EFESIOS 3:3 - Lengua Sur (Enxet) Nuevo Testamento

³ Apxekmósek axta Dios ektémakxa aksok apkeláneykekxa ektaha nak megkótémaxche, ey'asásegwokmek axta ko'o, ekhawo m'a sektahakxa axta sektáxéseso ekyakwate kéxegke.

EFESIOS 3:3 ပူးပေါင်းရင်းမြစ်များ

LOS HECHOS 22:17

“Xama axta sekwa'akto ko'o tegma apwányam Jerusalén, ekmahágkek axta tegma appagkanamap yakwayam atnehek nempeywa nelmaxnagko. Ekwet'ak axta ko'o aksok selxekmósamo.

LOS HECHOS 22:21

Wánxa agkok, aptahak axta seyáneya Wese' egegkok se'e: ‘Exeg sat kaxwo', wáphaksek sat xép ma'a mók apkelókxa eyátépexa nak.’ ”

LOS HECHOS 23:9

Apyókxoho énxet axta apkelyennaktésawók apkelpeywa, keñe axta apchakneyncha'a nápakha énxet apkelxekmóso nak ektémakxa segánamakxa, aptaha axta apkelyetlo apkeltémakxa fariseos. Aptahak axta apkelpakmeta s'e: —Melaneyk aksok ekmaso xa énxet nak; aksok kexaha entekkesásak appeywa, Dios apchásenneykha esenhan.

ROMANOS 11:25

Elyáxeg, emenyék ko'o kólya'ásegwomhok se'e aksok ekyexamaxche apkeláneykekxa nak Dios, yakwayam enxoho megkeyxkók kélpeywa kólxének ekha kélya'áseyak; nápakha énxet'ák Israel akke aptamheykegkok mema takha' amya'a, ekwokmoho sat ma'a ekwánxa enxoho apxámokma énxet'ák metnaha judíos apkelyakmagkaso apwáxók.

ROMANOS 16:25

Oltemésesek apcheymákpoho Dios, aptaha nak apmopwána etnésesek ekyennakte megkólya'áseyam kéxegke m'a ektémakxa nak tásek amya'a seltenneykha cha'a ko'o, tén han ma'a nelxekmowásamáxche ekxeyenma nak Cristo. Hawók ektémakxa aksok ekyexamaxche apkeláneykekxa axta Dios xa, cham'a senxekmósa axta, ekpowásamáxkoho axta cha'a nano' axta megkalánamáxchexa axta makham keso náxop,

2 CORINTIOS 12:1

Yawanchek hempasmok ma'a eyeymáxkoho nak nempeywa anxénaxchekxohok egagko'. Axének sat eyke ko'o aksok sekwetayo nak tén han ma'a aksok selxekmósamo nak eñama Wese' egegkok.

GÁLATAS 1:12

Háwe axta énxet segkéso xa, háwe axta nahan seltámeso énxet xama enxoho, Jesucristo axta eyke sey'asásegwayam ko'o xa.

EFESIOS 1:17

Elmaxnakkek ko'o Dios Jesucristo Wese' egegkok Apyap, ekha nak apcheymákpoho, seltamho egkések kéxegke Espíritu yakwayam elya'ásesagkohok kéxegke m'a aksok senxekmósamo nak Dios, yakwayam enxoho kólyekpelchágwomhok ektakmela agko' kéxegke m'a aptémakxa nak Dios.

EFESIOS 3:4

Kélyetsetmeyk agkok xa, kólyekpelchágwók sat sekya'ásegkoho ko'o m'a amya'a ekpowásamáxkoho eñama nak Cristo.

EFESIOS 3:6

Keso ektaha nak amya'a ekpowásamáxkoho s'e: kaxhok sat mók apkelxawe aksok kélpagkancheso m'a énxet'ák metnaha nak judíos tén han ma'a énxet'ák judíos, eñama m'a tásek amya'a nak, hakte hawók mók appasmeykekxa Cristo apyókxa, weykekxók nahan apkelxaweyak ma'a apekkeneykekxa axta appeywa Dios eñama Cristo Jesús.

EFESIOS 3:9

Eyásennakkek axta anhan ko'o Dios yakwayam alya'asásegwók apyókxoho énxet'ák ma'a apmaheyókxa nak elának Dios ektaha nak ekpowásamáxkoho, cham'a aptéma axta cha'a appósamo Dios nano' axta, aptaha nak apkelané ekyókxoho aksok.

EFESIOS 6:19

Helmaxnéses nahan ko'o xa, yakwayam enxoho hegkések Dios ma'a eyéméxchexa nak atnehek sekpeywa, yakwayam enxoho nahan wawának apakmétek yetlo meyke seyeye, tén han alyekpelchásesamhok énxet'ák ma'a amya'a melya'áseykegko axta, ektaha nak segwagkasamo teyp.

COLOSENSES 2:2

Ekwaskápeykxók ko'o yakwayam enxoho elxawagkok ekmayheykegkoho apwáxók xa énxet'ák nak, yakwayam enxoho megyexpanchesakpek eñama m'a apkelásekhamakpoho nak, yakwayam enxoho nahan katnehek ekyawe agko' apkelya'ásegwayam, cham'a ekmowána nak kalya'asásegwók ma'a megyahayo axta kólya'asagkohok Dios, cham'a aptaha nak Cristo.

COLOSENSES 4:3

Hẽlmaxnéses nahan cha'a negko'o xa yakwayam enxoho hegkegwánesesek Wese' egegkok óltennaha m'a appeywa, yakwayam enxoho anhan agkegwának anxének negko'o m'a amya'a megkólya'áseykegko axta eñama Cristo, cháxa keñamak sekha ko'o sẽlpextétamakxa eñama xa amya'a megkólya'áseykegko axta.

HEBREOS 13:22

Elyáxeg, eltamhok ko'o megkalleklamagkek kéxegke kélháxenmo s'e sektahakxa nak sekpeywa ekyakwaté sektáxéseso kéxegke yakwayam enxoho kalwaskakkásekxohok.

1 SAN PEDRO 5:12

Silvano ko'o eyásenneykxak setáxésesa ekyakwate s'e sekpeywa nak, cham'a egyáxeg ekxeyenma nak ko'o ewáxok aptaha meyenseyam aptamheykha, yakwayam enxoho altennasagkohok kéxegke m'a aksok kélxaka axta, ektaha ekxekmóso eyámnaksoho m'a ektémakxa nak Dios segásekhayo, yakwayam enxoho nahan altennaksek kéxegke ektaha nakso' xa. Nágkólyensem aksa kéxegke xa ektémakxa nak Dios segásekhayo.

2 SAN PEDRO 3:15

Kaxén cha'a kélwáxok senláneykencha'a aksa Wese' egegkok yetlo mepekhésamap, yakwayam enxoho hẽlwagkasek teyp. Aptáxésesegkek axta nahan kéxegke egyáxeg negásekhayo Pablo xa ektéma nak, ekhawo m'a ektémakxa nak apya'ásegwayam ektaha axta apméso Dios.