APOCALIPSIS 5:9 - Lengua Sur (Enxet) Nuevo Testamento

⁹ Axta anhan apkelmeneykmásak negmeneykmaso axnagkok ektéma nak se'e: “Xép payhawók emok xa weykcha'áhak kélpexteteykekxoho nak, xép nahan payhawók elkok ma'a yampápa kélapma nak, hakte apmatñegkek axta exchep ekyanmaga mólya'asáxma, yegkenamaxchek axta nahan éma apagkok apkelmoma m'a apyókxoho pók aptémakxa énxet'ák nak yakwayam etnésesek Dios énxet'ák apagkok, cham'a mók ektémakxa nak apyempe'ék, tén han ma'a mók ektémakxa nak apkelpakmeyesma.

APOCALIPSIS 5:9 ပူးပေါင်းရင်းမြစ်များ

SAN MATEO 20:28

Hakte hawók aptémakxa m'a aptaha nak Apketche énxet, axta eweyk yakwayam yának kólpasmok, wánxa aksa apwaya yakwayam epasmok énxet, tén han ényók apyennakte yakwayam exámhok énxet apkelwagkaso teyp.

SAN MATEO 26:28

hakte cháxa éma ahagkok ko'o xa, ektaha nak ekteméseso ekmámnaksoho m'a ekhémo mók nelpakhetchásamáxkoho nak Dios, cháxa peya nak kayegkenaxchek yakwayam enxoho meyakmagkásekxék Dios ektémakxa melya'asáxma apyókxoho énxet.

LOS HECHOS 20:28

Kólleyxmakha kéxegke, kóltakmelches ma'a ekyókxoho apchakneykekxexa nak, cham'a aptemésesamakxa nak kéxegke Espíritu Santo kélláneykegkaxa, yakwayam enxoho kóltakmelchesek Dios énxet'ák apagkok, aptaha axta anhan apkelma eñama m'a apyenkenma axta éma apagkok.

1 CORINTIOS 6:20

Hakte apkelmeyk axta kéxegke Dios ekha ekyanmaga. Ekeso eñamakxa eyéméxko nak kólmaha kéxegke xa kélyókxa nak yakwayam kóltemésesek apcheymákpoho Dios.

1 CORINTIOS 7:23

Apkelmeyk axta kéxegke Dios ekha ekyanmaga; nágkólho aksa etnésesek kélmomaxche pok énxet'ák nak.

EFESIOS 1:7

Segásekhayo ekyawe agko' axta keñamak Dios segmasésesa m'a ektémakxa axta nelmomaxche eñama m'a apyegkenma axta éma apagkok Apketche, meyakmagkásekxak nahan nentémakxa nak mólya'asáxma.

EFESIOS 5:19

Kóltennasha cha'a kélmók ma'a eñama nak salmos, cham'a kélpakhetchásexkoho enxoho, yetlo m'a negmeneykmaso eleñama nak Dios, tén han ma'a negmeneykmaso aptekkeso nak Espíritu, kólmeneykmes, kólteméses nahan apcheymákpoho Wese' egegkok ekweykmoho kañók agko' kélwáxok.

COLOSENSES 1:14

aptaha nak sẽlwagkaso teyp, axta anhan eyakmagkáseykxak nentémakxa mólya'asáxma.

COLOSENSES 1:23

Cháxa keñamak eyéméxko nak kóltehek kéxegke kélwaskápeykekxoho eñama ekpasmo m'a megkólya'áseyam nak, meyke kélyenseyam ma'a kélhaxneykha ekyetna nak kéxegke eñama kéllegé m'a tásek amya'a kéltenneykha nak. Cháxa amya'a kéltenneykencha'a nak ekyókxoho yókxexma xa, sekpasmoma nak han ko'o xa ektémakxa kéltenneykha, ko'o Pablo.

TITO 2:14

Apmeyásamakpók axta apagko' yakwayam emátog, negko'o eñamakxa, yakwayam enxoho hẽlwagkasek teyp neyseksa ekyókxoho nentémakxa ekmaso nak, tén han hentemésesek ektakmela nentémakxa, yakwayam enxoho nahan antehek énxet'ák apagkok, tén han agámenyéhok anlának ma'a aksok eltakmela nak.

HEBREOS 11:14

Enxet'ák ektaha nak apkelxeyenma xa ektéma nak, tásek katnehek sẽltennaso apketama makham ma'a yakwánxa nak yekhegwók.

2 SAN PEDRO 2:1

Yetneyk axta anhan énxet'ák Dios appeywa apkellegaso apkelmopwána amya'a nepyeseksa énxet'ák Israel. Sat nahan katnehek kélnepyeseksa kéxegkáxa, etyapok sat kélnepyeseksa kéxegke énxet'ák apkelxekmóso apnámokkok megkamámnaksoho nak. Etakmelcheshok sat elyexakpohok elxekmósek énxet'ák ma'a ektémakxa nak elchetamso apwáxok sẽtsagkasamo nak, mexének sat Jesús aptaha Wese' apagkok, aptaha axta apkelwagkaso teyp xa énxet'ák nak, eñama aptamhéyak xa ektaha nak. Cháxa peya nak kañék ekmanyehe kélmaséseyam xa énxet'ák nak.

1 SAN JUAN 1:7

Negheyk agkok negko'o neyseksa elseyexma, ekhawo m'a ektémakxa nak Dios apha neyseksa elseyexma, antehek nahan negko'o móxpánchásamáxche, hegmasésesek nahan ekyókxoho nentémakxa mólya'asáxma m'a Jesucristo éma apagkok, aptaha nak Dios Apketche.

1 SAN JUAN 2:2

Apmeyásamákpók axta apagko' Jesucristo yakwayam emátog, yakwayam enxoho megkólyakmagkásekxék nentémakxa mólya'asáxma; háwe eyke ekwánxa agkok negko'o, akke anhan megkólyakmagkásekxék apkeltémakxa m'a apyókxoho énxet'ák apheykha nak keso náxop.

APOCALIPSIS 10:11

Keñe axta ektaha amya'a seyáneyáxko s'e: “Eltennaha sat makham ma'a aptémakxa nak apxeyenma Dios apyókxoho énxet'ák, cham'a pók aptémakxa énxet'ák nak, tén han ma'a mók ektémakxa nak apkelpakmeyesma, tén han ma'a kelwese'e apkelwányam nak.”

APOCALIPSIS 11:9

Antanxo ekhem náxet mók sat katnehek apweté aphopák ma'a pók aptémakxa énxet'ák nak, tén han ma'a mók ektémakxa nak apkelpakmeyesma, cham'a apkeleñama nak ekyókxoho yókxexma, megyohok sat nahan kólatawónek.

APOCALIPSIS 13:7

kél'awók axta nahan élana kempakhakma, elenmexa m'a ektaha nak Dios énxet'ák apagkok apkelpagkanamap, ekwokmoho ekmalana, xakak axta nahan yakwayam keytek apkelyaheykekxoho m'a apyókxoho pók aptémakxa énxet nak, tén han ma'a mók ektémakxa nak apkelpakmeyesma, tén han ma'a apkeleñama nak ekyókxoho yókxexma.

APOCALIPSIS 13:8

Apyókxoho énxet'ák apheykha náxop sat nahan elpeykeshok xa, cham'a megkanaktáxesamaxko nak apkelwesey m'a weykcha'áhak ekyennaktésamo nak egnenyek, eyeynamókxa m'a sekxo' axta elánamáxko keso náxop, cham'a weykcha'áhak ektaha nak apagkok ma'a Nekkések Apketkok apmatñama axta.

APOCALIPSIS 14:6

Ekwet'ak axta ko'o pók Dios apchásenneykha apkempeyncha'a neyseksa yaphopé, apsókha axta nahan amya'a megkamassegwayam, yakwayam eñeksek ma'a ektaha nak apheykha keso náxop, cham'a apyókxoho pók aptémakxa énxet'ák nak, tén han ma'a mók ektémakxa nak apkelpakmeyesma, tén han ma'a apkeleñama nak mók yókxexma.

APOCALIPSIS 15:3

Apkelmeneykmásek axta nahan Moisés apmeneykmaso, aptaha axta Dios apchásenneykha. Nekkések Apketkok apmeneykmaso axta nahan apkelmeneykmásak. Entahak axta apkelmeneykmaso s'e: “Awanhok agko', tások agko' nahan ekyókxoho aksok apkelané axta exchep Wese', Dios ekha nak apyennakte; ekpéwomo exchep ámay apagkok, ekmámnaksoho nahan, Xép Wese' apwányam nepyeseksa énxet'ák keso náxop.

APOCALIPSIS 17:15

Aptahak axta nahan Dios apchásenneykha seyáneya s'e: “Yegmen apwet'a exchek xép ekha néten kelán'a ekyakmagkáseyak nak pók énxet ekpathetéyak ektegye selyakye, ekteme ekyetchesamaxkoho m'a pók aptémakxa énxet'ák nak, tén han ma'a mók ektémakxa nak apkelpakmeyesma, tén han ma'a apkeleñama nak ekyókxoho yókxexma.

APOCALIPSIS 4:11

“Payhawók kóltemésesek Xép apcheymákpoho, Wese' egegkok Dios, tén han kóltehek kéláyo, payhawók nahan keytek ma'a apmopwána, hakte apkelanak axta exchep ekyókxoho aksok; Xép apmopmenyého axta keñamak ekheykegko ekyókxoho aksok, tén han elánamáxko.”

APOCALIPSIS 5:12

Axta aptahak apkelyennaktésawo apkelpeywa s'e: “¡Payhawók exkak apmopwána Nekkések Apketkok apmatñama axta, payhawók nahan exkak ekxámokma aksok apagkok, payhawók nahan exkak apya'áseykegkoho, payhawók nahan exkak apyennakte, payhawók nahan kóltehek kéláyo, payhawók nahan kóltemésesek apcheymákpoho payhawók nahan kólpeykesho'!”

APOCALIPSIS 5:6

Keñe axta sekwet'a ko'o Nekkések Apketkok neyseksók xa taháno ektakmalma nak, ekwet'ak axta anhan hawók nápakha énxet apkeleñama néten apwakha'a xa Nekkések Apketkok nak, keñe axta anhan apwakha'a Nekkések Apketkok ma'a apkelámha apmonye'e nak. Apyagkak axta xa Nekkések Apketkok nak, máxa axta eyke entemék apmatñama enxoho. Siete axta apkepet'ák, siete axta anhan apakta'ák. Cháxa siete espíritu apkeleñama Dios kéláphaso cha'a náxop xa.