EFESIOS 2:3 - Lengua Sur (Enxet) Nuevo Testamento

³ Nentemegkek axta anhan negko'oxa negyókxoho xa nano' nentémakxa nak, negyetleykekxo m'a aksok negyespagkamakxa nak, ólyahakxohok axta cha'a ekyókxoho aksok negmokókxa enxoho anlána', negyetleykekxeyk axta ektémakxa elchetamso egwáxok. Axta keñamak eyéméxko henlegásesagkohok ekmaso agko' Dios eñama xa nentémakxa ekmaso nak, ekhawo nahan ma'a apxámokxoho énxet'ák nak.

EFESIOS 2:3 ပူးပေါင်းရင်းမြစ်များ

SAN MARCOS 4:19

akke xéneykha apwáxók ma'a aksok nenxamáseyak nak keso náxop, tén han eknaktawáseykencha'a m'a apkelmopmenyého nak etnahagkok ekxákma aksok apagkok, apmenyék étak ekyókxoho aksok apagkok. Láneyók ekxéneykha apwáxók ekyókxoho xa aksok nak, kamaséseshok cha'a ekyetno apwáxók amya'a kéllegaso ekyókxoho xa aksok nak, megkahayók nahan kótaksek apyakmagkaso apkeltémakxa.

SAN JUAN 1:13

Dios apketchek xa énxet'ák nak, háwe m'a ektémakxal'a appaleyam kélketchek, háwe nahan ma'a ektémakxal'a apmopmenyého apketchek énxet, Dios akke keñamak apteméseso yakwayam etnahagkok apketchek xa.

SAN JUAN 8:44

Kelyekhama' kélyap kéxegke; cha'a kéleñamak kéxegke m'a, kóllenxanmok nahan cha'a kóllának eyámenyéxa enxoho kóllának ma'a. Ekyetno ekyógkexma axta entemék kelyekhama' sekxo' agko'. Megkameykha cha'a m'a amya'a ekmámnaksoho nak, megkatnehek nahan cha'a ekmámnaksoho ekpeywa. Temék agkok cha'a ekmowána amya'a, katnehek cha'a m'a ektémakxal'a cha'a; hakte ekmowána amya'a m'a, cha'a keñamak negmowána amya'a m'a.

LOS HECHOS 14:16

Apchahayók axta eykhe Dios antehek negmáheyo egagko' antehek, cham'a nano' axta,

ROMANOS 1:24

Ekeso eñamakxa apkexaya axta aksa Dios xa énxet'ák nak, yakwayam enxoho keytek nepyeseksa aksok ekmaso apkelyespagko nak, apkeláneykegkek nahan cha'a m'a aksok segmegkasamo nak.

ROMANOS 11:30

Axta kólyaheykekxohok kéxegke Dios nano' axta, apkemleykxók eyke kaxwo' kéxegke Dios eñama m'a melyaheykekxoho axta Dios énxet'ák judíos.

ROMANOS 13:14

Kólteme kélahakkásamáxche Wese' egegkok Jesucristo, nágkóllána kaxwo' ma'a ektémakxa nak aksok ekmaso ekyespagko negyókxa.

ROMANOS 2:14

Chakhawók agkok apkeltémakxa énxet'ák metnaha judíos ma'a eltémókxa nak antehek segánamakxa, cham'a melya'áseyak nak ektémakxa segánamakxa, cháxa segánamakxa apagkok apagko' xa,

ROMANOS 5:10

Entemésesek axta negko'o nelásekhamaxchekxoho Dios eñama m'a apketsapma axta Apketche, cham'a nentémakxa axta makham nenmexeykha Dios, sat eyke ekyagwánxa agkok yakwayam ólwagkasaxchek teyp keso nelásekháxchekxoho nak kaxwo' Dios.

ROMANOS 5:9

Kaxwo' eyke ẽltemésesek negko'o nelpéwomo eñama m'a apketsapma axta Cristo, ékeso eñamakxa peya sat kayágwomhok nelmeyamáxche negko'o neyseksa ektemegwánxa néxa senlegasáseykegkoho, eñama m'a Cristo.

ROMANOS 6:12

Nágkólho aksa keytek kélyókxa étsapmo m'a mólya'asáxma ekmowána nak, cham'a ekyáteyeykegkohol'a cha'a yakwayam kólyahakxohok aksok ekmáheyo nak cha'a kalának kélyókxa.

ROMANOS 7:18

Ekya'ásegkok megkeytna ko'o aksok ektakmela xama enxoho, cham'a sektémakxa ahagko' nak ko'o may'asáxma; amawho eykhe cha'a ko'o alána' aksok ektakmela, mowanchek eyke alána'.

ROMANOS 9:22

Apmáheyok axta henxekmósek Dios ektémakxa senlegasáseykegkoho cha'a, tén han ma'a ektémakxa nak apmopwána, apkelenmáxekpók eyke yetlo mepekhésamap apkelanyo apkeltémakxa m'a énxet'ák ekpayhawo axta kóllegásesagkohok, cham'a peya axta kólmasesók.

1 CORINTIOS 4:7

¿Yaksak ekteméseso exchep néten nepyeseksa apnámokkok? ¿Ya egkésók xép Dios ekyókxoho aksok? Apmésegkek agkok Dios aksok xép, ¿yaksak ektaha eyeyxkoho nak apwáxok, máxa aptahak xép ma'a apweté apagko' enxoho aksok?

2 CORINTIOS 7:1

Elyáxeg selásekhayo, cháxa sempekkencháseykekxa axta negko'o appeywa Dios xa; ékeso eñamakxa eyéméxko nak negko'o antehek eyáxñeyo nentémakxa, moghók hempeysegkesek ma'a ekyókxoho aksok ekpeysegkesamo nak negyókxa, tén han ma'a egwáxok; anlenxanmok hana antehek nempagkanchásamáxche agko' Dios, eñama m'a ektémakxa nak cha'a negaye Dios.

GÁLATAS 3:22

Wánxa agkok, xeyenmék eyke eknaktáxésamaxche sẽlmoma negko'o mólya'asáxma negyókxoho nak, yakwayam enxoho yepwának elxawagkok aksok apxeyenma axta egkések Dios ma'a énxet'ák apteme nak mey'áseyam Jesucristo.

EFESIOS 2:2

hakte kélyetlamchek axta kéxegke ektémakxa nak keso náxop, kélláneyak axta anhan kéxegke m'a ekyespagkamakxa nak kelyekhama' wese', eláneykencha'a nak aksok ekha elmowancha'a ekheykha tekhenxet, cham'a elyáteyagkoho nak énxet'ák aptaha nak melyaheykekxoho Dios.

EFESIOS 4:22

Kólwatés kéllané kéxegke m'a nano' nentémakxa axta, cham'a eyesógwokmoho agko' nak eñama ektawáseykha m'a aksok ekmaso ekyespagko nak.

COLOSENSES 1:21

Axta kólyepetcheyók kéxegke Dios nano' axta, kenmexeykha axta kélwáxok kéxegke Dios eñama m'a aksok ekmaso kélláneyak axta.

1 TESALONICENSES 4:13

Ẽlyáxeg, egmenyék negko'o kólya'asagkohok kéxegke ektémakxa m'a énxet'ák apkeletsapma axta, yakwayam enxoho megkallapwomagkek kéxegke ekhawo ektamheykegkaxa nak ma'a énxet'ák melhaxanma nak yakwayam exnamhok xamo' Dios.

1 TESALONICENSES 5:6

Ekeso eñamakxa eyéméxko nak negko'o mannaktének, mantehek ma'a aptamheykegkaxa nak énxet'ák apnakteyenmo nak. Tásek mannaktének negko'o, tén han antehek ekha negya'áseykegkoho.

1 TIMOTEO 6:9

Enxet apmopmenyého nak etnehek ekxákma aksok apagkok melenmaxakpek ma'a ekyekkónma nak, máxa nahan katnehek kelhanma ekma kamok ma'a apmopmenyého nak elának ekyókxoho ektémakxa nak aksok segyeykesamo nak exma, tén han ma'a sẽtsagkasamo nak, cham'a étsagkasamol'a énxet, elya'asamol'a nahan ma'a sẽlmaseseykenxa nak.

TITO 3:3

Hakte sẽlyéháxma axta anhan negko'o xa nano' axta, axta antemék nelyaheykekxoho Dios, axta agakhémok negko'o nentémakxa, kelmomchek axta egwáxok ekyókxoho aksok negyespagkamakxa nak, nentemegkek axta ekmaso nentémakxa, tén han nelyásekáseykha, neltaknómaxchék axta negko'o, nelenmexamaxchekxeyk axta anhan negko'o xa.

1 SAN PEDRO 1:14

Nágkóltemekxa makham ma'a ektémakxa axta aksok kélyespagko megkólya'aseykegkaxa axta Dios. Kólteme m'a aptamheykegkaxal'a kélketchek ekhal'a apkelyaheykekxoho.

2 SAN PEDRO 2:14

Ñohok nahan cha'a katsapok apnenyek apwet'a enxoho kelán'a; megkalleklámeykegkok nahan apkeláneyak melya'asáxma, ñohok nahan cha'a ellekwomhok ma'a énxet'ák elyelkamáxkoho nak apteme melya'áseyam; elya'asagkohok nahan cha'a aptamhágkaxa yepmenyéhok selyakye; appagkanchesegkek nahan Dios yakwayam ellegásesagkohok xa énxet'ák nak.

2 SAN PEDRO 2:18

Máxa cha'a katnehek ektakmela enxoho aksok apkelxeyenma xa énxet'ák nak, cham'a ektaha nak mékoho, ellekwomhok nahan cha'a m'a énxet'ák eyáskexho nak apkelwáteséyak appaxkeykha m'a énxet'ák megyakhémo nak apkeltémakxa, eñama m'a ektémakxa nak aksok negyespagko nenteme nak énxet.

1 SAN JUAN 2:16

hakte megkañamak Dios Egyap ma'a ekyókxoho aksok ektaha nak segméso ektémakxa nak keso náxop, hakte eñamakxa agko' katnehek keso náxop. Keso aksok ektaha nak segméso ektémakxa nak náxop se'e: aksok ekmaso negyespagko nenteme nak énxet, tén han ma'a neltémo nak anxámasagkok aksok ekmátsal'a anlano', tén han ma'a ekpeykáseykekxa nak egwáxok ekxámokma aksok egagkok.

1 SAN JUAN 2:8

Akke axnagkok nelánemaxchexa antehek se'e sektáxésesa nak kéxegke, ektaha nak ekmámnaksoho, ekyetnama nak ma'a Cristo ekhawo ekyetnama nak han kéxegkáxa, hakte peyk kamaskok ma'a ekyaktesóxma nak, chápogwatchek kaxwo' ma'a chálewaso ekmámnaksoho nak.