EFESIOS 2:8 - Lengua Sur (Enxet) Nuevo Testamento

⁸ Kélwagkásexchek axta kéxegke teyp eñama m'a apméso naksa axta kéxegke Dios ma'a ektémakxa nak segemleykekxoho, eñama m'a kélteme nak megkólya'áseyam. Háwe eyke kélweté kélagko' kéxegke xa, kélxawé axta eñama Dios apméso.

EFESIOS 2:8 ပူးပေါင်းရင်းမြစ်များ

SAN MATEO 16:17

Aptahak axta Jesús apcháneya s'e: —Apkeleñémo exchep Simón, Jonás apketche, hakte megkañamak nepyeseksa énxet'ák xa apya'áseyak nak, wánxa apya'asáseykegkoho m'a Táta, apha nak néten.

SAN MATEO 20:9

Apkelwokmek axta m'a ektaha axta apchénamo apkeltamheykha las cinco taxnam, apyókxoho axta anhan apkexawágkok ekweykenxal'a kélyanmagkaso xama ekhem nentamheykha.

SAN MARCOS 16:16

Kólwagkasaxchek sat teyp kéxegke kélteme nak megkólya'áseyam tén han kéltegye nak yakpasama yegmen; kólsexnánéxchek sat eyke kéxegke kélteme nak kélya'áseyam.

SAN LUCAS 7:50

Wánxa agkok, aptahak axta Jesús apcháneya kelán'a s'e: —Megkay'áseyam wagkásak teyp xeye'; katakhekxa yetlo meyke ektahakxa awáxok.

SAN JUAN 3:36

Negko'o ektahakxa enxoho nenteme magya'áseyam Dios Apketche, keytek ekyennakte egnenyek megkatnegwayam enéxa; keñe m'a ektahakxa enxoho apya'áseyam Dios Apketche mexkeyk sat xa ekyennakte egnenyek nak, wánxa sat exkak ma'a ekmaso senlegasáseykegkoho nak Dios.

SAN JUAN 4:10

Aptahak axta apchátegmowágko Jesús se'e: —Ya'ásegkok agkok xeye' m'a aksok segmésamol'a cha'a Dios, ya'ásegkok agkok nahan se'e apkelmaxneya nak yegmen, kalmaxnak xeyk xeye' yegmen, keñe exchek egkések ma'a yegmen ekyennaktésamo nak egnenyek.

SAN JUAN 5:24

“Aphaxnawók agkok énxet sekpeywa ko'o, aptemék agkok nahan mey'áseyam ma'a aptaha nak seyáphaso ko'o, cháxa ekyetna ekyennakte apnenyek xa; metnehek sat nahan apsexnánémap, hakte apyeyk'a ma'a nétsapma nak, yennakwokmek kaxwo' apnenyek. Nakso' xa sektahakxa nak sekpeywa seláneya kéxegke.

SAN JUAN 6:35

Aptahak axta apkeláneya Jesús se'e: —Ko'o sekteme pan apyennaktésamo nak apnenyek énxet, kéxegke ektahakxa enxoho sey'eykekta' ko'o, megkakhekxék sat cha'a meyk, keñe m'a ektahakxa enxoho mehey'áseyam ko'o, megkakhekxék sat cha'a ekhem.

SAN JUAN 6:37

Apyókxoho énxet ektaha nak segkéso ko'o Táta hey'ótak cha'a ko'o, matakheksók sat nahan ko'o m'a énxet ektahakxa enxoho sey'eykekta'.

SAN JUAN 6:40

Apmenyék ko'o Táta keytek ekyennakte apnenya'ák megkatnegwayam enéxa m'a apyókxoho énxet ektaha nak apkelanyo Dios Apketche, cham'a apteme nak han mey'áseyam, ko'o sat nahan anakxétekhasók ma'a ektemegwokmo sat néxa ekhem.

SAN JUAN 6:44

Méko kawának hey'ótak ko'o mehentegkásento enxoho m'a Táta aptaha axta seyáphaso ko'o; axátekhásók sat ko'o ektemegwokmo sat néxa ekhem.

SAN JUAN 6:65

Aptahak axta makham appeywa Jesús se'e: —Ekeso eñamakxa sektaha axta seláneya kéxegke, mopwanchek hey'ótak ko'o énxet mehentegkásento enxoho Táta.

LOS HECHOS 14:27

Xama axta apkelwákxo tegma apwányam Antioquía Pablo tén han Bernabé, apchánchesakxeyk axta m'a énxet'ák ektaha nak apkeltamheykha kélakneykekxexa, apkeltennáseyha axta ekyókxoho aptemésesamakxa Dios Pablo tén han Bernabé, apkeltennáseyha axta anhan ektahakxa apkelya'asásegwokmo Wese' egegkok ma'a énxet'ák metnaha nak judíos, yakwayam enxoho nahan etnahagkok melya'áseyam.

LOS HECHOS 15:11

Wánxa agkok, akke agya'ásekmok negko'o nenxaka aksa nelwagkásamáxche teyp eñama m'a segásekhayo nak Wese' egegkok Jesús, ekhawo nahan xa énxet'ák nak.

LOS HECHOS 16:14

Lidia axta ekwesey xama xa kelán'ák nak, tegma apwányam Tiatira axta keñamak. Apáwa hómáyok apkeltakmalma axta exeykekxa. Kalpeykeshok axta cha'a Dios xa kelán'a nak, haxnawók axta kéltenneykha, keñe axta aptemésesa Wese' egegkok yakwayam katakmelcheshok agko' ekháxenmo ektahakxa apkeltenneykha Pablo.

LOS HECHOS 16:31

Etne mey'áseyam Wese' egegkok Jesús, ewagkasakpok sat teyp xép tén han ma'a ekheykha nak apxagkok, axta aptahak apkelátegmowágko Pablo tén han Silas.

ROMANOS 10:14

¿Háxko eyke katnehek ewónmakha apwesey Cristo m'a énxet'ák metnama nak makham melya'áseyam? ¿Háxko eyke nahan katnehek etnehek melya'áseyam ma'a énxet'ák megkóltennáseykencha'a enxoho apwesey Cristo? ¿Háxko katnehek eña' méko enxoho eltennáseykencha'a amya'a eñama Dios?

ROMANOS 10:17

Nenlegé amya'a keñamak ma'a nenteme nak magya'áseyam, Cristo amya'a apagkok nahan ma'a eklegamaxkohol'a.

ROMANOS 4:16

Ekeso eñamakxa nenxawaya axta aksa meyke ekyanmaga m'a appekkencháseykekxa axta appeywa Dios Abraham tén han ma'a aptawan'ák neptámen, yakwayam enxoho megkamassegwomek kéláyo, eñama segwetaso magya'áseyam. Háwe eyke ekwánxa agkok appekkencháseykekxa appeywa Dios ma'a énxet'ák apkelyaheykekxoho nak ektémakxa segánamakxa, akke nahan ma'a énxet'ák apteme nak melya'áseyam, ekhawo ektémakxa axta mey'áseyam Abraham. Cháxa ektahakxa axta aptaha Abraham egyap negyókxoho xa,

ROMANOS 4:5

Megkatnehek eyke m'a énxet aptémol'a mey'áseyam Dios segmasésesamol'a nelsexnánémaxche, exének cha'a Dios aptaha appéwomo xa énxet nak eñama mey'áseyam, melanyek eykhe xama aksok ekpayhawo nak exének Dios aptaha appéwomo.

ROMANOS 9:16

Háwe eyke m'a apmopmenyého nak énxet yemlekxohok Dios, tén han ma'a apwaskápeykekxoho nak apkeltémo yemlekxohok Dios, wánxa m'a apmokókxa enxoho yepyóshok elanok Dios.

GÁLATAS 3:14

Temegkek axta xa, yakwayam enxoho kawakxohok apméso Dios aksok eltakmela eleñama néten ma'a énxet'ák metnaha nak judíos, eñama m'a Cristo Jesús, cham'a apkeltennasama axta Dios Abraham apmáheyo elána' xa; yakwayam enxoho nahan anxawak negko'o Espíritu apxeyenma axta hegmések Dios, eñama m'a magya'áseyam nak.

GÁLATAS 3:22

Wánxa agkok, xeyenmék eyke eknaktáxésamaxche sẽlmoma negko'o mólya'asáxma negyókxoho nak, yakwayam enxoho yepwának elxawagkok aksok apxeyenma axta egkések Dios ma'a énxet'ák apteme nak mey'áseyam Jesucristo.

EFESIOS 1:19

yakwayam enxoho nahan kólya'ásegwomhok ekwánxa ekyawe meyke néxa m'a ektémakxa nak apmopwána sempasmoma nak cha'a negko'o, nenteme nak magya'áseyam. Cháxa apmopwána senxekmowásawo axta negko'o Dios xa yetlo ekyawe agko' apyennakte, tén han apmopwána,

EFESIOS 2:10

hakte Dios axta aptaha senlané negko'o; enlanak axta negko'o eñama m'a Cristo Jesús yakwayam enxoho anlának ma'a nentamheykha ektakmela nak, ekhawo m'a apkeláneykekxa apagko' axta Dios ma'a nano' axta.

EFESIOS 2:5

ékeso eñamakxa segmeyáseykxo nak ekyennakte egnenya'ák xamo' Cristo, cham'a nentémakxa axta makham máxa eghapák eñama m'a nentémakxa axta mólya'asáxma. Apmések axta aksa kéxegke Dios kélwagkásamáxche teyp eñama m'a ektémakxa nak segemleykekxoho.

FILIPENSES 1:29

Cristo keñamak kélxawáya kéxegke yakwayam kóltehek megkólya'áseyam, tén han kóllegagkohok xamo' ma'a Cristo.

COLOSENSES 2:12

Kélatawañamáxchek axta kéxegke xamo' Cristo, cham'a kélyakpasásegko axta yegmen, kélnakxátekhásekmek axta nahan kéxegke xamo' ma'a Cristo, hakte axta kólya'áseykmok kéxegke Dios ekha apmopwána, cham'a aptaha axta apxátekháseyam Cristo nepyeseksa apkeletsapma axta.

2 TESALONICENSES 1:9

Kóllegásesagkohok sat xa énxet'ák nak, kólmasésamhok agko' sat nahan, meyke teyp. Makhawók sat nahan kólchexakhagwók nápakto' Wese' egegkok, tén han eyátepexa m'a ektémakxa nak apcheymákpoho tén han apmopwána,

HEBREOS 6:4

Hakte apkelwátesagkek agkok apteme melya'áseyam ma'a énxet'ák ektaha axta apkelxawéyak elseyexma, cham'a énxet'ák apkelya'áseykegkoho axta ektémakxa m'a negmowána segmésamol'a cha'a Dios, cham'a énxet'ák apkelxaweykegko axta anhan Espíritu Santo,

1 SAN PEDRO 1:5

Apkeltakmelchesegkek kéxegke Dios yetlo m'a ektémakxa nak apmopwána, eñama m'a ektémakxa nak megkólya'áseyam, yakwayam enxoho kólxawak kéxegke kélwagkásamáxche teyp, cham'a aptakmelchesesama nak kéxegke Dios, cháxa peya nak hegya'asásegwók ektemegwánxa néxa ekhem xa.