APOCALIPSIS 8:13 - Lengua Sur (Enxet) Nuevo Testamento

¹³ Enmexawok axta ko'o néten, ekleg'ak axta elpáwokmo axempenák náta ekyawel'a. Entahak axta ekyennaktésawo ekpeywa s'e: “¡Enxet'ák laye apheykha nak náxop, cham'a apkelpáwasa sat apkelakkahaso m'a apkántanxo Dios apkelásenneykha apkeleñama nak néten!”

APOCALIPSIS 8:13 ပူးပေါင်းရင်းမြစ်များ

HEBREOS 1:14

Hakte apyókxoho Dios apkelásenneykha apteme apkeleñamakxa apagko' ma'a néten, yakwayam enxoho elyahakxohok Dios, kóláphaksohok nahan cha'a yakwayam epasmok ma'a énxet'ák ektaha nak kélpagkancheso yakwayam elwagkasakpok teyp.

APOCALIPSIS 11:14

Anet entahak ekyeykhe kéláphaso aksok ekmaso agko', wánxa agkok, xegakmek eyke makham yakwayam katnehek antanxo.

APOCALIPSIS 12:12

¡Kalpayhekxa' kélwáxok kéxegke kélheykha nak néten! ¡Wánxa agkok, kéxegke sat laye kélheykha nak náxop tén han ma'a ekheyak nak wátsam ekwányam, hakte weywenték kelyekhama' yetlo eklómo agko' enmexa kéxegke, ya'ásegwokmek eyéméxko antawók ekhem!”

APOCALIPSIS 14:3

Apkelmeneykmásek axta nahan negmeneykmaso axnagkok keto' ekyetnakxa taháno ektakmalma, tén han nápakta'awo' ma'a hawók nápakha énxet apkeleñama nak néten, tén han nápakta'awo' ma'a apkelámha apmonye'e nak, méko axta eyewagko kaltameyk xa negmeneykmaso nak, wánxa axta aksa m'a ciento cuarenta y cuatro mil ektaha axta apkelwagkásamap teyp, nepyeseksa énxet'ák keso náxop.

APOCALIPSIS 14:6

Ekwet'ak axta ko'o pók Dios apchásenneykha apkempeyncha'a neyseksa yaphopé, apsókha axta nahan amya'a megkamassegwayam, yakwayam eñeksek ma'a ektaha nak apheykha keso náxop, cham'a apyókxoho pók aptémakxa énxet'ák nak, tén han ma'a mók ektémakxa nak apkelpakmeyesma, tén han ma'a apkeleñama nak mók yókxexma.

APOCALIPSIS 19:17

Ekwet'ak axta ko'o pók Dios apchásenneykha apkenmeyncha'a néten ekhem, apyennaktésawok axta appeywa apkelwónencha'a ekyókxoho náta ektómol'a ápetek, cham'a elchempeykencha'awol'a néten. Aptahak axta s'e: “¡Kólchempoho, kólaknekxa' kóltawagkok ekyawe ektámáxche eñama nak Dios,

APOCALIPSIS 3:10

Apkelanak axta exchep seltémókxa etnehek, cham'a meyensakmo nak. Ekeso eñamakxa sekmoko nak ko'o amyók xép ekwa'a sat ma'a ekhem ekyawe nenlegeykegkoho keso náxop, yakwayam enxoho keykkónek apyókxoho énxet'ák apheykha nak keso náxop.

APOCALIPSIS 8:2

Keñe axta sekwet'a ko'o siete Dios apkelásenneykha apkeleñama néten apchakneyncha'a nápakto' Dios. Apkelxawágkek axta siete kélakkahaso.

APOCALIPSIS 9:1

Cinco axta apwokmok Dios apchásenneykha appawaso apchakkahaso, ekwet'ak axta ko'o apteyekmo xama yaw'a keso náxop apkeñama néten; apxakak axta nahan ketchesama átog agkok ma'a máxek ekmatawóneg agko' nak.

APOCALIPSIS 9:12

Yeyk'ak ma'a émha amonye aksok ekmaso nak; wánxa agkok, ánet akke makham keléméxche'.