APOCALIPSIS 9:20 - Lengua Sur (Enxet) Nuevo Testamento

²⁰ Wánxa agkok, axta eyke elwáteságkok makham apkeláneyak aksok ekmaso m'a énxet'ák ektaha axta apkeleymomap, cham'a ektaha axta meletsapma neyseksa aksok elmaso, axta nahan elwáteságkok apkelpeykesamo m'a kelyekhama', tén han ma'a apkelpeykesamo nak kéleykmáseso elánamáxche nak sawo ekyátekto elyenma, tén han ma'a sawo ekmopé nak elyenma, tén han ma'a sawo ekyátekto agko' nak elyenma, tén han ma'a meteymog nak, tén han ma'a yántéseksek nak, yawanchek kótak aksok xa kéleykmáseso nak, yawanchek nahan kaña', yawanchek nahan kaxog.

APOCALIPSIS 9:20 ပူးပေါင်းရင်းမြစ်များ

SAN MATEO 21:32

Hakte apwa'ak axta Juan el Bautista apkelxekmósa kéxegke eyéméxchexa nak kóltehek nápakto' Dios, kélya'aseykmek axta eyke; keñe axta melya'aseykmo m'a énxet'ák apkelmomo nak selyakye yakwayam egkések wese' Roma, tén han ma'a kelán'ák ekyakmagkáseyak nak pók énxet ekpathetéyak ektegye selyakye. Wánxa agkok, kélwetayók axta eykhe kéxegke ekyókxoho xa, axta eyke kólyakmagkasók ektémakxa elchetamso kélwáxók yakwayam megkólya'aseme'.

LOS HECHOS 17:29

Megkeyméxchek negko'o kaxének egwáxok aptaha Dios aphémo m'a sawo ekyátekto elyenma ekmomnáwa nak, tén han ma'a sawo ekmopé elyenma nak, esenhan ma'a meteymog apkeleykmasáseykegkohol'a énxet apmopwána nak eleykmásesha, keso neyseksa nenteme nak negko'o neleñamakxa Dios.

LOS HECHOS 19:26

Kélwet'ak eyke kéxegke, kélleg'awók nahan apxeyenma Pablo megkatnaha dios ma'a kéleykmáseso énxet apkelané nak. Cháxa keñamak apkelyakmagkasesa nak apwáxók énxet'ák xa, háwe ekwánxa agkok se'e Efeso, wákxók nahan ma'a ekyókxoho yókxexma Asia.

LOS HECHOS 7:41

Keñe axta apkelánegko xama aksok kéleykmáseso, máxa axta weyke kennawók étkokla'a, apkennapchek axta anhan aksok nawha'ák yakwayam egkések aksok kéleykmáseso, apkelánegkek axta nahan ekneywomáxche yakwayam yesawáseshok ma'a aksok kéleykmáseso ektaha axta apkeláneyak apancha'awók xa énxet'ák nak.

2 CORINTIOS 12:21

Eyekak nahan ko'o hegkések sekmegkakto Wese' egegkok kéxegke eñamakxa, cham'a sektaha sat makham meyk'a kéxegke, hegkések nahan katnehek selekxagweykha eñama megkólwáteseyam kéllané megkólya'asáxma kélnápakha kéxegke, megkólwáteseykmók nahan kéllané kéltémakxa ekmanyása, tén han ma'a ekmaso kéltémakxa megkólmasexta nak, tén han megkólwateseykmo kéllané m'a aksok ekmaso kélyespagkamakxa nak.

1 TIMOTEO 4:1

Tásek apxeyenma Espíritu peya elwátesagkok aptamheyak melya'áseyam nápakha énxet'ák ektemegwánxa sat néxa ekhem, apkelyetlákxo sat ma'a espíritu sẽlyexancháseykha nak, tén han apkelyetlákxo enxoho m'a nelxekmowásamáxche eñama nak kelyekhama'.

APOCALIPSIS 15:1

Ekwet'ak axta makham ko'o mók aksok sempelakkaso agko' nak agweta' ma'a néten, cham'a aksok segyegwakkasamo nak agweta'; siete Dios apkelásenneykha axta m'a, yetlo m'a siete ektemegwánxa nak néxa aksok elmaso senlegasáseykegkoho. Cháxa ektahakxa axta ektemegwokmo néxa Dios aplo xa.

APOCALIPSIS 16:8

Hawók nápakha axta apwokmok Dios apchásenneykha, apyegkenchek axta aksok apkexpakha'a m'a ekhem, keñe axta ekxaka ekmowána m'a ekhem yakwayam kalwetek ekmexanma apyókxoho énxet'ák.

APOCALIPSIS 9:19

Apátog axta yetnók apmopwána xa yatnáxeg nak, tén han ma'a apyapakyek, máxa axta yéwa m'a apyapakyek, akkátek axta nahan apchásenneykxak apnaktawásencha'a énxet'ák.

APOCALIPSIS 9:21

Axta anhan elwáteságkok apchakhe pók xa énxet'ák nak, tén han ma'a aptamheyak nak kelyohóxma'a, tén han ma'a kalmopsexta'a nak, axta anhan elwáteságkok apkelmeñexma.