EFESIOS 5:8 - Lengua Sur (Enxet) Nuevo Testamento

⁸ Axta kólya'áseykegkok kéxegke Dios, máxa axta entemék kélheykencha'a enxoho ekyaktesakxaxma, wánxa agkok kéltemék eyke kaxwo' kélyepetcheyo Wese' egegkok, ékeso eñamakxa kélheyncha'a nak neyseksa elseyexma, kólteme kéxegke m'a apkeltémakxa nak énxet'ák apheykha nak neyseksa elseyexma.

EFESIOS 5:8 ပူးပေါင်းရင်းမြစ်များ

SAN JUAN 8:12

Apkeltennáseyha axta makham Jesús énxet'ák. Aptahak axta s'e: —Ko'o sekteme elseyexma keso náxop; énxet ektahakxa enxoho setleykha ko'o, keytek sat ma'a elseyexma ekyennaktésamo nak egnenyek, metyesha sat neyseksa ekyaktesóxma.

1 SAN JUAN 1:7

Negheyk agkok negko'o neyseksa elseyexma, ekhawo m'a ektémakxa nak Dios apha neyseksa elseyexma, antehek nahan negko'o móxpánchásamáxche, hegmasésesek nahan ekyókxoho nentémakxa mólya'asáxma m'a Jesucristo éma apagkok, aptaha nak Dios Apketche.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

COLOSENSES 1:13

Ẽlhexyawasékxeyk axta negko'o Dios sẽlmoma axta m'a ektémakxa nak ekmowána ekyaktesóxma, ennaklakxeyk axta m'a aptémakxa nak Wese' apwányam Apketche apchásekhayókxa nak,

SAN JUAN 12:46

Ekwa'ak axta ko'o keso náxop, yakwayam enxoho mexmakha neyseksa ekyaktesóxma énxet'ák apteme nak mehey'áseyam, ko'o sektaha nak elseyexma.

EFESIOS 4:18

melya'ásegkok nahan aksok. Megkaweykekxohok nahan axnagkok nentémakxa eñama Dios xa énxet'ák nak, hakte méko nahan apkelya'áseyak eñama m'a elyennakte apwáxók.

SAN JUAN 12:36

Nágkólya'ásem xa elseyexma ekyetna nak makham kélnepyeseksa kéxegke, yakwayam enxoho kóltehek kéleñamakxa neyseksa elseyexma. Apxegkek axta Jesús natámen apteme appeywa xa, axta apxegánegkásak xa énxet'ák nak.

EFESIOS 2:2

hakte kélyetlamchek axta kéxegke ektémakxa nak keso náxop, kélláneyak axta anhan kéxegke m'a ekyespagkamakxa nak kelyekhama' wese', eláneykencha'a nak aksok ekha elmowancha'a ekheykha tekhenxet, cham'a elyáteyagkoho nak énxet'ák aptaha nak melyaheykekxoho Dios.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

TITO 3:3

Hakte sẽlyéháxma axta anhan negko'o xa nano' axta, axta antemék nelyaheykekxoho Dios, axta agakhémok negko'o nentémakxa, kelmomchek axta egwáxok ekyókxoho aksok negyespagkamakxa nak, nentemegkek axta ekmaso nentémakxa, tén han nelyásekáseykha, neltaknómaxchék axta negko'o, nelenmexamaxchekxeyk axta anhan negko'o xa.

SAN LUCAS 16:8

Apyekpelchágwokmek axta wese' apkepwagko elának aksok ma'a apkemha apmonye apkeláneykha ekmaso axta aptémakxa. Hakte apkelya'ásegkok ektémakxa apkelyanmagkásamap ma'a énxet'ák apheykha nak keso náxop, kaxnók ma'a énxet'ák apkeleñama nak neyseksa elseyexma.

EFESIOS 6:12

Hakte mólnápexchek negko'o énxetók xamo', akke nennápexchek ma'a kelyekhama' elásenneykha eleñama nak tekhenxet, cham'a ekha nak elmowána, ekha nak han kélyaheykekxoho, cham'a eláneykencha'a nak keso náxop ekyaktésamakxa nak exma.

2 CORINTIOS 3:18

Negko'o ektaha nak meyke apáwa apchapma negát, neghawók ma'a ektémakxal'a nelanyantáxama, negmoma m'a ektémakxa nak apcheymákpoho Wese' egegkok, peyk nahan hẽlhésekxohok ma'a aptémakxa nak Cristo, hakte yáwegkek cha'a negko'o ekyetno m'a ektémakxa nak apcheymákpoho Wese' egegkok, Wese' egegkok nahan apkelané xa, aptaha nak han Espíritu.

SAN LUCAS 1:79

yakwayam enxoho kalsásesexma m'a énxet'ák apheykha nak ekyaktésakxaxma, yakwayam hennaklakxak ma'a ámay ekyetnamakxa nak meyke ektahakxa egwáxok.”

2 CORINTIOS 6:14

Nágkóltemeykha aksa xamo' kéxegke m'a énxet megkaxnawo nak kéltémakxa, cham'a metne nak melya'áseyam. ¿Awancheya katnehek ekxegexma nentémakxa ekpéwomo m'a nentémakxa megkapéwomo nak? ¿Awancheya nahan katnehek ekxegexma elseyexma m'a ekyaktesóxma nak?

1 CORINTIOS 1:30

Dios axta apyepetcháseykekxa kéxegke Cristo Jesús, aptemésesek axta anhan Cristo yakwayam etnehek segya'asásegwayam, tén han aptemésesama yakwayam etnehek sẽlteméseso nelpéwomo negko'o, keñe nahan antehek nempagkanchásamáxche Dios, tén han sẽlchexakkasama m'a nelsexnánémaxche axta eñama m'a segyanmaga axta.

ROMANOS 2:19

Apkeneykek xép yepwának epékesesagkok apkelxega énxet'ák meyke apakta'ák nak, tén han apcháneya yepwának elsásesexma m'a énxet'ák apheykencha'a nak neyseksa ekyaktesakxaxma;

SAN JUAN 1:9

Wayak axta elseyexma ekmámnaksoho agko' keso náxop ektaha nak elsásesóxma apyókxoho énxet'ák.

SAN MATEO 4:16

Cháxa apkelteyáseykegkaxa axta énxet'ák neyseksa ekyaktésakxaxma xa, apwet'ak axta ekyawe agko' elseyexma; chápogwatchek axta xa elseyexma nak, nepyeseksa m'a énxet'ák apheykencha'a axta nétsapmakxa.”

GÁLATAS 5:25

Egmések agkok negko'o Espíritu ekyenneykha egyempehek, kéméxchek óghok nahan hempékesesagkok Espíritu.

ROMANOS 1:21

Apkelya'áseykegkók axta eykhe énxet'ák ma'a Dios, axta eyke etnék apcháyo, cham'a ekpayhawo nak eykhe antemésesek Dios, axta anhan egkésók ekpayheykekxa apwáxok. Wánxa agkok kesogwokmók axta eyke ektémakxa elchetamso apwáxók énxet'ák, máxa ekyaktesóxma apwáxók axta aptamheykegkok.

EFESIOS 5:2

kóllenxanmoho kélteme kélásekhamaxkoho, ekhawo m'a ektémakxa axta segásekhayo Cristo, apyenyawákpók axta apagko' yakwayam etnehek segyanmaga negko'o ektémol'a aksok ektekyawa kélméso Dios, tén han ma'a ektémol'a aksok ekwatnamáxche ekmátsal'a etekhánek ekpakneyam Dios.

LOS HECHOS 17:30

Axta yenmexmók Dios ektémakxa axta melya'áseyak aksok énxet'ák nano' axta, kaxwo' eyke apkeltamhok negko'o agyakmagkasek egwáxok Dios negyókxoho nak, tén han ma'a ekyókxoho yókxexma nak.

SAN MATEO 3:8

Kólteme ektakmela kéltémakxa yakwayam enxoho kataxchek eyámnaksoho kélyakmagkaso kélwáxók.

SAN JUAN 12:35

Aptahak axta apkeláneya Jesús se'e: —Keytek sat makham kélnepyeseksa kéxegke elseyexma, yakwatakxoho sat eyke keytek. Kólyentamaxkoho kólweynchamha ekhakxa nak makham elseyexma, yakwayam enxoho megkatlakkasek kahapwak kéxegke ekyaktesóxma; hakte énxet ektahakxa enxoho apwenchámeykha neyseksa ekyaktesóxma mey'asagkehek ma'a apmahágkaxa enxoho.

ROMANOS 13:12

Yeyk'ak kaxwo' axta'a, ketó' ekteyapmakxa ekhem; ólwataksek hana nenlané aksok elánamáxkohol'a ekyaktésakxaxma, ólmekxak hana nelmeykha eleñama nak neyseksa elseyexma, ektémakxal'a sẽlpextétamo apkelmeykha.

COLOSENSES 1:12

kólmések sat nahan kéxegke ekxeyenma kélwáxok Dios Egyap yetlo ekpayheykekxa kélwáxok, aptaha nak apkeláneseykekxa kéltahakxa yakwayam kawakxohok kélxaweyák ma'a aksok kélpagkancheso nak yakwayam elxawagkok énxet'ák ektaha nak Dios énxet'ák apagkok, eleñama m'a neyseksa elseyexma aptémakxa nak Wese' apwányam Dios.