APOCALIPSIS 9:19 - Lengua Sur (Enxet) Nuevo Testamento

¹⁹ Apátog axta yetnók apmopwána xa yatnáxeg nak, tén han ma'a apyapakyek, máxa axta yéwa m'a apyapakyek, akkátek axta nahan apchásenneykxak apnaktawásencha'a énxet'ák.

APOCALIPSIS 9:19 ပူးပေါင်းရင်းမြစ်များ

EFESIOS 4:14

Mantehek sat kaxwo' negko'o máxa sakcha'a, ekmanyehel'a kayakmagkasek ektahakxa elchetamso awáxok, ektemésesamol'a ekhó exchahayam segyegeyak ma'a ekyókxoho ektémakxa nak axnagkok nelxekmowásamáxche, cham'a sakcha'a eyhayol'a elyexanchesha m'a énxet'ák apkelya'áseykegkoho nak apkeltémakxa hẽlyexanchesha, cham'a énxet'ák apkelyetleykekxo nak ámay senxegánegkesamo nak.

APOCALIPSIS 9:10

Ahamtakcha'ak axta anhan apyapakyek, máxa axta m'a ektémol'a yettaha', xakak axta anhan ekmowána xa apyapakyek nak yakwayam kallegásesagkohok énxet'ák ekweykmoho cinco pelten.

APOCALIPSIS 9:18

Apkeletsekkek axta nahan nápakha énxet apwokmo enxoho apkántanxo apyókxoho eñama xa antanxo aksok elmaso nak, cham'a ekteyapma axta apátog xa yatnáxeg nak: táxa axta m'a, éten axta nahan, axta nahan ma'a aksok ekmanyásal'a ekpakneyam.

APOCALIPSIS 9:20

Wánxa agkok, axta eyke elwáteságkok makham apkeláneyak aksok ekmaso m'a énxet'ák ektaha axta apkeleymomap, cham'a ektaha axta meletsapma neyseksa aksok elmaso, axta nahan elwáteságkok apkelpeykesamo m'a kelyekhama', tén han ma'a apkelpeykesamo nak kéleykmáseso elánamáxche nak sawo ekyátekto elyenma, tén han ma'a sawo ekmopé nak elyenma, tén han ma'a sawo ekyátekto agko' nak elyenma, tén han ma'a meteymog nak, tén han ma'a yántéseksek nak, yawanchek kótak aksok xa kéleykmáseso nak, yawanchek nahan kaña', yawanchek nahan kaxog.