APOCALIPSIS 6:10 - Lengua Sur (Enxet) Nuevo Testamento

¹⁰ Axta aptemék cha'a apkelyennaktésamo apkelpeywa s'e: “Wese' aptakmalma, aptaha nak han mehegyenyaweykha, ¿Yaksak sat ekhem elyekpelcháseshok xép énxet'ák apheykha nak náxop, tén han heghéseshok mók ma'a nentekyawa axta negko'o?”

APOCALIPSIS 6:10 ပူးပေါင်းရင်းမြစ်များ

SAN LUCAS 2:29

“Wese' ahagkok, temék kaxwo' ma'a aptémakxa axta exchep appeywa, apwanchek yohok aksa yetsapok apkeláneykha yetlo meyke ektahakxa apwáxok.

SAN LUCAS 21:22

hakte ekhem yakwánxa hẽllegásesagkohok sat ma'a, cham'a yakwánxa sat kasawhaxkohok katnehek ma'a ektémakxa nak eknaktáxésamaxche weykcha'áhak.

ROMANOS 12:19

Elyáxeg selásekhayo, nágkólhésho aksa mók kéltemeseseykmoho exma kéxegke, kólho aksa eñásesagkohok Dios; hakte temegkek eknaktáxésamaxche s'e: “Ko'o payhawók axnéseshok mók, ko'o sat ayakmagkásekxa', aptahak Wese' egegkok.”

HEBREOS 12:24

kélágketchesekmek nahan aphakxa m'a Jesús aptaha axta apkelané m'a axnagkok ekhémo mók nelpakhetchásamáxkoho Dios nak, kélágketchesekmek nahan ekyetnakxa m'a éma sentemésesama nak eyáxñeyo nentémakxa, cham'a éma sẽltennasama nak hegmések aksok eltakmela eleñama nak néten, megkaxnawok ma'a ektahakxa axta Abel éma apagkok.

2 SAN PEDRO 2:1

Yetneyk axta anhan énxet'ák Dios appeywa apkellegaso apkelmopwána amya'a nepyeseksa énxet'ák Israel. Sat nahan katnehek kélnepyeseksa kéxegkáxa, etyapok sat kélnepyeseksa kéxegke énxet'ák apkelxekmóso apnámokkok megkamámnaksoho nak. Etakmelcheshok sat elyexakpohok elxekmósek énxet'ák ma'a ektémakxa nak elchetamso apwáxok sẽtsagkasamo nak, mexének sat Jesús aptaha Wese' apagkok, aptaha axta apkelwagkaso teyp xa énxet'ák nak, eñama aptamhéyak xa ektaha nak. Cháxa peya nak kañék ekmanyehe kélmaséseyam xa énxet'ák nak.

APOCALIPSIS 11:18

Apkellókek axta apyókxoho énxet'ák apheykha nak ekyókxoho yókxexma, wánxa agkok, wa'ak eyke exchep aplo, cham'a yakwánxa nak xép elyekpelkohok ma'a énxet'ák apkeletsapma axta; egkések sat nahan aksok apméso naksa m'a énxet'ák ektaha axta apkellegaso xép appeywa, tén han ma'a ektaha nak xép énxet'ák apagkok apkelpagkanamap tén han ma'a énxet apteme nak cha'a apcháyo exchep apwesey, apkelwányam, tén han ma'a meyke kéláyo nak, emasesók sat nahan xép ma'a énxet'ák ektaha nak aptawáseykha keso naxop.”

APOCALIPSIS 18:20

Kalpayhekxa' kélwaxok kéxegke kélheykha nak néten, kélwet'a ektahakxa xa tegma apwányam nak, kalpayhekxa' nahan kélwáxok kéxegke kéltaha nak Dios énxet'ák apagkok tén han ma'a aptaha nak seykha amya'a tén han ma'a ektaha nak Dios appeywa apkellegaso, hakte aphésásók mók Dios aptemésesamakxa axta kéxegke xa tegma apwányam nak, cham'a apxéna axta Dios yakwánxa katnehek kéllegasáseykegkoho xa tegma apwányam nak.

APOCALIPSIS 18:24

Hakte wetáxchek axta Dios appeywa apkellegaso éma apagkok xa tegma apwányam nak, cham'a ektaha axta Dios énxet'ák apagkok, tén han ma'a apyókxoho ektaha axta aptekyawa keso náxop.

APOCALIPSIS 19:2

hakte ekpéwomo agko' cha'a katnehek apyekpelchémo m'a Dios, ekmámnaksoho nahan cha'a katnehek; hakte apxénchek axta yakwánxa katnehek aplegasáseykegkoho m'a kelán'a ekyakmagkáseyak nak pók énxet ekpathetéyak ektegye selyakye, cham'a, ektawáseykencha'a axta keso náxop eñama m'a ektémakxa axta kamasexta; axta aphésásók mók Dios ma'a aptekyawa axta énxet'ák apagkok, cham'a aplegasásegkoho axta xa kelán'a nak.”

APOCALIPSIS 3:10

Apkelanak axta exchep seltémókxa etnehek, cham'a meyensakmo nak. Ekeso eñamakxa sekmoko nak ko'o amyók xép ekwa'a sat ma'a ekhem ekyawe nenlegeykegkoho keso náxop, yakwayam enxoho keykkónek apyókxoho énxet'ák apheykha nak keso náxop.

APOCALIPSIS 3:7

“Etáxéses nahan Dios apchásenneykha nak ma'a apchakneykekxexa nak énxet tegma apwányam Filadelfia: ‘Keso aptahakxa nak appeywa m'a aptaha nak aptakmalma, aptaha nak han apmámnaksoho, cham'a apmeykencha'a nak wese' apwányam David ketchesama átog apagkok, cham'a magmowána nak agápekxa' apmeykesa enxoho m'a, magwanchek nahan agmeykesek apchapeykxo enxoho;