EFESIOS 2:9 - Lengua Sur (Enxet) Nuevo Testamento

⁹ Háwe eñama aksok kéllané xa kélwagkásamáxche teyp nak, yakwayam enxoho méko kawának keyxkohok awáxok.

EFESIOS 2:9 ပူးပေါင်းရင်းမြစ်များ

ROMANOS 11:6

Dios apkelásekhayo agkok keñamak ektéma xa, háwe kaxwo' eñama m'a ektémakxa axta aksok apkeláneyak; apkeláneyak aksok axta agkok keñamak ektéma xa, megkatnehek axta Dios segásekhayo m'a ektémakxa nak segásekhayo.

ROMANOS 3:20

Mehenxének sat Dios nentaha nempéwomo eñama nensawhomo nenlané m'a eltémókxa nak antehek segánamakxa, hakte wánxa aksa hegya'asásegwók cha'a negko'o segánamakxa nentaha ekha mólya'asáxma.

ROMANOS 4:2

Aptemésesek axta agkok appéwomo Dios Abraham eñama m'a aksok apkelané axta, keytek axta yakwánxa etnehek keyxkohok appeywa Abraham, háwe eyke m'a nápakto' Dios.

ROMANOS 9:11

Axta aptemék apkenagkama Dios Rebeca s'e: “Apsexyok sat etnehek apkemha apmonye apagkok ma'a apepma',” cham'a mepaleykemxa axta makham xa énxet'ák nak, cham'a meláneykegkaxa axta makham aksok xama enxoho, aksok ektakmela, tén han aksok ekmaso nak. Hawók nahan ektémakxa nak ekxeyenma eknaktáxésamaxche s'e: “Eyásekhawok axta ko'o Jacob, ektaknókek axta Esaú.” Cháxa ektahakxa axta eyámnaksoho senxekmóso Dios ekpayhawo elyésha énxet apkepmenyéxa enxoho elyésha, cham'a apmokókxa enxoho ewónmakha, meyke apkelyetsáteyak ma'a ektémakxa enxoho aksok apkelané.

ROMANOS 9:16

Háwe eyke m'a apmopmenyého nak énxet yemlekxohok Dios, tén han ma'a apwaskápeykekxoho nak apkeltémo yemlekxohok Dios, wánxa m'a apmokókxa enxoho yepyóshok elanok Dios.

2 TIMOTEO 1:9

Ẽlwagkasek axta negko'o teyp Dios, ẽlwóneyha axta nahan yakwayam ampagkanchesaxchek neyseksa negha makham, háwe eñama m'a aksok nenlané axta negko'o, wánxa agkok, akke keñamak ma'a ektémakxa axta apmopmenyého elának Dios, tén han eñama m'a segásekhayo nak neyseksa negyepetcheyo Cristo Jesús. Dios, aptaha nak segásekhayo eyeynamókxa axta sekxo' apkeláneya keso náxop,