FILEMÓN 1:1 - Lengua Sur (Enxet) Nuevo Testamento

¹ Ko'o Pablo sekha nak se'e sẽlpextétamakxa, sekmomaxche axta eñama seklegaso apwesey Cristo Jesús. Filemón, xép ektáxesásak se'e weykcha'áhak nak, xép aptaha nak nenxegexma nentamheykha negásekhayókxa, Timoteo nahan sekxegexma sektáxésesa xa.

FILEMÓN 1:1 ပူးပေါင်းရင်းမြစ်များ

LOS HECHOS 16:1

Apwokmek axta Pablo tegma apwányam Derbe, tén han ma'a tegma apwányam Listra. Axta apwetágwomhok xama énxet apteme axta mey'áseyam Wese' egegkok ma'a apwesey axta Timoteo, xama judía kelán'a ekha megkay'áseyam étche axta m'a, keñe axta apyap griego.

1 CORINTIOS 3:9

Negko'o nenteme nelpasmomáxkoho nenláneya nentamheykha eñama nak Dios, kéxegke eyke kélteme kélhawo m'a namyep aptamhágkaxa nak Dios, kélhawók nahan kéxegke m'a tegma apkelana nak Dios.

2 CORINTIOS 1:1

Ko'o Pablo, sekteme Jesucristo seykha amya'a apagkok eñama Dios apmopmenyého, eyáphásesek ko'o ekxeyenma ewáxok Dios énxet'ák apagkok apheykha nak xa tegma apwányam Corinto, tén han ma'a apyókxoho ẽlyáxeg'a apheykha nak yókxexma Acaya, yetlo nahan sekxegexma egyáxeg Timoteo.

GÁLATAS 3:26

hakte megkólya'áseyam Cristo Jesús keñamak kéltaha kélyókxoho kéxegke Dios apketchek,

EFESIOS 3:1

Ekeso eñamakxa sekha nak kaxwo' ko'o sẽlpextétamakxa eñama Cristo Jesús, ko'o Pablo, eñama selané sektamheykha yakwayam apasmok kéxegke megkóltaha nak judíos.

EFESIOS 4:1

Ekmések ko'o sekpeywa kéxegke keso sekha nak kaxwo' sẽlpextétamakxa seltamho kóltehek kéxegke m'a eyéméxchexa nak antehek negko'o ektaha axta sẽlwoneykha Dios, ekhawo m'a ektahakxa axta apkelwónencha'a Dios kéxegke.

EFESIOS 6:20

Eyáphásek axta ko'o Dios yakwayam atnehek sekxeyenma m'a ektémakxa nak amya'a apagkok, cháxa keñamak sekha nak kaxwo' ko'o sẽlpextétamakxa xa. Helmaxnéses cha'a ko'o yakwayam enxoho axének apwesey Cristo yetlo meyke seyeye xama enxoho.

FILIPENSES 1:1

Negko'o nenteme Jesucristo apkeláneykha, ko'o Pablo, tén han Timoteo. Enxet'ák apheykha tegma apwányam Filipos negko'o nentáxesásak se'e weykcha'áhak nak, cham'a apkelánamákpoho nak Dios énxet'ák apagkok, cham'a aptéma nak han apkelyepetcheyo Cristo Jesús, yetlo m'a apkelámha apmonye nak kélakneykekxexa, tén han ma'a appasmeykha nak kéltamheykha kélakneykekxexa.

FILIPENSES 2:25

Xénchek nahan ko'o ewáxok wáphaksek kélhágkaxa kéxegke egyáxeg Epafrodito aptaha nak sekxegexma sektamheykha, aptaha nak han sennapmáxkoho xamo', cham'a kéláphaso axta kéxegke yakwayam hepasmok hegkések ma'a aksok eyéméxchexa nak ko'o.

FILIPENSES 4:3

Xép apteme nak cha'a sekxegexma ahagko' sektamheykha, eltamhok ko'o epasmok xép xa ẽlyáxeg'a nak, hakte kelenxáneykmók axta sepasmo ko'o ektémakxa seltenneykha tásek amya'a xa kelán'ák nak, Clemente axta anhan, tén han ma'a pók énxet'ák ektaha axta sektamheykha xamo' ko'o. Naktáxésamaxchek nahan apkelwesey m'a weykcha'áhak eknaktáxésamaxchexa nak apkelwesey énxet'ák ekyetnama nak ekyennakte apnenya'ák.

COLOSENSES 1:1

Ko'o Pablo sekteme Jesucristo seykha amya'a apagkok eñama Dios apmopmenyého atnehek, egyáxeg Timoteo ko'o sekxegexma

COLOSENSES 4:11

Apcháphásesek nahan ekxeyenma apwáxok kéxegke m'a Jesús apkeltamhomakpo nak han Justo. Cháxa sepasmeykencha'a nak ko'o sektamheykha yakwayam kawak ma'a aptémakxa nak Wese' apwányam Dios, apkeleñama nepyeseksa m'a énxet'ák judíos apteme nak han melya'áseyam, kaxnók ma'a pók énxet'ák nak. Awanhek axta anhan sepeykesáseykekxa ewáxok ko'o xa énxet'ák nak.

1 TESALONICENSES 3:2

egyáxeg Timoteo axta eyke eyáphásak ko'o, aptaha nak han sempasmo nenlané nentamheykha eñama nak Dios, cham'a ektémakxa nak nenlegaso amya'a ektakmela ekxeyenma nak Cristo. Eyáphásek axta ko'o xa egyáxeg nak, yakwayam enxoho etnehek meyk'a kéxegke, tén han elyennaktésesek kélteme megkólya'áseyam, tén han yának kóllenxanmoho,

2 TESALONICENSES 1:1

Ko'o Pablo, yetlo nahan selxegexma'a Silvano, tén han Timoteo. Apchakneykekxexa ẽlyáxeg tegma apwányam Tesalónica ektáxesásak ko'o s'e weykcha'áhak nak, cham'a ektaha nak apkelyepetcheyo Dios Egyap tén han Wese' egegkok Jesucristo.

2 TIMOTEO 1:8

Neymegké' aksa eltennaha apwesey Wese' egegkok, neymegké' aksa hélanok ko'o keso sekmáxko nak eñama Wese' egegkok. Yoho kawakxohok xép xa nenlegeykegkoho nak eñama m'a ektémakxa nak nenlegaso amya'a ektakmela, yetlo m'a apwaskápeykekxoho apmésamol'a cha'a exchep Dios.

FILEMÓN 1:23

Apcháphásesek nahan ekxeyenma apwáxok xép Epafras aptaha nak sekmomaxkoho xamo' ko'o eñama neltenneykha apwesey Cristo Jesús,

FILEMÓN 1:24

tén han apcháphásesa ekxeyenma apwáxok xép ma'a Marcos, Aristarco, Demas tén han ma'a Lucas, aptaha nak cha'a sewháneyo sektamheykha.

FILEMÓN 1:9

wánxa agkok, emenyék eyke agkések xép sekpeywa ektakmela eñama m'a ektémakxa nak nelásekhamaxkoho. Ko'o Pablo, ekwanakmek kaxwo' ko'o, elhésekmek nahan sẽlpextétamakxa sekmáxko, eñama seklegaso apwesey Cristo Jesús.