FILEMÓN 1:2 - Lengua Sur (Enxet) Nuevo Testamento

² Negyepetchásawok nahan nentáxéseso m'a énxet'ák apchakneykekxoho nak apxagkok xép, cham'a egyáxeg kelán'a ekwesey nak Apia, tén han ma'a egyáxeg apwesey nak Arquipo, aptaha nak sempasmo ektémakxa nak nelwaskápeykekxoho negko'o.

FILEMÓN 1:2 ပူးပေါင်းရင်းမြစ်များ

ROMANOS 16:1

Eltennásek ko'o kéxegke seltamho kóltehek kéláyo egyáxeg ekwesey nak Febe, ektaha nak ekpasmeykha apkeltamheykha apchakneykekxexa énxet tegma Cencrea.

ROMANOS 16:5

Kóltennés sat nahan seyáphásesa ko'o ekxeyenma ewáxok ẽlyáxeg'a apchakneykekxohol'a Prisca axagkok tén han ma'a Aquila. Kóltennés sat nahan seyáphásesa ekxeyenma ewáxok emók Epeneto aptaha axta apmonye apteme mey'áseyam Cristo m'a yókxexma Asia.

1 CORINTIOS 16:19

Apcháphásesek nahan ekxeyenma apwáxók kéxegke énxet'ák apchakneykekxexa nak yókxexma Asia. Apcháphásesek nahan ekxeyenma apwáxók kéxegke yetlo apxeyenma Wese' egegkok apwesey Aquila, tén han Prisca, tén han ma'a énxet'ák apchakneykekxohol'a apxagkok.

FILIPENSES 2:25

Xénchek nahan ko'o ewáxok wáphaksek kélhágkaxa kéxegke egyáxeg Epafrodito aptaha nak sekxegexma sektamheykha, aptaha nak han sennapmáxkoho xamo', cham'a kéláphaso axta kéxegke yakwayam hepasmok hegkések ma'a aksok eyéméxchexa nak ko'o.

COLOSENSES 4:15

Kóltennés negaphásesa negko'oxa ekxeyenma egwáxok ma'a ẽlyáxeg'a apheykha nak Laodicea. Kóltennés nahan negaphásesa negko'o ekxeyenma egwáxok ma'a Ninfa, tén han ma'a énxet'ák apchakneykekxoho nak cha'a axagkok.

COLOSENSES 4:17

Kólteme sat kólának Arquipo s'e: “Elenxanmoho sat esawhohok elának ma'a aptamheykha, cham'a apkeltamhókxa axta etnehek Wese' egegkok.”