APOCALIPSIS 6:12 - Lengua Sur (Enxet) Nuevo Testamento

¹² Xama axta ekwokmo seis apleklo Nekkések Apketkok yampápa kélapma, enmexawok axta ko'o, keñe axta ektepa ekyawheykha xóp. Peysamákxek axta anhan ekhem ektémol'a apáwa appeysyam nentaxno magkenatchesol'a apketsapma egmók, apyexwasé axta nahan aptamhákxak pelten, máxa axta aptahak ma'a ektémakxal'a éma,

APOCALIPSIS 6:12 ပူးပေါင်းရင်းမြစ်များ

SAN MATEO 11:21

“Sagkek sat katnehek kéltemésesakxa kéxegke kélheykha nak tegma apwányam Corazín, sagkek sat nahan katnehek kéltemésesakxa kéxegkáxa kélheykha nak tegma apwányam Betsaida, hakte kaxtemek axta elánamáxche aksok sempelakkaso agweta' ma'a tegma apwányam Tiro tén han ma'a Sidón, cham'a elánamáxko axta kélnepyeseksa kéxegke, nano' axta elyakmagkasek apwáxók, exekmóshok axta anhan aptamhágkaxa apkelyakmagkasa apwáxók, elántaxnekxak axta m'a apáwa sẽlwaxkamo nak, énegkenagkok axta anhan apyetseksa'ák táhap.

SAN MATEO 24:29

“Yeyk'ak sat agkok xa nenlegeykegkoho nak, kapeysemekxak sat ekhem, kamaskok sat nahan apkelsasáxma m'a pelten, epallentak sat yaw'a apkeleñama néten, kalyawheykha sat ekyókxoho aksok ekhéyak nak néten.

SAN MATEO 24:7

Elnapakpok sat énxet xama yókxexma, yenmexek sat ma'a apheykha nak mók apkelókxa, kampakhaxchek sat nahan mók apkelókxa; katyapok sat meyk segakhe, kayawheykha sat nahan xóp mók xama apkelókxa.

SAN MATEO 27:45

Yetseksókhem axta chénawók ekyaktesóxma ekyókxoho xa yókxexma nak ekweykmoho las tres taxnam.

SAN MATEO 27:54

Apwet'ak axta ektahakxa ekyawheykha xóp ma'a sẽlpextétamo apkemha apmonye tén han ma'a apkelxegexma'a axta, cham'a ektaha axta apkeláneykha apyexnakxa Jesús. Apkelakak axta nahan ma'a ekyókxoho ektahakxa axta. Aptahak axta apkelpakmeta s'e: —¡Nakso' neyke agkok aptaha Dios Apketche xa énxet nak.

SAN MATEO 28:2

Pelakkasek axta ektepa ekyennakte agko' ekyawheykha xóp, hakte Dios apchásenneykha axta apweywenták apkeñama m'a néten. Apyo'ókmek axta takhaxpop, keñe axta apleya átog takhaxpop ma'a Dios apchásenneykha. Apheyk axta anhan néten meteymog kélapma axta átog takhaxpop.

SAN MARCOS 15:33

Xama axta ekwokmo yetseksókhem, sawhekxók axta ekyaktesóxma xa yókxexma nak ekweykmoho las tres taxnam.

APOCALIPSIS 11:13

Keñe axta ektepa ekyawheykha xóp ekyennakte agko', palchesakmek axta anhan nápakha tegma ekwokmo axta cha'a diez apyókxoho, siete mil axta anhan apyókxoho apkeletsapma énxet'ák. Keñe m'a ektaha axta meletsapma, apchekakxoho axta apkelpeykásawók Dios apha nak néten.

APOCALIPSIS 16:18

Keñe axta ektepa apkelyenma, kélpeywa, tén han extegyawa, pexyenegkek axta xóp eñama m'a xóp ekyawheykha ekyennakte agko' axta, axta kaxnawok ma'a ekweykenxal'a cha'a ekyawheykha xóp apheykegkaxa énxet keso náxop.

APOCALIPSIS 16:8

Hawók nápakha axta apwokmok Dios apchásenneykha, apyegkenchek axta aksok apkexpakha'a m'a ekhem, keñe axta ekxaka ekmowána m'a ekhem yakwayam kalwetek ekmexanma apyókxoho énxet'ák.

APOCALIPSIS 8:12

Hawók nápakha axta aptahak appawaso apchakkahaso Dios apchásenneykha, keñe axta étsagkásexko xama nekha ekhem, tén han apketsagkáseykpo xama nápakha pelten, tén han apkeletsagkáseykpo nápakha yaw'a. Ekpeysyam axta cha'a tamhákxak xama nekha xa ekyókxoho nak, yáma wegkawok axta megkalsasóxma ekhem, yáma wegkawok axta nahan ekyaktesóxma axta'a.

APOCALIPSIS 8:5

Keñe axta apma egheykok ekwatnamáxkoho axta cha'a aksok kañe' m'a Dios apchásenneykha nak. Apxatmeyk axta átex eñama m'a ekwatnamáxchexa axta cha'a aksok, apkexeyntek axta nahan ekyókxoho átex keso náxop; keñe axta ektepa extegyawa, kélpeywa ekyennakte axta anhan tépak, kelyenmeyk axta anhan cha'a, yawheyha axta anhan xóp.