FILEMÓN 1:6 - Lengua Sur (Enxet) Nuevo Testamento

⁶ Elmaxnakkek nahan ko'o Dios seltamho ey'ásegwomhok ektakmela exchep ma'a ekyókxoho nenxawé nak aksok eltakmela eleñama néten, cham'a ekyetna nak negko'o eñama negyepetcheyo Cristo Jesús, xép aptaha nak nentémo xamo' magya'áseyam.

FILEMÓN 1:6 ပူးပေါင်းရင်းမြစ်များ

SAN MATEO 25:16

Apyancháseykxeyk axta selyakye apagkok ma'a énxet apxawé axta cinco mil sawo selyakye, cinco mil axta anhan wokmok apyancháseykekxa selyakye.

SAN MATEO 5:16

Kóllenxánem nahan kéxegkáxa kalsásamhoxma nápakta'awo' énxet'ák ma'a elseyexma kélagkok nak, yakwayam enxoho elpeykeshok Dios Egyap apha néten apyókxoho énxet'ák, cham'a ekwetáxko enxoho kéltémakxa ektakmela kéxegke.

1 CORINTIOS 14:25

Keñe sat keytnekxak yáxñakxoho ektémakxa nak aksok ekyetno apwáxok nápakta'awo' énxet'ák, eltekxók sat nahan aptapnák elpeykeshok Dios, ékpelchágwomhok sat nahan eyámnaksoho apha Dios kélnepyeseksa kéxegke xa énxet nak.

1 CORINTIOS 16:9

hakte peyk ko'o alyentamaxkohok alának sektamheykha eñama nak Wese' egegkok, yakwayam enxoho katakmelhok ekteyapma sektamheykha, ñekhe apxáma m'a énxet senmexeykha nak ko'o.

FILIPENSES 4:8

Amonye selwateso elyáxeg, kaxén kélwáxok ma'a ekyókxoho aksok ektaha nak ekmámnaksoho, tén han ma'a ekyókxoho aksok eyéméxko nak antehek negáyo, tén han ma'a ekyókxoho aksok ektaha nak elpéwomo, tén han ma'a ekyókxoho aksok ektaha nak eláxñeyo, tén han ma'a ekyókxoho aksok ekleklamókxa nak kélwáxok kataxchek antehek, tén han ma'a ekyókxoho aksok ektakmela nak cha'a ekxénamaxche. Kaxén kélwáxok ma'a ekyókxoho aksok ektakmela nak, eyéméxko nak katakmelek nenxeyenma.

COLOSENSES 1:9

Ekeso eñamakxa magyensakmo nak negko'o nelmaxnéseso kéxegke eyeynawo m'a nenlegakxa axta amya'a, axta anhan agyensakmok nelmaxnagko Dios neltamho elya'asásegwomhok agko' ma'a ektémakxa nak apmopmenyého, tén han neltamho egkések ma'a ekyókxoho ektémakxa nak negya'ásegwayam, tén han ma'a kélyekpelchágwayam ektaha nak apméso Espíritu,

COLOSENSES 3:10

kéltemék kéxegke axnagkok kéltémakxa nentémol'a antaxnekxak nentaxno aphaxnagkok: cham'a axnagkok nentémakxa nak, aptemesásegko nak cha'a axnagkok Dios, yakwayam kaxnágwakxohok ma'a aptémakxa nak, ektaha axta anhan apkelané, yakwayam enxoho agya'ásegwomhok ektakmela agko' ma'a aptémakxa nak Dios.

TITO 3:14

Yána sat nahan kaltámeyagkok apkeláneyak nentamheykha ektakmela m'a énxet'ák nentémo xamo' nak magya'áseyam, yakwayam enxoho kaltámeyagkok appasmo m'a énxet ekyetnakxa enxoho eyéméxchexa aksok, yakwayam enxoho kapasmok énxet ma'a apkeltémakxa nak.

HEBREOS 6:10

Hakte Dios apteme ekpéwomo aptémakxa, megkalwagkámhek sat ma'a ektahakxa axta aksok kéllané kéxegke, megkalwagkámhek sat nahan ma'a ektahakxa axta kélxekmósamo kéxegke kélásekhayo Dios, cham'a kélpasma axta énxet'ák ektaha nak Dios énxet'ák apagkok, ekhawo kéltáhakxa nak makham keso kaxwo' nak.

SANTIAGO 2:14

Elyáxeg, ¿háxko katnehek apxéna enxoho enxama ekyetna mey'áseyam, cham'a megkóteyáxko enxoho aptamheykha ektakmela? ¿Awanchek enxeykel'a kawagkasek teyp xa mey'áseyam nak?

SANTIAGO 2:17

Cháxa ektémakxa nak han magya'áseyam xa: axakko' agkok magya'áseyam, megkóteyáxko enxoho nentamheykha, mékoho katnehek ektaha enxoho axakko' magya'áseyam.

1 SAN PEDRO 2:12

Kóltakmelchesaxkoho kéxegke nepyeseksa m'a énxet'ák melya'áseyak nak Dios; keñe sat étak ektakmela kéltahakxa kéxegke xa énxet'ák nak, eltemésesek sat nahan apcheymákpoho Dios, cham'a ekwokmo sat ekhem yakwánxa yának Dios óltennaksek negyókxoho ektémakxa aksok nenlané, sagkek eykhe makham apkelxeyenma kéxegke xa énxet'ák nak, máxa elmasagcha'a kéltémakxa aptemesásak.

1 SAN PEDRO 3:1

Kéxegke kelán'ák ekha nak kélnakteyegka'a, kólyahakxoho cha'a kélnakteyegka'a, yakwayam enxoho etnehek nahan melya'áseyam ma'a kélnakteyegka'a apkelya'áseyam nak Dios appeywa, meyke kéltennáseykha xama enxoho, eñama m'a kéltakmelchásamáxkoho nak kéxegke,

1 SAN PEDRO 3:16

Kólátegmowak cha'a yetlo ekyelkamáxkoho kélwáxok tén han kóltehek kéláyo m'a énxet ektahakxa enxoho apkelmaxneyeykha. Kóltakmelchesaxkoho cha'a yakwayam enxoho katnehek meyke ektahakxa elchetamso kélwáxok kéxegke, keñe sat elmegkagwók ma'a énxet'ák ektaha nak apkelxeyenma ekmaso m'a kéltémakxa ektakmela nak kéxegke, kéxegke kélteme nak megkólya'áseyam Cristo.

2 SAN PEDRO 1:8

Kéltemegkek agkok kéxegke xa ektaha nak, tén han ma'a kélyanchásegkoho enxoho kélteme xa, megkatnehek sat eyakhémo m'a kéltémakxa nak kéxegke, megkatnehek sat nahan eyakhémo kélyekpelchágwayam ma'a Wese' egegkok Jesucristo.