GÁLATAS 4:3 - Lengua Sur (Enxet) Nuevo Testamento

³ Ekhawo sentémakxa nak han negko'o xa; ẽlmomchek axta negko'o aksok ekha nak elmowancha'a eláneykencha'a nak keso náxop, cham'a nentémakxa egketkók axta.

GÁLATAS 4:3 ပူးပေါင်းရင်းမြစ်များ

SAN MATEO 11:28

Helyo'óta' ko'o kélyókxoho kéxegke kéltaha nak kélyampayo eñama kéltamheykha tén han ekyentaxnamo nak kélha, ko'o sat allókasesek kélyampé.

SAN JUAN 8:31

Aptahak axta Jesús apkeláneya judíos ektaha axta apteme melya'áseyam se'e: —Kélyaheykekxók agkok kéxegke sektémakxa nak cha'a sekpeywa, kóltehek sat kéxegke ekmámnaksoho seltámeséyak;

LOS HECHOS 15:10

¿Yaksak ektaha kélmoko nak kéxegke kólyekkónek Dios kélmoko nak kólyeykhásesagkohok kéltemo elanagkok énxet'ák apteme nak melya'áseyam Wese' egegkok ma'a kéltémókxa nak antehek, cham'a magkegwagko nak anlának negko'oxa, mopwancha'ak nahan ma'a ẽlyepmeyk nano' nak.

ROMANOS 7:14

Negya'ásegkok negko'o segánamakxa ektaha eñamakxa m'a Espíritu, wánxa agkok, ekmeyásexkok ahagko' axta eyke ko'o mólya'asáxma eñama sekteme sekyelkamáxkoho.

ROMANOS 8:15

Axta kólxaweyk kéxegke espíritu yakwayam egkeyásekxak makham kélmeneykha ektémol'a énxet apkelmomap, wánxa m'a Espíritu aptemésesama nak kéxegke Dios apketchek. Espíritu nahan keñamak nentéma cha'a nempeywa s'e: “¡Táta!”

2 CORINTIOS 11:20

Kélláneyha aksa nahan cha'a kéxegke énxet'ák apteméseso nak máxa kélmomaxche, apkeltémo nak han cha'a kólpasmok, apkelyexancháseykha nahan cha'a kéxegke, elwanyohok nahan cha'a kéxegke, etekpagkasek nahan cha'a kélnát kéxegke.

GÁLATAS 2:4

Nápakha megkatnaha ekmámnaksoho ẽlyáxeg axta eyke apkelyexákpohok sempáxakwa'a negko'o, yakwayam elyexakpohok etyánegwohok ektémakxa nak negko'o negkegwagkexa antehek eñama Cristo Jesús, apmenyék axta anhan hentemesásekxak negko'o nelyaheykekxoho segánamakxa, ektémol'a negmomaxche.

GÁLATAS 3:19

¿Háxko axta ektémakxa ektamheykha segánamakxa? Axayók axta enteyapmak xa segánamakxa nak, yakwayam enxoho kapekkenekxak yáxñakxoho m'a ektémakxa nak meyke apkelyaheykekxoho énxet'ák, ekwokmoho aptepa m'a Abraham aptáwen neptámen, aptaha nak kélláneso m'a appekkeneykekxa axta appeywa Dios. Apkelásennáha axta Dios apkelásenneykha apkeleñama néten yakwayam exének ma'a eltémókxa nak antehek segánamakxa, Moisés axta eyke aptamheykha neyseksa.

GÁLATAS 4:2

Yetneyk eyke énxet ektaha aptakmelcheso xa sakcha'a nak, etakmelchesesek nahan ma'a ekyókxoho aksok apagkok nak, ekwokmoho m'a ekwokmo enxoho ekhem apkeltennasamakxa egkeyásekxak apyap xa.

GÁLATAS 4:24

Yetneyk senxekmóso xa ánet nak: cháxa ánet kelán'a nak ekyetchásamáxkoho m'a ánet ekhémo nak mók nelpakhetchásamáxkoho Dios: xama ekhémo mók nelpakhetchásamáxkoho Dios elánexko axta egkexe Sinaí, ekyetchesamaxkoho m'a Agar, ektaha axta egken ma'a énxet yakwayam nak kóltemésesek apmomap.

GÁLATAS 4:25

Hakte Agar ekyetchesamaxkoho m'a egkexe Sinaí ekyetna nak yókxexma Arabia, ektaha nak han ekyetchesamaxkoho m'a tegma apwányam Jerusalén apyetna nak kaxwo' nak, hakte máxa apmomap aptemék xa tegma apwányam nak, yetlo m'a énxet ektaha nak apheykha m'a.

GÁLATAS 4:31

Elyáxeg, háwe negko'o étchek ma'a kelán'a ekmomaxche nak, akke negko'o étchek ma'a kelán'a megkamomaxche nak.

GÁLATAS 4:8

Kelmomchek axta kéxegke aksok ekha elmowancha'a ekheyásamáxkoho nak dios, cham'a megkólya'áseykegkaxa axta Dios.

GÁLATAS 4:9

¿Háxko katnehek kóltemekxak makham kélyaheykekxoho xa aksok mékoho nak, cham'a aksok elmayóseka ekha nak elmowancha'a, yakwayam katnésásekxak makham kélmomaxche kéxegke, keso kélya'ásegkoho nak kaxwo' Dios, tén han se'e apkelya'ásegkoho nak kaxwo' kéxegke Dios?

COLOSENSES 2:20

Kéletsapawók axta kéxegke xamo' Cristo, massék elma kéxegke m'a aksok ekha nak elmowancha'a eláneykencha'a nak keso náxop. ¿Yaksak ektaha, máxa kéltahak kélyetlákxo enxoho makham kéxegke ektémakxa nak keso náxop? ¿Yaksak ektéma kélyaheykekxoho nak cha'a, ektéma nak cha'a amya'a agáneyxchek se'e?:

COLOSENSES 2:8

Kólawho kéxegke: nágkólho aksa kamok kélwáxok kéxegke m'a apmáheyo nak elyexanchesha énxet'ák yetlo apchásenneykekxa m'a ektémakxa nak apkelya'áseyak megkamámnaksoho, hakte metnehek cha'a apchásenneykekxa Cristo xa énxet'ák nak, wánxa cha'a yásenneykxak ma'a apkeltémakxa nak énxet, tén han apchásenneykekxo cha'a m'a ektémakxa nak ekmowána aksok eláneykencha'a nak keso náxop.

HEBREOS 5:12

Nano' axta kexaha eykhe kóltehek kéxegke kélxekmóso kélnámokkok, kéméxchek eyke kóltámesaxchek makham kéxegke nelxekmowásamáxche eñama Dios ekmanyehe nak agya'asagkohok, kélyelkáxkók kélagko' eyke kéxegke. Kéméxchek cha'a kólyenagkok weyke nam'agkok apyegmenek hakte megkólwanchek makham kóltók ma'a kélto ekyennakte nak.

HEBREOS 7:16

cham'a Melquisedec aptaha axta appasmo apkelmaxnéseso Dios énxet'ák apagkok, hakte axta kañamak kélméso aptamheykha m'a segánamakxa ekxeyenma nak cha'a yakwánxa elenyék énxet'ák appasmo nak apkelmaxnéseso Dios énxet'ák apagkok, axta eyke keñamak kélméso aptamheykha Melquisedec ma'a aptémakxa axta, cham'a aptémakxa axta ektaha nak megkamassegwayam.