EFESIOS 2:7 - Lengua Sur (Enxet) Nuevo Testamento

⁷ Apkelanak axta Dios xa, yakwayam enxoho kataxchek ma'a egmonye sat, ekyetna ekyawe agko' segásekhayo negko'o, tén han exekmósek aptaha segméso naksa m'a ektémakxa nak segemleykekxoho eñama Cristo Jesús.

EFESIOS 2:7 ပူးပေါင်းရင်းမြစ်များ

ROMANOS 2:4

Etaknók cha'a exchep ma'a Dios segásekhayo megkamassegwayam nak, tén han ma'a mepekhéso nak elwok Dios, tén han ma'a ektémakxa nak mepekhésamap Dios, neyseksa mékpelche Dios segásekhayo, ektaha nak cha'a ekyentameykekxa yakwayam etnekxak mey'áseyam Dios.

EFESIOS 1:7

Segásekhayo ekyawe agko' axta keñamak Dios segmasésesa m'a ektémakxa axta nelmomaxche eñama m'a apyegkenma axta éma apagkok Apketche, meyakmagkásekxak nahan nentémakxa nak mólya'asáxma.

EFESIOS 2:4

Wánxa agkok, awanhek eyke segemleykekxoho Dios, awanhek nahan segásekhayo,

EFESIOS 3:21

¡Apcheymákpoho sat kóltemésesek Dios nepyeseksa m'a ektaha nak Dios énxet'ák apagkok eñama m'a Cristo Jesús, megkatnegwayam enéxa! Katnahagkok sat.

EFESIOS 3:5

Axta kólhayok elyekpelkohok énxet'ák xa amya'a ekpowásamáxkoho nak, cham'a nano' axta, wánxa agkok, apxekmósek eyke kaxwo' Dios ma'a seykha amya'a apkelpagkanamap nak, tén han ma'a énxet'ák ektaha nak apkellegaso appeywa eñama m'a Espíritu apagkok nak.

2 TESALONICENSES 1:12

Kéxegke sat kanyék kélteméseso eyeymáxkoho apwesey Wese' egegkok Jesús, keñe sat kéxegke kólxawak ma'a ektémakxa nak apcheymákpoho Wese' egegkok Jesús, eñama apméso naksa Dios ma'a ektémakxa nak segemleykekxoho, tén han eñama m'a Wese' egegkok Jesucristo.

TITO 3:4

Ẽlwagkasek axta negko'o teyp Dios, cham'a senxekmósa axta m'a ektémakxa nak segméso naksa segemleykekxoho, tén han ma'a ektémakxa nak apkelásekhayo énxet.

1 SAN PEDRO 1:12

Wánxa agkok, apkelya'asásegweykmek axta eyke Dios megkapheweykmo yakwayam kapasmok ektémakxa axta apkeltenneykha xa énxet'ák nak, kéxegke eyke yakwayam kapasmok xa ektémakxa axta apkeltenneykha, cháxa kéllegasama axta kéxegke xa eñama apkellegaso m'a énxet'ák apkeltennáseykencha'a axta tásek amya'a yetlo Espíritu Santo apmopwána, cham'a Espíritu kéláphaso axta apkeñama néten. Cháxa apkeltémo axta anhan étak Dios apkelásenneykha xa.