APOCALIPSIS 6:1 - Lengua Sur (Enxet) Nuevo Testamento

¹ Keñe axta sekwet'a apleya Nekkések Apketkok xama xa siete yampápa kélapma nak, ekleg'ak axta anhan appakmeta xama xa hawók nápakha énxet apkeleñama nak néten, máxa axta entahak takha' appáwál'a appakmeta ekyennakte agko'. Aptahak axta s'e: “¡Empoho!”

APOCALIPSIS 6:1 ပူးပေါင်းရင်းမြစ်များ

SAN JUAN 1:29

Mók ekhem axta entahak apwet'a Juan apxegakmo Jesús, aptahak axta Juan apkeláneya énxet'ák se'e: “¡Kóllano, cháxa Nekkések Apketkok apkeñama nak Dios xa, aptaha nak apmaséseso melya'asáxma énxet'ák keso náxop!

LOS HECHOS 4:20

Magwanchek negko'o ólwátesók nenxeyenma m'a aksok negwetaya nak, tén han ma'a nenlegaya nak.

APOCALIPSIS 11:19

Keñe axta ekmayhekxo átog ma'a Dios tegma appagkanamap apagkok apyetna nak néten, keñe axta ekwetáxko ekyetna yántéseksek kélxátamakxa axta m'a ekhémo mók nelpakhetchásamáxkoho nak Dios kañe' xa tegma appagkanamap nak, keñe axta ektepa apkelyenmayam, kélpeywa, extegyawá, tén han ma'a xóp ekyawheykha nak, yegmen elyennakte ekxámokma axta nahan palleynta'.

APOCALIPSIS 13:8

Apyókxoho énxet'ák apheykha náxop sat nahan elpeykeshok xa, cham'a megkanaktáxesamaxko nak apkelwesey m'a weykcha'áhak ekyennaktésamo nak egnenyek, eyeynamókxa m'a sekxo' axta elánamáxko keso náxop, cham'a weykcha'áhak ektaha nak apagkok ma'a Nekkések Apketkok apmatñama axta.

APOCALIPSIS 14:2

Keñe axta sekleg'a ko'o extegyawa eñama m'a néten, máxa axta extegyawa m'a ekteyeykenxal'a yegmen, máxa axta nahan ma'a elmahágweykmohol'a etyamok takha', máxa axta nahan entahak ma'a apxámakxa enxoho énxet yát'axpog apyawe apkelpáwaso.

APOCALIPSIS 19:6

Ekleg'ak axta nahan ko'o ekyennamáxma, máxa axta entahak ma'a apxámakxal'a énxet apyennegkesóxma, máxa axta nahan entahak extegyawa m'a ekteyeykenxal'a yegmen cham'a ektémol'a takha' appáwá ekyennakte agko'. Entahak axta apkelpakmeyesma s'e: “¡Apcheymákpoho sat cha'a kóltemésesek Wese' egegkok Dios! hakte apcheynawok kaxwo' aptamheykha Wese' egegkok, Dios egagkok ekha nak apyennakte.

APOCALIPSIS 4:8

Seis axta cha'a apxempenák xama xa hawók nápakha aphó énxet nak, xámok axta kélakta'ák ekheyegko apyempe'ék, tén han ma'a kañe' apwáxok. Yókxoho ekhem, yókxoho axta'a axta meyenseyam aptéma cha'a apkelpeywa s'e: “¡Aptakmalma, aptakmalma, aptakmalma Wese' egegkok Dios ekha apyennakte, cham'a aphama axta nano', keso apha nak makham kaxwo' nak, cham'a peya nak han ewata'!”

APOCALIPSIS 5:1

Ekwet'ak axta ko'o apmeyncha'a weykcha'áhak kélpexteteykekxoho ekpayhókxa apkelya'asamakxa m'a ektaha axta apha néten aptaháno ektakmalma, kañe' axta táxesamaxchek xa weykcha'áhak kélpexteteykekxoho nak, tén han ma'a empehek. Siete yampápa axta kélyepetchesók kélapma xa.

APOCALIPSIS 5:12

Axta aptahak apkelyennaktésawo apkelpeywa s'e: “¡Payhawók exkak apmopwána Nekkések Apketkok apmatñama axta, payhawók nahan exkak ekxámokma aksok apagkok, payhawók nahan exkak apya'áseykegkoho, payhawók nahan exkak apyennakte, payhawók nahan kóltehek kéláyo, payhawók nahan kóltemésesek apcheymákpoho payhawók nahan kólpeykesho'!”

APOCALIPSIS 5:8

Xama axta apma weykcha'áhak kélpexteteykxoho xa Nekkések Apketkok nak, apkeltekxeyágkek axta aptapnák ma'a hawók nápakha énxet apkeleñama nak néten nápakto' ma'a Nekkések Apketkok. Axta anhan apkeltekxeyágkok aptapnák xa veiticuatro apkelámha apmonye'e nak. Apyókxoho axta apkelmeykha yát'axpog apyawe xa énxet'ák nak, egheykok ekyátekto elyenma axta nahan apkelmeykha yetlo ekláneyo aksok ekmátsa ekpakneyam éten agkok ma'a kañe'. Cháxa nempeywa nelmaxnagko aptamheyak nak cha'a m'a ektaha nak Dios énxet'ák apagkok.

APOCALIPSIS 6:3

Xama axta apleya makham Nekkések Apketkok ma'a mók yampápa kélapma axta, ekleg'ak axta nahan ko'o appakmeta pók xa hawók nápakha énxet apkeleñama nak néten. Aptahak axta makham appakmeta s'e: “¡Empoho!”

APOCALIPSIS 6:5

Xama axta ektaha antanxo apleklo Nekkések Apketkok ma'a yampápa kélapma axta, keñe axta anhan apwokmo apkántanxo seklegé apteme appeywa énxet apkeleñama nak néten. Aptahak axta s'e: “¡Empoho!” Enmexawok axta ko'o m'a, ekwet'ak axta xama yatnáxeg appeysyam, kelyetsáteyak axta apmeykha m'a ektaha axta apchánte.

APOCALIPSIS 6:7

Xama axta ekwokmo hawók nekha apleklo Nekkések Apketkok yampápa kélapma, hawók nápakha axta nahan entahak seklegé appeywa m'a énxet apkeñama nak néten. Aptahak axta makham se'e: “¡Empoho!”

APOCALIPSIS 8:1

Xama axta ekwokmo apleklo siete Nekkések Apketkok ma'a yampápa weykcha'áhak kélapma axta, wanmeyakxók axtaxma m'a néten. Yáma wegkawok axta anhan.