EFESIOS 5:1 - Lengua Sur (Enxet) Nuevo Testamento

¹ Kóllenxánem kólhágwakxohok ma'a aptémakxa nak Dios, kéxegke kélteme nak Dios apketchek apkelásekhayo.

EFESIOS 5:1 ပူးပေါင်းရင်းမြစ်များ

1 SAN JUAN 4:11

Elyáxeg selásekhayo, kéméxchek negko'o xa ólásekhaxkoho', hakte axta temék segásekhayo negko'o Dios xa ektaha nak.

EFESIOS 4:32

Kólteme ektakmeleykha kélwáxok, kólteme nahan apmopyósa kóllanok kélmók, nágkólyakmagkásekxa cha'a aptemésesakxa kélmók, ekhawo aptahakxa axta Dios meyakmagkáseykekxo nentémakxa eñama m'a Cristo.

SAN MATEO 5:48

Kólteme kéxegke kélpéwomo, ekhawo aptémakxa nak Kélyap Dios apha nak néten apteme appéwomo.

COLOSENSES 3:12

Apkelásekha'awók kéxegke Dios, apkelyésáha axta nahan yakwayam kóltehek énxet'ák apagkok. Kólteme kélahakkásamáxche m'a ekmámnaksoho nak apmopyósa anlanok egmók, ektakmeleykha egwáxok, megkeymáxkoho egwáxok, meyke ekyenneykha egwáxok anlanok egmók, tén han ma'a mampekhésamaxche nak.

SAN JUAN 1:12

Keñe m'a énxet'ák ektaha axta apchápeykha, ektaha axta anhan apteme mey'áseyam, apxénchek axta ekpayhawo etnahagkok Dios apketchek,

SAN MATEO 5:45

keñe sat kóltehek kéxegke apketchek ma'a Dios Kélyap apha nak néten; hakte etekkeseshok cha'a ekhem ma'a énxet'ák elmasagcha'a nak apkeltémakxa, ekhawo nak han ma'a énxet'ák ektakmela nak apkeltémakxa, yapháseshok nahan cha'a mámeye m'a énxet'ák apkelpéwomo nak, tén han ma'a melya'asáxma nak.

FILIPENSES 2:15

yakwayam enxoho megkataxchék ekyetna kéxegke kélsexnánemaxche tén han eyesógwayam kéllané xama aksok enxoho. Kólteme kéxegke Dios apketchek meyke elenchahamaxche kéltémakxa nepyeseksa xa énxet'ák elmasagcha'a nak apkeltémakxa, cham'a apkelxegányam nak. Máxa yaw'a kéltahak kélápogwata kéxegke nepyeseksa xa énxet'ák nak, keso náxop ekyaktésamakxa nak exma,