EFESIOS 1:7 - Lengua Sur (Enxet) Nuevo Testamento

⁷ Segásekhayo ekyawe agko' axta keñamak Dios segmasésesa m'a ektémakxa axta nelmomaxche eñama m'a apyegkenma axta éma apagkok Apketche, meyakmagkásekxak nahan nentémakxa nak mólya'asáxma.

EFESIOS 1:7 ပူးပေါင်းရင်းမြစ်များ

SAN MATEO 20:28

Hakte hawók aptémakxa m'a aptaha nak Apketche énxet, axta eweyk yakwayam yának kólpasmok, wánxa aksa apwaya yakwayam epasmok énxet, tén han ényók apyennakte yakwayam exámhok énxet apkelwagkaso teyp.

SAN MATEO 26:28

hakte cháxa éma ahagkok ko'o xa, ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa peya nak kayegkenaxchek yakwayam enxoho meyakmagkásekxék Dios ektémakxa melya'asáxma apyókxoho énxet.

SAN MATEO 6:12

Ná eyakmagkásekxa aksa aksok ekmaso nenlané nak negko'o, ekhawo nentémakxa nak negko'o magyakmagkáseykekxa cha'a sentemésesakxa ekmaso egmók.

SAN MARCOS 14:24

Aptahak axta apkeláneya s'e: —Keso éma ahagkok ko'o s'e ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa éma ekyegkenáxko nak yakwayam kapasmok apyókxoho énxet xa.

SAN LUCAS 1:77

yakwayam elya'asásegwók énxet'ák apagkok peya meyakmagkásekxék Dios apkeltémakxa melya'asáxma, tén han peya egkések apkelwayam teyp.

SAN LUCAS 24:47

kóltennaha sat ekyókxoho yókxexma amya'a eñama nak Mesías, Jerusalén sat kólénhok sekxo', yakwayam enxoho elyakmagkasek apwáxók énxet'ák, yakwayam enxoho megkólyakmagkásekxék ma'a apkeltémakxa nak melya'asáxma.

SAN JUAN 20:23

Enxet ektahakxa enxoho megkólyakmagkáseykekxa kéxegke apkeltémakxa melya'asáxma, megkólyakmagkásekxék sat apkeltémakxa xa énxet'ák nak, keñe m'a énxet kélyakmagkásekxexa enxoho apkeltémakxa melya'asáxma, kólyakmagkásekxak sat apkeltémakxa melya'asáxma.

LOS HECHOS 10:43

Apyókxoho Dios appeywa apkellegaso axta apxeyenmak Jesús. Apkelxeyenmék axta peya megkólyakmagkásekxék nentémakxa mólya'asáxma nenteme nak magya'áseyam eñama m'a Jesús.

LOS HECHOS 2:38

Aptahak axta Pedro apchátegmowágko s'e: —Kólyakmagkas kélwáxok, kóltegye yakpasama yegmen eñama nak Wese' egegkok Jesucristo apwesey, yakwayam enxoho meyakmagkásekxék Dios kéltémakxa nak megkólya'asáxma, keñe sat egkések kéxegke Dios Espíritu Santo.

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

LOS HECHOS 3:19

Ekeso eñamakxa seltamho nak ko'o kólyakmagkasek kélwáxok, kólyo'ókxes kélwáxok ma'a Dios, yakwayam enxoho emasésesek xa kéltémakxa nak megkólya'asáxma. Lapmaxchek sat egkések kéxegke Wese' egegkok ektakmeleykekxa makham kélha,

ROMANOS 2:4

Etaknók cha'a exchep ma'a Dios segásekhayo megkamassegwayam nak, tén han ma'a mepekhéso nak elwok Dios, tén han ma'a ektémakxa nak mepekhésamap Dios, neyseksa mékpelche Dios segásekhayo, ektaha nak cha'a ekyentameykekxa yakwayam etnekxak mey'áseyam Dios.

ROMANOS 3:24

Wánxa agkok, entemésesek eyke negko'o Dios nelpéwomo eñama segásekhayo, cham'a aptéma axta nahan segméso naksa, eñama m'a segyanmaga axta Cristo Jesús.

ROMANOS 3:25

Aptemésesek axta Dios Cristo yakwayam etnehek apmaseso mólya'asáxma, cham'a apyegkena axta éma apagkok, hegwetaksohok cha'a megkólyakmagkáseykekxa nentémakxa mólya'asáxma xa, eñama m'a magya'áseyam nak. Enxekmósek axta Dios ektaha ekpéwomo aptémakxa, cham'a apkelana axta xa, metnésesamók axta cha'axma Dios énxet'ák apkeláneyak melya'asáxma nano' axta,

ROMANOS 9:23

Apmokók axta eyke nahan henxekmósek Dios ektémakxa nak ekyawe apcheymákpoho, cham'a segemleykxoho axta, nano' axta senláneseykekxa egwáxok yakwayam hegwakxohok xa apcheymákpoho nak.

1 CORINTIOS 1:30

Dios axta apyepetcháseykekxa kéxegke Cristo Jesús, aptemésesek axta anhan Cristo yakwayam etnehek segya'asásegwayam, tén han aptemésesama yakwayam etnehek sẽlteméseso nelpéwomo negko'o, keñe nahan antehek nempagkanchásamáxche Dios, tén han sẽlchexakkasama m'a nelsexnánémaxche axta eñama m'a segyanmaga axta.

2 CORINTIOS 8:9

Hakte kélya'ásegkok kéxegke Wese' egegkok Jesucristo, aptemesásamákpo axta meyke aksok apagkok kéxegke eñamakxa, xámok axta eykhe aksok apagkok ma'a néten, yakwayam enxoho kóltehek kéxegke ekxákma aksok kélagkok eleñama nak néten, eñama m'a aptemesásamap axta Cristo meyke aksok apagkok, eñama nahan ma'a ektémakxa nak segásekhayo.

EFESIOS 1:14

Espíritu Santo apteme magkenatcheso eyámnaksoho peya anxawak ma'a aksok sẽlpagkancheso nak yakwayam anxawa', cham'a peya nak hegmések Dios apsawhawo enxoho apmaséseso apteme apkelmomap ma'a ektaha nak énxet'ák apagkok, yakwayam enxoho kóltemésesek apcheymákpoho Dios eñama m'a ektémakxa nak ekyawe agko' apcheymákpoho.

EFESIOS 1:18

Elmaxnakkek cha'a ko'o Dios seltamho elya'ásásegwók kéxegke, yakwayam enxoho kólya'ásegwomhok kéxegke m'a ektémakxa nak kélhaxneykha, cham'a kélhaxneykha apmésa axta kéxegke Dios, tén han kólya'ásegwomhok ekwánxa ektakmela agko' ma'a aksok appagkanchesama nak Dios yakwayam egkések ma'a ektaha nak énxet'ák apagkok,

EFESIOS 1:6

Ekeso eñamakxa neltemésesa nak cha'a negko'o apcheymákpoho Dios, eñama m'a segméso naksa axta ektémakxa nak segemleykekxoho, cháxa keñamak nahan sempasmo nak negko'o Dios xa, eñama m'a Apketche aptaha nak apchásekhayo.

EFESIOS 1:8

Enxekmósek axta negko'o ekwánxa segásekhayo Dios, egmések axta ekxámokxoho ektémakxa negya'ásegwayam tén han negyekpelchágwayam.

EFESIOS 2:4

Wánxa agkok, awanhek eyke segemleykekxoho Dios, awanhek nahan segásekhayo,

EFESIOS 2:7

Apkelanak axta Dios xa, yakwayam enxoho kataxchek ma'a egmonye sat, ekyetna ekyawe agko' segásekhayo negko'o, tén han exekmósek aptaha segméso naksa m'a ektémakxa nak segemleykekxoho eñama Cristo Jesús.

EFESIOS 3:16

Elmaxnakkek ko'o Dios Egyap seltamho epekkenchesek kélwáxok kéxegke kélmowána, tén han ma'a kélwaskápeykekxoho eñama nak apméso Espíritu apkeñama nak Dios, eleñama nak ma'a ekheykegkaxa nak ekxámokma agko' aksok apagkok eltakmela eleñama nak néten.

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

FILIPENSES 4:19

Dios ahagkok sat egkések ma'a ekyókxoho aksok eyéméxchexa nak kéxegke, hakte xámok ekyetna aksok eltakmela m'a Dios eñama m'a Cristo Jesús.

COLOSENSES 1:14

aptaha nak sẽlwagkaso teyp, axta anhan eyakmagkáseykxak nentémakxa mólya'asáxma.

COLOSENSES 1:27

Apmenyék axta Dios elyekpelchásesók ma'a ektaha nak énxet'ák apagkok, cham'a ekwánxa nak ekxámokma aksok eltakmela apagkok, cham'a ektemésesama axta cha'a ekpowásamáxkoho énxet'ák metnaha nak judíos. Apheyk kélwáxok kéxegke Cristo, cháxa megkólya'áseykegko axta kéxegke xa, aptaha nak han eñamakxa nelhaxneykha m'a negeymáxkoho peya nak anxawak.

COLOSENSES 2:13

Máxa kélhapák axta kéltemék kéxegke nápakto' Dios nano' axta eñama m'a megkólya'asáxma axta, tén han eñama m'a megkólkahásamáxche axta kélyenyekhamol'a egyempehek; apmések eyke kaxwo' kéxegke Dios ekyennakte kélnenyek xamo' Cristo, cham'a Dios aptaha nak meyakmagkáseykekxa ekyókxoho ektémakxa mólya'asáxma.

COLOSENSES 2:2

Ekwaskápeykxók ko'o yakwayam enxoho elxawagkok ekmayheykegkoho apwáxók xa énxet'ák nak, yakwayam enxoho megyexpanchesakpek eñama m'a apkelásekhamakpoho nak, yakwayam enxoho nahan katnehek ekyawe agko' apkelya'ásegwayam, cham'a ekmowána nak kalya'asásegwók ma'a megyahayo axta kólya'asagkohok Dios, cham'a aptaha nak Cristo.

1 TIMOTEO 2:6

Hakte apmeyáseykpók axta apagko' Jesucristo yakwayam emátog yakwayam etnehek segyanmaga eñama nelwagkásamáxche teyp negyókxoho nak, cham'a senxekmósama axta Dios ekwokmo axta ekhem yakweykenxa katnehek ma'a aptémakxa axta appeywa.

TITO 2:14

Apmeyásamakpók axta apagko' yakwayam emátog, negko'o eñamakxa, yakwayam enxoho hẽlwagkasek teyp neyseksa ekyókxoho nentémakxa ekmaso nak, tén han hentemésesek ektakmela nentémakxa, yakwayam enxoho nahan antehek énxet'ák apagkok, tén han agámenyéhok anlának ma'a aksok eltakmela nak.

TITO 3:6

Jesucristo segwagkasamo teyp axta nahan keñamak nenxaka negko'o Espíritu Santo, meyke kélmeyagweykekxa.

HEBREOS 9:22

Xegkesamók axta kasawhaxkohok ekyókxoho aksok kélaxñáseykekxa cha'a eñama m'a kélexpakhé nak éma, ekhawo ektémakxa nak ekxeyenma segánamakxa; kólyakmagkásekxohok cha'a nentémakxa mólya'asáxma megkayegkenáxko enxoho éma;

1 SAN PEDRO 2:24

Appata apagko' axta aptahak Cristo mólya'asáxma cham'a ekyetlóko axta apkexnákpo axta néten aksok ektegyéso, yakwayam enxoho kamaskok nénmexo negko'o m'a ektémakxa nak mólya'asáxma ektémol'a ótsapok, yakwayam enxoho antehek nentémakxa ekpéwomo. Kélyensasegkek axta Cristo yakwayam enxoho kóltakmelwók kéxegke.

1 SAN PEDRO 3:18

Hakte apketsekkek axta anhan Cristo eñama m'a ektémakxa nak negko'o mólya'asáxma, wánxa nahan xama apketsapma, meyke teyp. Tásek axta aptémakxa Cristo, wánxa agkok, aplegágkok axta eyke aptaha segyanmaga negko'o nenteme nak ekmaso nentémakxa, yakwayam enxoho enaklakxak kéxegke m'a aphamakxa nak Dios. Apketsekkek axta ekhawo ektémakxal'a ótsapok nenteme nak énxet, wánxa agkok apxátekhágwokmek axta eyke eñama apteme apkeñamakxa apagko' ma'a néten.

1 SAN JUAN 2:12

Kélketchek, kéxegke ektáxesásak se'e weykcha'áhak nak, hakte axta eyakmagkásekxak Dios ektémakxa megkólya'asáxma eñama m'a ektahakxa axta aksok apkelané Jesucristo.

1 SAN JUAN 2:2

Apmeyásamákpók axta apagko' Jesucristo yakwayam emátog, yakwayam enxoho megkólyakmagkásekxék nentémakxa mólya'asáxma; háwe eyke ekwánxa agkok negko'o, akke anhan megkólyakmagkásekxék apkeltémakxa m'a apyókxoho énxet'ák apheykha nak keso náxop.

1 SAN JUAN 4:10

Keso ektémakxa negásekhayo s'e: háwe negko'o eñama negásekhayo Dios, Dios akke keñamak segásekhayo negko'o, apcháphásek axta Apketche yakwayam enxoho meyakmagkásekxék Dios nentémakxa mólya'asáxma eñama m'a apmeyásamákpoho apagko' axta yakwayam emátog, negko'o segyanmaga.

APOCALIPSIS 14:4

Axta etnéseseykmohóxma kelán'a xa énxet'ák nak, axta elánesók ekmaso nak nentémakxa mansexta, wánxa aksa apkelyetlama apmahágkaxa enxoho m'a Nekkések Apketkok. Apkelwagkáseykpek axta teyp xa énxet'ák nak nepyeseksa énxet'ák keso náxop, ektémol'a émha amonye aksok kélméso Dios, tén han ma'a kélmésamol'a Nekkések Apketkok.

APOCALIPSIS 5:9

Axta anhan apkelmeneykmásak negmeneykmaso axnagkok ektéma nak se'e: “Xép payhawók emok xa weykcha'áhak kélpexteteykekxoho nak, xép nahan payhawók elkok ma'a yampápa kélapma nak, hakte apmatñegkek axta exchep ekyanmaga mólya'asáxma, yegkenamaxchek axta nahan éma apagkok apkelmoma m'a apyókxoho pók aptémakxa énxet'ák nak yakwayam etnésesek Dios énxet'ák apagkok, cham'a mók ektémakxa nak apyempe'ék, tén han ma'a mók ektémakxa nak apkelpakmeyesma.