APOCALIPSIS 5:5 - Lengua Sur (Enxet) Nuevo Testamento

⁵ Wánxa agkok, aptahak axta seyáneya xama apkeñama nak nepyeseksa apkelámha amonye'e s'e: “Elwatés apwóno, yetneyk xama ekha nak apyennakte apwesey nak méwa, apkeñama nak ma'a nepyeseksa Judá énxet'ák apagkok, aptaha nak wese' David aptáwen neptámen, apmalanchek axta, apwanchek emeykesek xa weykcha'áhak kélpexteteykekxoho nak, apwanchek nahan elkok xa siete kélapma nak yampápa.”

APOCALIPSIS 5:5 ပူးပေါင်းရင်းမြစ်များ

SAN LUCAS 23:28

Apkelanawók axta Jesús. Aptahak axta apkeláneya s'e: —Kelán'ák kéleñama nak Jerusalén, nágkóllekxagwaha hellanok ko'o, kóllekxagwaha kaxének kélwáxok kéxegke kélagko', tén han ma'a kélketchek.

SAN LUCAS 7:13

Xama axta apwet'a Wese' egegkok ma'a tampe' nak, ayósek axta apkelano. Aptahak axta apcháneya s'e: —Nágkalekxagwaha.

SAN LUCAS 8:52

Apyókxoho énxet axta apkellekxagweyha, chakhak axta apwáxók. Wánxa agkok, aptahak axta apkeláneya Jesús se'e: —Nágkóllekxagwaha, megkatsapak se'e kelán'a étkok nak, tenche'.

SAN JUAN 20:13

Aptahak axta apkelmaxneyeyncha'a Dios apkelásenneykha s'e: —Kelán'a ¿yaksak ektaha elekxagweyncha'a nak? Entahak axta eyátegmowágko kelán'a s'e: —Wese' ahagkok ñokxa kélleya s'e, may'ásegkok nahan kélpekkenwánxa.

ROMANOS 1:3

Cháxa amya'a ekxeyenma nak Jesucristo Wese' egegkok xa, aptaha nak Dios Apketche. Enxet axta apyetchesamakpohok Jesucristo aptéma Wese' apwányam David aptáwen neptámen, wánxa agkok, apxeyenmék axta Dios aptaha Apketche, hakte espíritu appagkanamap apkeñama Dios axta m'a, tén han eñama m'a apxátekháseyam axta, apxakak axta anhan ekyawe apmopwána.

ROMANOS 15:12

Temegkek nahan apnaktáxeséyak Isaías, aptaha axta Dios appeywa aplegaso s'e: “Etyapok sat aptáwen neptámen Isaí, aptaha axta wese' David apyap, apkemha apmonye sat kóltemésesek, yakwayam etnehek Wese' nepyeseksa pók énxet'ák, sat nahan kañék yakwayam keytek apkelhaxneykha yakwánxa katnehek apmonye'e énxet'ák xa.”

HEBREOS 7:14

Hakte kélya'áseykegkok ektakmela Wese' egegkok apkeñama nepyeseksa m'a Judá énxet'ák apagkok, axta eyke exeyenmak Moisés xama enxoho xa énxet'ák nak, cham'a apxeyenma axta Moisés ektémakxa apkeltamheykha m'a énxet'ák appasmo nak cha'a apkelmaxnéseso Dios énxet'ák apagkok.

APOCALIPSIS 1:1

Keso ektahakxa axta aksok apxekmósamo Dios Jesucristo s'e, yakwayam enxoho elxekmósek Cristo m'a ektaha nak apkelásenneykha peya kañehémhok katnehek xa. Apya'asásegwokmek axta Jesucristo apchásenneykha apwesey Juan xa, cham'a apcháphasa axta aphakxa xama apchásenneykha apkeñama néten.

APOCALIPSIS 22:16

“Ko'o Jesús, eyáphásek ko'o seyásenneykha apkeñama néten yakwayam eltennaksek ekyókxoho apchakneykekxexa énxet ektéma nak xa, ko'o sekteme señama nepyeseksa David aptawan'ák neptámen, ko'o nahan sekteme yaw'a apwányam apteyapmol'a axto'o agko'.”

APOCALIPSIS 3:21

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.

APOCALIPSIS 4:4

Ekwet'ak axta anhan ko'o veinticuatro taháno eltakmela yetlo apheykha néten veinticuatro apkelámha apmonye'e neyáwa xa taháno ektakmalma nak; apkelmopé axta apkelántaxno, sawo elyenma axta anhan ma'a apkelatcheso apkatkók.

APOCALIPSIS 5:4

Ekwónegkek axta cha'a ko'o, hakte axta éteyamakpok ekpayhawo nak emeykesek xa weykcha'áhak kélpexteteykekxoho nak, axta anhan éteyamakpok apmopwána enxoho elano'.

APOCALIPSIS 6:1

Keñe axta sekwet'a apleya Nekkések Apketkok xama xa siete yampápa kélapma nak, ekleg'ak axta anhan appakmeta xama xa hawók nápakha énxet apkeleñama nak néten, máxa axta entahak takha' appáwál'a appakmeta ekyennakte agko'. Aptahak axta s'e: “¡Empoho!”

APOCALIPSIS 7:13

Elmaxneyáha axta ko'o xama xa énxet'ák apkelámha apmonye'e nak. Aptahak axta seyáneya s'e: “¿Yaksak xa énxet'ák apkelmopé nak apkelántaxno, háxko nahan apkeleñamakxa?”