxet) Nuevo Testamento

¹⁰ Aphegkek axta náxop xa ektaha nak Appeywa; apkeláneyak axta eykhe anhan Dios keso náxop eñama xa ektaha nak Appeywa, axta eyke elyekpelchék énxet'ák apheykha nak keso náxop.

SAN JUAN 1:10 ပူးပေါင်းရင်းမြစ်များ

SAN MATEO 11:27

“Egkések axta ko'o Táta ekyókxoho aksok. Méko keykpelkohok Dios Apketche, wánxa m'a Apyap; méko nahan keykpelkohok ma'a Apyap, wánxa ékpelkohok ma'a Apketche, tén han elyekpelkohok ma'a énxet'ák apkepmenyexa enxoho Apketche ékpelchásesamhok aptémakxa Apyap.

SAN JUAN 1:11

Apwayak axta eykhe apheykegkaxa m'a ektaha nak énxet'ák apagkok, wánxa agkok axta eyke yápeykha m'a ektaha nak énxet'ák apagkok.

SAN JUAN 1:18

Méko ekwetaya aptémakxa Dios xama enxoho; axta eyke segyekpelcháseseyam negko'o m'a aptaha nak wánxa xama Dios Apketche, aptaha nak han Dios, aptaha nak han cha'a meyenyaweykha Apyap.

SAN JUAN 1:3

Axta keñamak apkeláneya Dios ekyókxoho aksok ma'a, megkalanaxchek axta ekyókxoho aksok ekhágko nak, méko enxoho m'a ektaha nak Appeywa.

SAN JUAN 1:5

Chápogwatchek nahan neyseksa ekyaktesóxma xa elseyexma nak, yawanchek nahan ekyaktesóxma kaspanchesek.

SAN JUAN 17:25

Xép Táta appéwomo, melya'ásegkok énxet'ák apheykha náxop aptémakxa exchep; ekya'ásegkok eyke ko'o exchep, apkelya'ásegkok nahan aptaha seyáphaso ko'o exchep se'e ektaha nak énxet'ák apagkok.

SAN JUAN 5:17

Wánxa agkok, aptahak axta Jesús apkeláneya s'e: —Aptamháha cha'a ko'o Táta, ektamháha nahan cha'a ko'o xa.

LOS HECHOS 14:17

axta eyke elwáteseykmok apxekmóso aptémakxa aptaha Dios eñama m'a aksok eltakmela axta apkelané; cham'a Dios apcháphásesamol'a cha'a kéxegke mámeye, tén han ma'a ektakmela eknakxamáxche nak ekyexna, cham'a apmésamol'a anhan cha'a kéxegke kélto yakwayam kóltók, keñe kalpayhekxak cha'a kélwáxok.

1 CORINTIOS 1:21

Dios, aptaha nak ekha apya'áseykegkoho, apkeltamhok axta mékpelchehek Dios énxet'ák apheykha keso náxop eñama m'a apkelya'áseykegkoho apancha'awo nak; xénchek axta eyke apwáxok elwagkasek teyp ma'a énxet'ák apteme nak apcháyo eñama m'a appeywa nak, neyseksók eykhe eyánemaxche amya'a ekyéháxma xa amya'a nak.

1 CORINTIOS 2:8

Cháxa melya'áseykegko axta kelwese'e náxop xa, kaxtemek axta apkelya'áseyak, megkólyepetchesek axta aksok ektegyéso Wese' egegkok ekha nak apcheymákpoho.

1 CORINTIOS 8:6

apyetneyk eyke negko'o apwánxa xama Dios Egyap, aptaha nak eleñamakxa ekyókxoho aksok, Dios nahan keñamak nelánteyapma negko'o. Wánxa nahan xama Wese' egegkok ma'a Jesucristo, aptaha nak han eñamakxa elánteyapma ekyókxoho aksok, segwákxoho nahan negko'o xa.

COLOSENSES 1:16

Cristo nahan keñamak apkeláneya Dios ekyókxoho aksok ekhéyak nak néten, tén han aksok ekhéyak nak keso náxop, cham'a aksok negwetayo nak, tén han ma'a magwetayo nak, tén han apkeláneya m'a aksok ekha ekmowána ekheykha nak néten eláneykencha'a nak keso náxop, cham'a ekha nak kélyaheykekxoho, ekha nak han elmowancha'a. Cristo nahan keñamak elánamáxko ekyókxoho aksok, Cristo nahan yakwayam etnehek apagkok.

HEBREOS 11:3

Magya'áseyam keñamak negya'ásegkoho negko'o apkeláneya Dios ekyókxoho aksok eñama m'a appeywa. kelánamáxchek axta aksok magmowána nak agweta', keso negwet'awo nak kaxwo'.

1 SAN JUAN 3:1

Kóllano hana, awanhek segásekhayo Dios Egyap, ékeso eñamakxa neltamhomaxko nak negko'o Dios apketchek, nentemegkek nahan negko'o Dios apketchek. Ekeso eñamakxa mehẽlyekpelchama nak han negko'o énxet'ák ektaha nak apkeleñamakxa apagko' keso náxop, hakte melyekpelchék ma'a Dios Egyap.