APOCALIPSIS 5:13 - Lengua Sur (Enxet) Nuevo Testamento

¹³ Ekleg'ak axta anhan ko'o elpakmeyesma ekyókxoho aksok ektaha nak Dios apkelané m'a néten, tén han keso náxop, tén han ma'a kóneg xóp nak, tén han ma'a wátsam ekwányam. Entahak axta elpakmeyesma s'e: “¡Kóltehek sat cha'a kéláyo m'a ektaha nak apha néten aptaháno ektakmalma, tén han ma'a Nekkések Apketkok, kólpeykeshok sat nahan cha'a, kóltemésesek sat nahan cha'a apcheymákpoho, exkak sat nahan apmopwána megkatnegwayam enéxa!”

APOCALIPSIS 5:13 ပူးပေါင်းရင်းမြစ်များ

SAN MATEO 6:13

Nágyoho aksa hegáhapwak negko'o segyekkónma, wánxa agkok, hegeys negko'o m'a kelyekhama'.’

SAN LUCAS 2:14

“¡Apcheymákpoho sat kóltemésesek Dios apha nak ma'a néten! ¡Keytek sat meyke ektahakxa egwáxók keso náxop nepyeseksa m'a énxet'ák appasmoma nak cha'a Dios!”

SAN JUAN 1:29

Mók ekhem axta entahak apwet'a Juan apxegakmo Jesús, aptahak axta Juan apkeláneya énxet'ák se'e: “¡Kóllano, cháxa Nekkések Apketkok apkeñama nak Dios xa, aptaha nak apmaséseso melya'asáxma énxet'ák keso náxop!

ROMANOS 11:36

Hakte ekyókxoho aksok keleñamak ma'a Dios, Dios nahan keñamak elánteyapma xa, yakwayam enxoho nahan kaltemésesek apcheymákpoho. ¡Apcheymákpoho sat cha'a kóltemésesek Dios! ¡Katnahagkok sat!

ROMANOS 16:27

¡Dios apwánxa xama apagko', tén han ekha apya'áseykegkoho, kóltemésesek sat cha'a apcheymákpoho eñama Jesucristo! Katnahagkok sat.

ROMANOS 9:5

Enxet'ák judíos apteme aptawan'ák neptámen ma'a ẽlyepmeyk nano' negko'o, apheyásamákpók axta énxet'ák judíos apwaya Mesías, cham'a aptémakxal'a énxetók xamo', aptaha nak Dios neyseksa m'a ekyókxoho aksok nak. Apcheymákpoho sat cha'a kóltemésesek Dios, katnahagkok sat nahan cha'a.

EFESIOS 3:21

¡Apcheymákpoho sat kóltemésesek Dios nepyeseksa m'a ektaha nak Dios énxet'ák apagkok eñama m'a Cristo Jesús, megkatnegwayam enéxa! Katnahagkok sat.

FILIPENSES 2:10

Yakwayam enxoho eltekxeyagkok aptapnák apyókxoho ektaha nak apheykha néten, tén han keso náxop, tén han ma'a elmaheykegkaxa nak eghagák Jesús apwesey eñamakxa ekteme ektakmela agko',

COLOSENSES 1:23

Cháxa keñamak eyéméxko nak kóltehek kéxegke kélwaskápeykekxoho eñama ekpasmo m'a megkólya'áseyam nak, meyke kélyenseyam ma'a kélhaxneykha ekyetna nak kéxegke eñama kéllegé m'a tásek amya'a kéltenneykha nak. Cháxa amya'a kéltenneykencha'a nak ekyókxoho yókxexma xa, sekpasmoma nak han ko'o xa ektémakxa kéltenneykha, ko'o Pablo.

1 TIMOTEO 4:16

Etakmelchesakpoho cha'a exchep, etakmelchesho nahan cha'a m'a ektémakxa nak apkelxekmóso apnámokkok, elenxanmoho apwaskápeykekxoho eñama apkelané ekyókxoho xa, aptemék agkok xép xa, ewagkasakpohok sat apagko' teyp xép, elwagkasek sat nahan teyp ma'a énxet'ák ektaha nak apháxenmo apkeltenneykha exchep.

1 SAN PEDRO 4:11

Apkeltennáha agkok xama énxet, kéméxchek katnehek apkeltenneykha m'a ektémakxa nak Dios appeywa, apkelanak agkok aptamheykha xama énxet kéméxchek yásenneykxak ma'a apwaskápeykekxoho ektaha nak apméso Dios. Ekyókxoho aksok kéllanakxa enxoho, kóllána' cha'a yakwayam enxoho kóltemésesek apcheymákpoho Dios eñama m'a Jesucristo, cham'a Dios aptaha nak apagkok ma'a apcheymákpoho nak, tén han ma'a ektémakxa nak apmopwána megkatnegwayam enéxa. Katnahagkok sat cha'a.

1 SAN PEDRO 5:11

Megkamassegwomek ektémakxa nak apmopwána Dios. Katnahagkok sat.

APOCALIPSIS 1:6

entemésesek axta anhan negko'o nenlánamáxkoho nempasmo nelmaxnéseso Dios énxet'ák apagkok yakwayam anlának nentamheykha eñama nak ma'a Dios, aptaha nak Jesucristo Apyap. ¡Apagkok sat cha'a etnehek Jesús ma'a ektémakxa nak apcheymákpoho tén han ma'a ektémakxa nak apmopwána! Katnahagkok sat.

APOCALIPSIS 13:8

Apyókxoho énxet'ák apheykha náxop sat nahan elpeykeshok xa, cham'a megkanaktáxesamaxko nak apkelwesey m'a weykcha'áhak ekyennaktésamo nak egnenyek, eyeynamókxa m'a sekxo' axta elánamáxko keso náxop, cham'a weykcha'áhak ektaha nak apagkok ma'a Nekkések Apketkok apmatñama axta.

APOCALIPSIS 5:1

Ekwet'ak axta ko'o apmeyncha'a weykcha'áhak kélpexteteykekxoho ekpayhókxa apkelya'asamakxa m'a ektaha axta apha néten aptaháno ektakmalma, kañe' axta táxesamaxchek xa weykcha'áhak kélpexteteykekxoho nak, tén han ma'a empehek. Siete yampápa axta kélyepetchesók kélapma xa.

APOCALIPSIS 5:12

Axta aptahak apkelyennaktésawo apkelpeywa s'e: “¡Payhawók exkak apmopwána Nekkések Apketkok apmatñama axta, payhawók nahan exkak ekxámokma aksok apagkok, payhawók nahan exkak apya'áseykegkoho, payhawók nahan exkak apyennakte, payhawók nahan kóltehek kéláyo, payhawók nahan kóltemésesek apcheymákpoho payhawók nahan kólpeykesho'!”

APOCALIPSIS 5:3

Méko axta kawának kameykesek xa weykcha'áhak kélpexteteykekxoho nak, méko axta anhan eyewagko kalano' keso náxop, tén han ma'a néten, tén han ma'a elmaheykegkaxa nak eghagák.

APOCALIPSIS 5:6

Keñe axta sekwet'a ko'o Nekkések Apketkok neyseksók xa taháno ektakmalma nak, ekwet'ak axta anhan hawók nápakha énxet apkeleñama néten apwakha'a xa Nekkések Apketkok nak, keñe axta anhan apwakha'a Nekkések Apketkok ma'a apkelámha apmonye'e nak. Apyagkak axta xa Nekkések Apketkok nak, máxa axta eyke entemék apmatñama enxoho. Siete axta apkepet'ák, siete axta anhan apakta'ák. Cháxa siete espíritu apkeleñama Dios kéláphaso cha'a náxop xa.

APOCALIPSIS 5:9

Axta anhan apkelmeneykmásak negmeneykmaso axnagkok ektéma nak se'e: “Xép payhawók emok xa weykcha'áhak kélpexteteykekxoho nak, xép nahan payhawók elkok ma'a yampápa kélapma nak, hakte apmatñegkek axta exchep ekyanmaga mólya'asáxma, yegkenamaxchek axta nahan éma apagkok apkelmoma m'a apyókxoho pók aptémakxa énxet'ák nak yakwayam etnésesek Dios énxet'ák apagkok, cham'a mók ektémakxa nak apyempe'ék, tén han ma'a mók ektémakxa nak apkelpakmeyesma.

APOCALIPSIS 6:16

aptahak axta nahan apkeláneya xóp elekháhéyak elyawe s'e, tén han ma'a meteymog elyawe nak: “¡Hegahapwata' negko'o, henxeganegkes negko'o nápakto' ma'a apha nak kaxwo' néten taháno ektakmalma, hegeys nahan negko'o ma'a Nekkések Apketkok aplo nak!