EFESIOS 3:8 - Lengua Sur (Enxet) Nuevo Testamento

⁸ Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

EFESIOS 3:8 ပူးပေါင်းရင်းမြစ်များ

COLOSENSES 1:27

Apmenyék axta Dios elyekpelchásesók ma'a ektaha nak énxet'ák apagkok, cham'a ekwánxa nak ekxámokma aksok eltakmela apagkok, cham'a ektemésesama axta cha'a ekpowásamáxkoho énxet'ák metnaha nak judíos. Apheyk kélwáxok kéxegke Cristo, cháxa megkólya'áseykegko axta kéxegke xa, aptaha nak han eñamakxa nelhaxneykha m'a negeymáxkoho peya nak anxawak.

1 CORINTIOS 15:9

Ko'o eyke sekteme kóneg nepyeseksa énxet'ák seykha amya'a nak, megkapayhawok nahan altamhaxchek ko'o seykha amya'a, hakte ekmenxeneykha axta Dios énxet'ák apagkok.

EFESIOS 3:16

Elmaxnakkek ko'o Dios Egyap seltamho epekkenchesek kélwáxok kéxegke kélmowána, tén han ma'a kélwaskápeykekxoho eñama nak apméso Espíritu apkeñama nak Dios, eleñama nak ma'a ekheykegkaxa nak ekxámokma agko' aksok apagkok eltakmela eleñama nak néten.

EFESIOS 2:7

Apkelanak axta Dios xa, yakwayam enxoho kataxchek ma'a egmonye sat, ekyetna ekyawe agko' segásekhayo negko'o, tén han exekmósek aptaha segméso naksa m'a ektémakxa nak segemleykekxoho eñama Cristo Jesús.

1 TIMOTEO 2:7

Axta keñamak selyésáxko axta ko'o yakwayam atnehek seltenneykha tásek amya'a, tén han atnehek seykha amya'a, eyáneyaxchek axta anhan ko'o alxekmósek énxet'ák metnaha judíos ma'a eñama nak magya'áseyam, tén han ma'a amya'a ekmámnaksoho nak. Nakso' xa sektahakxa nak ko'o sekpeywa; háwe sekmowána amya'a.

1 TIMOTEO 1:13

neyseksa axta eykhe enmexeykha sekpeywa Dios, ekyakmáseykha axta anhan, ekwanyeykha axta anhan, wánxa agkok, axta eyke eyakmagkásekxak sektémakxa ko'o Dios, hakte matnamakxa axta makham ko'o may'áseyam ma'a, axta anhan ay'áseykegkok ko'o m'a aksok seláneya axta.

ROMANOS 11:33

¡Xámok agko' aksok eltakmela eleñama nak Dios, magwanchek agya'asagkohok ekwánxa, tén han ma'a ektémakxa nak apya'áseykegkoho, cham'a ektémakxa nak han ekha apyekpelchémo, méko kawának kaxének ektémakxa enxoho aksok apmáheyo elának, méko nahan keykpelkohok apmáheyókxa nak etnehek!

ROMANOS 2:4

Etaknók cha'a exchep ma'a Dios segásekhayo megkamassegwayam nak, tén han ma'a mepekhéso nak elwok Dios, tén han ma'a ektémakxa nak mepekhésamap Dios, neyseksa mékpelche Dios segásekhayo, ektaha nak cha'a ekyentameykekxa yakwayam etnekxak mey'áseyam Dios.

2 TIMOTEO 1:11

Egkések axta ko'o Dios yakwayam atnehek seklegaso s'e amya'a nak, eyáphásek axta nahan yakwayam atnehek seykha amya'a, tén han atnehek selxekmóso enámokkok.

EFESIOS 3:19

Emenyék ko'o kólya'ásegwomhok kéxegke xa Cristo segásekhayo ektaha nak ekyawe agko', megkaxnawok ekyawe m'a ekweykenxal'a negko'o ekxeyenma egwáxok, yakwayam enxoho kalánhok agko' kélwáxok kéxegke m'a aptémakxa nak Dios.

1 CORINTIOS 2:9

Wánxa agkok, temegkek eyke eknaktáxésamaxche weykcha'áhak se'e: “Apkelanesákxek axta aksok Dios ma'a énxet'ák apkelásekhayókxa nak, cham'a aksok megkótémaxko nak, tén han ma'a megkañamáxko nak, tén han ma'a megkaxéneykencha'a nak egwáxok”.

ROMANOS 12:10

Kólásekhoho cha'a m'a megkólya'áseyam xamo' nak Cristo, kólyanchesagkoho cha'a kélásekhayo, kólteme nahan cha'a kélyaheykekxoho kélmók.

LOS HECHOS 5:41

Apkelántekkek axta énxet'ák seykha amya'a apkelenyekto nápakta'awo' ma'a énxet'ák kelwese'e nak, hakte apcha'awók axta Dios ellegagkohok ekmaso agko' eñama apkellegaso Jesús apwesey.

APOCALIPSIS 3:18

Ekeso eñamakxa seltennasa nak xép seltamho etegyek sawo ekyátekto elyenma ekmomnáwa kélyamasmol'a neyseksa táxa yakwayam kólyenmaksek, eñama nak ko'o, yakwayam enxoho etnehek xép ekmámnaksoho ekxákma aksok apagkok; emenyék nahan ko'o etegyek xép aptaxno apmopé apkeñama nak ko'o, yakwayam enxoho etaxnekxa', yakwayam enxoho nahan kamaskok etnehek xép meyke apáwa segmegkasamo nak, emenyék nahan ko'o etegyek panakte eñama nak ko'o, yakwayam enxoho eltexnagkok apakta'ák keñe étekxak makháxma exchep.

1 TIMOTEO 1:15

Nakso' agko' se'e, kéméxchek nahan magya'ásók negyókxoho: cham'a apwaya axta Cristo Jesús keso náxop yakwayam elwagkasek teyp énxet'ák melya'asáxma nak, ko'o eyke sekteme sémha emonye may'asáxma nepyeseksa apyókxoho énxet'ák.

LOS HECHOS 9:15

Wánxa agkok, aptahak axta Wese' egegkok apcháneya Ananías se'e: “Etyánegwomho, ko'o axta selyéseykha m'a énxet nak yakwayam enxoho eltennasha sekwesey m'a énxet'ák apheykha nak mók nekha, tén han ma'a kelwese'e apkelwányam apagkok nak, tén han eltennasha m'a énxet'ák Israel.

FILIPENSES 4:19

Dios ahagkok sat egkések ma'a ekyókxoho aksok eyéméxchexa nak kéxegke, hakte xámok ekyetna aksok eltakmela m'a Dios eñama m'a Cristo Jesús.

GÁLATAS 2:8

Dios axta anhan seyáphaso ko'o atnehek seykha amya'a nepyeseksa énxet'ák metnaha nak judíos, cham'a Dios apcháphásama axta Pedro, yakwayam etnehek seykha amya'a nepyeseksa énxet'ák judíos.

FILIPENSES 2:3

Nágkóllána aksa xama aksok eñama enxoho m'a kélenmexamaxche nak esenhan ma'a kéleymáxkoho nak, wánxa agkok, kóllána cha'a aksok yetlo megkeymáxkoho kélwáxok. Nágkaxén aksa kélwáxok ektakmela kéltémakxa kéxegke. Kaxén aksa kélwáxok ektakmela apkeltémakxa m'a pók énxet'ák nak.

EFESIOS 3:2

Kélya'ásegkok eyke kéxegke aptaha Dios seyásennagko yakwayam alának se'e sektamheykha nak, yakwayam apasmok kéxegke, eñama m'a ektémakxa nak seyemleykekxoho Dios.

1 CORINTIOS 1:30

Dios axta apyepetcháseykekxa kéxegke Cristo Jesús, aptemésesek axta anhan Cristo yakwayam etnehek segya'asásegwayam, tén han aptemésesama yakwayam etnehek sẽlteméseso nelpéwomo negko'o, keñe nahan antehek nempagkanchásamáxche Dios, tén han sẽlchexakkasama m'a nelsexnánémaxche axta eñama m'a segyanmaga axta.

SAN JUAN 1:16

Tekxeyagkók axta mók segásekhayo Dios eñama m'a ektémakxa nak ekyawe ektakmeleykha apwáxok.

EFESIOS 3:1

Ekeso eñamakxa sekha nak kaxwo' ko'o sẽlpextétamakxa eñama Cristo Jesús, ko'o Pablo, eñama selané sektamheykha yakwayam apasmok kéxegke megkóltaha nak judíos.

SAN LUCAS 14:22

Nano' axta entahak aptaha apcháneya wese' apagkok apchásenneykha s'e: ‘Wese', elanak xeyk ko'o m'a apkeltamhókxa exchek alának xép, awanhek eyke makháxma s'e.’