EFESIOS 3:2 - Lengua Sur (Enxet) Nuevo Testamento

² Kélya'ásegkok eyke kéxegke aptaha Dios seyásennagko yakwayam alának se'e sektamheykha nak, yakwayam apasmok kéxegke, eñama m'a ektémakxa nak seyemleykekxoho Dios.

EFESIOS 3:2 ပူးပေါင်းရင်းမြစ်များ

LOS HECHOS 13:2

Xama ekhem axta apakmétak Espíritu Santo neyseksa apchakneykekxa énxet'ák nápakto' Wese' egegkok Dios yetlo metéyak aptéyak. Aptahak axta s'e: “Helpagkanches sat ko'o Bernabé, tén han ma'a Saulo, yakwayam enxoho elmok apkeltamheykha, cháxa ektaha axta ko'o selwóneykha xa.”

LOS HECHOS 13:46

Apkeltennáha axta Pablo yetlo megyeye, tén han ma'a Bernabé. Aptahak axta apchátegmowágko s'e: —Neganeyaxcheyk axta negko'o anlegaksek kéxegke amya'a eñama nak Dios, kéxegke kéltaha nak énxet'ák judíos, wánxa agkok sat eyke kaxwo' ampehewakxak negko'o m'a énxet'ák metnaha nak judíos, hakte megkólmenyék kéxegke amya'a eñama nak Dios, megkaxénak nahan kélwáxok ekpayhawo yakwayam kólxawak kéxegke m'a ekyennakte egnenyek megkatnegwayam enéxa nak.

LOS HECHOS 22:21

Wánxa agkok, aptahak axta seyáneya Wese' egegkok se'e: ‘Exeg sat kaxwo', wáphaksek sat xép ma'a mók apkelókxa eyátépexa nak.’ ”

LOS HECHOS 9:15

Wánxa agkok, aptahak axta Wese' egegkok apcháneya Ananías se'e: “Etyánegwomho, ko'o axta selyéseykha m'a énxet nak yakwayam enxoho eltennasha sekwesey m'a énxet'ák apheykha nak mók nekha, tén han ma'a kelwese'e apkelwányam apagkok nak, tén han eltennasha m'a énxet'ák Israel.

ROMANOS 1:5

Jesucristo keñamak segkésama aksa ko'o Dios yakwayam atnehek seykha amya'a apagkok, tén han atnehek seltenneykha apwesey, yakwayam enxoho etyapok énxet apteme mey'áseyam Dios nepyeseksa m'a apyókxoho pók aptémakxa énxet nak, tén han etnehek apkelyaheykekxoho.

ROMANOS 11:13

Yetneyk eyke aksok yakwayam altennaksek kéxegke megkóltaha nak judíos. Hakte axta eyáphásak ko'o Dios nepyeseksa m'a énxet'ák metnaha nak judíos, ékeso eñamakxa sekxeyenma nak ko'o ektaha ektakmela m'a sektamheykha nak.

ROMANOS 12:3

Dios segkéso sektamheykha eñama seyásekhayo, keñamak seltennasa kélyókxoho kéxegke seltamho megkólyeykhasaxkók ekxéneykha kélwáxók kéxegke kélagko'. Emenyék ko'o kaxénmakha cha'a apwáxok kélxama kéxegke, yakwayam meyeykhasakpók ekxéneykha apwáxók apagkok apagko', cham'a ektémakxa axta apméso apmopwána Dios yetlo mey'áseyam.

1 CORINTIOS 4:1

Kéméxchek kaxének kélwáxok kéxegke nentaha negko'o nempasmeykha aptamheykha Cristo, nenxawáyak axta negko'o yakwayam ólxekmósek énxet'ák ma'a aksok ekpowásamáxkoho apkeláneykekxa axta Dios.

GÁLATAS 1:13

Kéllegayak axta kéxegke amya'a sektémakxa axta ko'o nano', sekyetlama axta m'a ektémakxa nak apkelpeykesamo Dios énxet'ák judíos, kéllegayak axta anhan amya'a sektémakxa axta ko'o sekmenxeneykencha'a yetlo seknaktawáseykegkoho m'a Dios énxet'ák apagkok nak, ekmáheyok axta amasesók.

EFESIOS 1:10

Dios sat yanchásekxak ekxámokxoho aksok ekhéyak nak néten tén han keso náxop, yakwayam katnehek wese' agkok ma'a Cristo ekhawo xa ektémakxa nak apmáheyo elának Dios. Katnehek sat xa ektémakxa nak aksok apmáheyo elának Dios, cham'a ekwokmo sat ekhem.

EFESIOS 3:7

Ekxawáyak axta aksa ko'o yakwayam atnehek seltenneykha s'e amya'a nak, eñama segkéso naksa m'a Dios, eñama nahan ma'a ektémakxa nak ektamheykha Dios apmopwána.

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

EFESIOS 3:9

Eyásennakkek axta anhan ko'o Dios yakwayam alya'asásegwók apyókxoho énxet'ák ma'a apmaheyókxa nak elának Dios ektaha nak ekpowásamáxkoho, cham'a aptéma axta cha'a appósamo Dios nano' axta, aptaha nak apkelané ekyókxoho aksok.

EFESIOS 4:21

cham'a eyámnaksoho enxoho kéllegaya kéxegke kéltenneykha amya'a ekxeyenma nak Cristo, cham'a eyámnaksoho enxoho anhan eltámeyeykegko kéxegke eñama Cristo m'a ektémakxa nak amya'a ekmámnaksoho.

EFESIOS 4:7

Wánxa agkok, negyókxoho axta nelxawágkok negko'o negmowána eñama Dios, cham'a apkepmenyého axta hegmések Cristo.

COLOSENSES 1:4

hakte nenlegágwakteyk axta negko'o amya'a ektémakxa megkólya'áseyam kéxegke Cristo Jesús, tén han ekyetna kélásekhayo m'a apyókxoho ektaha nak Dios énxet'ák apagkok,

COLOSENSES 1:6

Payhekxeyk nahan kaxwo' ekyókxoho yókxexma xa amya'a kéltennáseykencha'a axta kéxegke, tekkesesek nahan aksok eltakmela eleñama néten énxet'ák, ekhawo ektahakxa axta anhan kélnepyeseksa kéxegkáxa, cham'a sekxo' axta kélleg'a kéxegke ektémakxa segásekhayo Dios, cham'a kélya'ásegwokmo axta nahan ektaha ekmámnaksoho m'a ektémakxa nak segásekhayo Dios.

1 TIMOTEO 1:11

Cháxa nelxekmowásamáxche sẽlxekmósama nak tásek amya'a ektaha nak amya'a ektakmela xa, cháxa seyásennagkama nak ko'o Dios aptakmalma añeksek xa.

1 TIMOTEO 1:4

yakwayam enxoho anhan yának megyeyxók énxet'ák ma'a amya'a kéltenneykha naksal'a, tén han yának kamaskok apkelanawo énxet'ák ma'a ekwenakte kélnaktáxeséyak axta apkelwesey ẽlyepmeyk nano'. Katekkeshok cha'a apkelátegmomap énxet xa amya'a nak, mehempasmek nahan yakwayam agmok takha' yetlo magya'áseyam ma'a yakweykenxa nak etnehek Dios.

1 TIMOTEO 2:7

Axta keñamak selyésáxko axta ko'o yakwayam atnehek seltenneykha tásek amya'a, tén han atnehek seykha amya'a, eyáneyaxchek axta anhan ko'o alxekmósek énxet'ák metnaha judíos ma'a eñama nak magya'áseyam, tén han ma'a amya'a ekmámnaksoho nak. Nakso' xa sektahakxa nak ko'o sekpeywa; háwe sekmowána amya'a.

2 TIMOTEO 1:11

Egkések axta ko'o Dios yakwayam atnehek seklegaso s'e amya'a nak, eyáphásek axta nahan yakwayam atnehek seykha amya'a, tén han atnehek selxekmóso enámokkok.