APOCALIPSIS 6:11 - Lengua Sur (Enxet) Nuevo Testamento

¹¹ Keñe axta kélmeyásegko apkelántaxno apkelmopé, kéltennásek axta peya sekxo' makham kóllókasesek apkelyampé yakwatakxoho, ekwokmoho aptahanyekxo ekwánxa apxámokma m'a apkelyáxeg'a yakwayam nak han etekyok eñama apkelané apkeltamheykha eñama nak Cristo, ekhawo aptamheykegkaxa axta xa énxet'ák nak.

APOCALIPSIS 6:11 ပူးပေါင်းရင်းမြစ်များ

SAN MATEO 10:21

“Yának sat etekyók apkelyáxeg énxet, keñe sat apyepmeyk yának etekyók ma'a apketchek; keñe sat ma'a kélketchek etnekxak apkenmexma apyepmeyk, elnápekxak sat nahan.

SAN LUCAS 15:22

Wánxa agkok aptahak axta apcháneya apyap apkeláneykha s'e: ‘Kólhexyawásekxa heykxa apáwa apkeltakmela nak, kólántaxneyásekxa' sat se'e; kólatcheses sat nahan apophék nétcheso egaphék nak, kólatchesásekxa sat nahan apkeltéto apmagkok.

SAN JUAN 16:2

Kólántekkesek sat kéxegke apchakneykekxa nak judíos, keñe sat kammok nahan ekhem yakwánxa nak yának elának énxet ma'a ekleklamókxa nak apwáxok antehek Dios, cham'a apkennapa enxoho kéxegke xa énxet'ák nak.

LOS HECHOS 20:24

Wánxa agkok, megkaxeyenmak ko'o ewáxok se'e ektémakxa nak sekyennakte, akke enxéneykha cha'a ko'o ewáxok alenxanmohok ma'a ektémakxa nak selteyásamáxche yetlo ekpayheykekxa ewáxok ekwokmoho sekwokmo néxa, tén han asawhohok alának ma'a Wese' egegkok Jesús axta seyásennagko altennaha amya'a ektakmela eñama nak Dios segásekhayo.

2 TESALONICENSES 1:7

payhawók nahan ellókasesek kélyampé kéxegke Dios, kéxegke kéltaha nak kéllegeykegkoho, ekhawo yakwánxa nak hentemésesek negko'oxa Dios, cham'a ekhem apwakto sat Wese' egegkok Jesús yetlo apkelásenneykha ekha nak apmopwancha'a, cham'a apkexyekmo sat neyseksa táxa eyálewe apkeñama m'a néten.

2 TIMOTEO 4:7

Elnápexchék axta ko'o ektakmela kempakhakma, ekwokmók nahan néxa selteyásamáxche, mayenseykmok nahan sekteme may'áseyam.

HEBREOS 11:40

apkeláneykxeyk axta Dios aksok ektaha nak ektakmela agko', hakte negko'o axta xeyenmak apwáxok, yakwayam enxoho kóltemésesek apkelpéwomo xa énxet'ák nak eñama segyepetcheyo negko'o.

HEBREOS 12:23

kélágketchesekmek nahan ma'a apchaknákxexa nak Dios apketchek eknaktáxésamaxko nak apkelwesey m'a néten, cham'a aptaha nak apmonye'e Dios apketchek. Kélágketchesekmek nahan aphakxa m'a Dios aptaha nak segyekpelchémo negyókxoho, kélágketchesekmek nahan ma'a kélekhéseykemxa nak cha'a aphagák ma'a énxet ektakmela nak apkeltémakxa, cham'a aptemésesama axta apkelpéwomo Dios,

HEBREOS 4:10

hakte negko'o ektahakxa enxoho nentaxnegwayam yakwánxa nak hẽllókasesek nelyampé Dios, kamaskok anlának ma'a ekyókxoho ektémakxa nak nentamheykha, ekhawo ektahakxa axta apkellókaso apyampé Dios.

APOCALIPSIS 10:6

Keñe axta aptemésesa ekmámnaksoho agko' appeywa xa, apkeltamhok axta étagkohok ma'a aptaha nak memassegwayam, cham'a ektaha axta apkelané néten, tén han keso náxop, tén han ma'a wátsam ekwányam, tén han ma'a ekyókxoho aksok ekheyak nak. Aptahak axta s'e: “Néxa peyk kammok kaxwo',

APOCALIPSIS 13:15

Xakak axta ekmowána xa mók aksok nawhak eklo ekteyapma axta axayo', yakwayam enxoho kawátekhápok xa kéleykmáseso kélheyaseykegkoho nak émha amonye aksok nawhak eklo, yakwayam enxoho kapakmétek xa kéleykmáseso nak, tén han kának etekyók ma'a apyókxoho énxet ektaha nak melpeykesamo xa kéleykmáseso nak.

APOCALIPSIS 14:13

Keñe axta sekleg'a ko'o kélpeywa eñama néten. Entahak axta amya'a s'e: “Etne aptáxéso s'e: ‘Apkeleñémo agko' kaxwo' énxet'ák peya nak eletsapok eñama apkelyepetcheyo Wese' egegkok. Apkeleñémo agko' sat nahan ma'a egmonye sat’ ” “Nakso', —aptahak Espíritu—, kamaskok sat apkeltamheyncha'a, hakte pasmomchek ma'a ektémakxa axta apkeltamheykha.”

APOCALIPSIS 17:6

Keñe axta sekwet'a ko'o ekyeykesáxma kelán'a m'a Dios énxet'ák apagkok éma apagkok nak ektémol'a hegakhek anmen, tén han éma apagkok ma'a énxet'ák ektaha axta aptekyawa eñama melyenseyam apteme melya'áseyam Jesús. Etlakkasek axta ko'o sekwet'a xa.

APOCALIPSIS 7:14

“Wese', xép apya'ásegko'”, axta ektahak seyátegmowágko ko'o. Keñe axta aptaha seyáneya s'e: “Cháxa énxet'ák ektaha axta apkelyeykhé ekyawe apkellegeykegkoho xa, apkelyenyések axta apkelántaxno Nekkések Apketkok éma apagkok xa, kelmopeyásekxók axta anhan.

APOCALIPSIS 7:9

Enmexawok axta ko'o natámen xa, ekwet'ak axta ko'o énxet apxámokma apyókxoho pók aptémakxa énxet nak, tén han ma'a móktémakxa nak apkelpakmeyesma. Amonye taháno ektakmalma axta apchakneykha m'a, nápakto' ma'a Nekkések Apketkok. Apxámok apagko' axta m'a, megkólwanchek axta kólyetsetek. Apkelmopé axta nahan apkelántaxno, áxa áwa' axta anhan apkelmeykha.