EFESIOS 4:9 - Lengua Sur (Enxet) Nuevo Testamento

⁹ ¿Yaksak ekxeyenma xa “apmeyeykekxo axta néten”? Xeyenmak ma'a apwéweykento axta sekxo' keso náxop, ektahakxa nak kónegók agko'.

EFESIOS 4:9 ပူးပေါင်းရင်းမြစ်များ

SAN MATEO 12:40

Kaxhok sat ma'a ektémakxa axta Jonás apha antanxo ekhem tén han antanxo axta'a kañe' kelasma ekyawe awáxok, sat nahan katnehek ma'a aptaha nak Apketche énxet, antanxo ekhem, antanxo axta'a, sat katnehek apyetno kañe' xóp.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

SAN JUAN 3:13

“Méko xama énxet apmeyeykekxo m'a néten, wánxa m'a apwéweykento axta apkeñama néten, cham'a aptaha nak Apketche Enxet.

SAN JUAN 6:33

Cha'a pan segmésamol'a cha'a Dios ma'a apwéweykento axta apkeñama néten, egkéshok nahan cha'a elyennakte apnenya'ák énxet apheykha nak keso náxop.

SAN JUAN 6:38

Háwe axta ko'o yakwayam alánegwak aksok sekmámenyého ahagko' sekwaya señama m'a néten, wánxa aksa yakwayam alának ma'a ektémakxa nak apmopmenyého Táta aptaha axta seyáphaso ko'o.

SAN JUAN 6:41

Ekeso eñamakxa apyennegkesa axta exma judíos megkalcha apwáxók ma'a aptahakxa axta appeywa Jesús, axta ñokxa aptaha appeywa Jesús se'e: “Ko'o sekteme pan apwéweykenta apkeñama néten.”

SAN JUAN 6:51

Ko'o sekteme xa pan memassegwayam nak apwéweykento axta apkeñama néten; énxet ektahakxa enxoho apto xa pan nak megyetsepek sat. Sekyókxoho ahagko' ko'o m'a pan peya nak agkések kéxegke, yakwayam enxoho egkések elyennakte apnenya'ák apyókxoho énxet'ák apheykha nak keso náxop.

SAN JUAN 6:58

Ekxénak ko'o m'a pan apwéweykento axta apkeñama néten. Mexnawok ma'a maná apteykegko axta kélyepmeyk nano' kéxegke xa pan nak, cham'a maná megkahaxanma axta aptéyak apkeletsapma; kéxegke ektahakxa enxoho kélto xa pan nak, megkatnegwomek sat néxa ekyennakte kélnenyek.

SAN JUAN 6:62

¿Háxko katnehek kélwet'a enxoho makham emyekxak ektaha nak Apketche énxet ma'a apkeñemékxa axta?

SAN JUAN 8:14

Aptahak axta apchátegmowágko Jesús se'e: —Sekxénamaxchekxoho ahagko' eykhe ektahak ko'o, háwe eyke eyakhémo xa sektahakxa nak sekpeywa. Hakte ekya'ásegkok ko'o m'a señamakxa axta, ekya'ásegkok nahan ma'a yakwánxa nak amhagkok. Akke kólya'ásegkok kéxegke.

HEBREOS 2:7

Yakwatakxoho axta aptemésesók xép kónego', axta exnawok ma'a Dios apkelásenneykha apkeleñama nak néten, wánxa agkok apmések axta eyke exchep apcheymákpoho, tén han ekyawe kéláyo.

HEBREOS 2:9

Jesús akke negwet'ak negko'o, cham'a aptemésesa axta Dios kónegók yakwatakxoho nepyeseksa apkelásenneykha apkeleñama nak néten, negwet'ak nahan kélmésa apcheymákpoho tén han kélmésa ekyawe kéláyo, eñama m'a apketsapma axta. Segásekhayo axta keñamak Dios apkeltémo yetsapok Cristo yakwayam hempasmok negyókxoho negko'o.