FILEMÓN 1:24 - Lengua Sur (Enxet) Nuevo Testamento

²⁴ tén han apcháphásesa ekxeyenma apwáxok xép ma'a Marcos, Aristarco, Demas tén han ma'a Lucas, aptaha nak cha'a sewháneyo sektamheykha.

FILEMÓN 1:24 ပူးပေါင်းရင်းမြစ်များ

LOS HECHOS 12:12

Xama axta apya'ásegwokmoho agko' Pedro xa, apmeyákxeyk axta María axagkok, ektaha axta Juan egken, apkeltamhomakpo axta nahan Marcos, cham'a apchaknákxexa axta apxámokma énxet'ák aptamhágko nempeywa nelmaxnagko.

LOS HECHOS 12:25

Xama axta appenchásegko apkeltamheykha Bernabé tén han ma'a Saulo, apkeltakháwok axta apkelenyekto m'a Jerusalén, apyentamákxók axta nahan Juan, cham'a apkeltamhomakpo axta anhan Marcos.

LOS HECHOS 13:13

Apchánteyk axta yántakpayhe Pablo tegma apwányam Pafos, yetlo apkelxegexma'a axta apkelmahágkok ma'a tegma apwányam Perge, yókxexma Panfilia; wánxa agkok, apkexakhagwokmek axta eyke Juan ma'a. Aptakháwok axta m'a Jerusalén.

LOS HECHOS 19:29

Sawhékxók axta ekyennamáxma xa tegma apwányam nak. Kélwakhegwokmek axta Gayo, tén han ma'a Aristarco, cháxa apkánet énxet ektaha axta apkelxegexma'a Pablo xa apkeleñama m'a Macedonia. Kélyenyawásegkakxeyk axta kélya'áseykxo m'a apchakneykekxexa axta cha'a énxet'ák.

LOS HECHOS 27:2

Nelchenátwokmek axta negko'o xama yántakpayhe eñama m'a tegma apwányam apyetno nak neyáwa wátsam apwesey nak Adramitio, keto' axta ekteyapmakxa yakwayam kamhagkok ma'a pók tegma apwányam yókxexma Asia. Aristarco axta anhan nenxegexma, aptaha axta apkeñama tegma apwányam Tesalónica, cham'a yókxexma Macedonia.

2 CORINTIOS 8:23

Ewanchek ko'o axének Tito aptaha sekxegexma, aptaha anhan sektamheykha xamo' yakwayam ampasmok kéxegke. Ewanchek nahan axének ko'o m'a apkánet ẽlyáxeg'a ektaha axta eláphaso kélakneykekxexa, cham'a, kélayókxa nak Cristo.

FILIPENSES 2:25

Xénchek nahan ko'o ewáxok wáphaksek kélhágkaxa kéxegke egyáxeg Epafrodito aptaha nak sekxegexma sektamheykha, aptaha nak han sennapmáxkoho xamo', cham'a kéláphaso axta kéxegke yakwayam hepasmok hegkések ma'a aksok eyéméxchexa nak ko'o.

FILIPENSES 4:3

Xép apteme nak cha'a sekxegexma ahagko' sektamheykha, eltamhok ko'o epasmok xép xa ẽlyáxeg'a nak, hakte kelenxáneykmók axta sepasmo ko'o ektémakxa seltenneykha tásek amya'a xa kelán'ák nak, Clemente axta anhan, tén han ma'a pók énxet'ák ektaha axta sektamheykha xamo' ko'o. Naktáxésamaxchek nahan apkelwesey m'a weykcha'áhak eknaktáxésamaxchexa nak apkelwesey énxet'ák ekyetnama nak ekyennakte apnenya'ák.

COLOSENSES 4:10

Apcháphásesek kéxegke ekxeyenma apwáxok Aristarco; keso sekha nak xamo' sẽlpextétamakxa; hawók nahan ma'a Marcos, aptaha nak Bernabé apyaha' apketche. Ekmések axta kéxegke sekpeywa seltamhókxa kóltemésesek ma'a Marcos; aptemék sat agkok meyk'a kéxegke, kóláhapmakha sat.

COLOSENSES 4:14

Apcháphásesek nahan ekxeyenma apwáxok kéxegke m'a Lucas, aptaha nak pánakte egyap negásekhayo. Apcháphásesek nahan ekxeyenma apwáxok ma'a Demas.

1 SAN PEDRO 5:13

Apcháphásesek nahan ekxeyenma apwáxók kéxegke m'a énxet'ák melya'áseyam nak Cristo apheykha m'a Babilonia, aptaha axta Dios apkelyéseykha ekhawo ektémakxa nak han kéxegkáxa, apchaphásesek nahan ekxeyenma apwáxok kéxegke m'a hatte Marcos.

3 SAN JUAN 1:8

Ekeso eñamakxa eyéméxko nak negko'o ampasmok xa énxet'ák nak, yakwayam enxoho ampasmok ma'a ektémakxa nak apkeltenneykha amya'a ekmámnaksoho.