FILEMÓN 1:7 - Lengua Sur (Enxet) Nuevo Testamento

⁷ Awanhok agko' ko'o ekpayheykekxa ewáxok, ekwaskápekxók nahan eñama m'a ektémakxa nak sẽlásekhayo exchep, eyáxeg, xép keñamak kélpeykesásekxo apwáxók apyókxoho énxet'ák apteme nak melya'áseyam.

FILEMÓN 1:7 ပူးပေါင်းရင်းမြစ်များ

2 CORINTIOS 7:13

Cháxa sempeykesáseykekxo nak egwáxok negko'o xa. Yágwokmók eyke negko'o elpayheykekxa egwáxok, cham'a ekpayheykxo nak egwáxok negwet'a ekpayheykxo apwáxok Tito; hakte kélyókxoho kélwaskakkásekxohok makham kéxegke m'a Tito.

2 CORINTIOS 7:4

Magweysekxek ahagko' cha'a ko'o selpakhetchesa enxoho kéxegke, awanhek nahan ekpayheykekxa ewáxok kéxegke eñamakxa. Ekwaskápeykxók cha'a ko'o neyseksa m'a ekyókxoho ektémakxa nak nenlegeykegkoho, awanhek nahan cha'a ekpayheykekxa ewáxok.

1 TESALONICENSES 1:3

Mehẽlwagkágwokmok cha'a negko'o ekxeyenma egwáxok kéxegke nápakto' Dios Egyap, cham'a kéltamheykencha'a nak yetlo ekyawe agko' megkólya'áseyam neyseksók kéltamheykha, tén han kéltamheykencha'a yetlo ekyawe agko' kélásekhayo, mehẽlwagkágweykmok nahan ektémakxa nak ekpasmo yakwayam kólenmaxaxkohok kéllegeykegkoho yetlo kélwaskápeykekxoho m'a kélhaxneykha nak Wese' egegkok Jesucristo.

1 TESALONICENSES 2:13

Ekeso eñamakxa negmésa nak cha'a negko'o ekxeyenma egwáxok Dios, hakte xama axta kélleg'a kéxegke amya'a eñama Dios neltenneykha negko'o, ekmámnaksoho axta kéltemesásak kéxegke ektaha eñama Dios ma'a amya'a neltennásencha'a axta kéxegke, axta kaxénak kélwáxok ektaha apkeltenneykha apagko' la'a énxet. Nakso' agko' ektaha amya'a eñama Dios xa ektekkesama nak kéltémakxa ektakmela kéxegke kélteme nak megkólya'áseyam.

1 TESALONICENSES 2:19

Kéxegke kélteme eñamakxa negko'o nelhaxneykha, kéxegke nahan kélteme eñamakxa negko'o ekpayheykekxa egwáxok, kéxegke nahan kélteme eñamakxa nak negko'o ektakmeleykha egwáxok, kéxegke nahan kélteme sentakmelchesáseykekxa cha'a egwáxok. Kéxegke sat makham kañék negweté negko'o ekyókxoho xa, cham'a apwakto sat Jesucristo Wese' egegkok.

1 TESALONICENSES 3:9

Awanhok agko' negko'o negméso ekpayheykekxa egwáxok Dios kéxegke eñamakxa, tén han eñama m'a ekyawe ekpayheykekxa egwáxok ekyetna nak negko'o nápakto' Dios kéxegke eñamakxa.

2 TIMOTEO 1:16

Emenyék ko'o meyakmagkásekxék Wese' egegkok aptamhágkaxa m'a apheykha nak Onesíforo apxagkok, hakte hepeykesásekxohok axta cha'a ewáxok, axta emegkaktók selhéseykmo ko'o sẽlpextétamakxa.

FILEMÓN 1:20

Eyáxeg etne hana xa sektemésesakxa nak, ekhawo nentémakxal'a nenteme nak magya'áseyam Wese' egegkok; hepeykesásekxa hana ewáxok ekhawo aptémakxal'a egyáxeg nentémo xamo' nak magya'áseyam Wese' egegkok.

2 SAN JUAN 1:4

Awanhek axta ko'o ekpayheykekxa ewáxok sekwet'a apkelánegko nentémakxa ekmámnaksoho nápakha énxet apkeleñama nak xa kélakneykekxexa nak, ekhawo m'a apkeltémókxa axta antehek Dios Egyap.