APOCALIPSIS 4:11 - Lengua Sur (Enxet) Nuevo Testamento

¹¹ “Payhawók kóltemésesek Xép apcheymákpoho, Wese' egegkok Dios, tén han kóltehek kéláyo, payhawók nahan keytek ma'a apmopwána, hakte apkelanak axta exchep ekyókxoho aksok; Xép apmopmenyého axta keñamak ekheykegko ekyókxoho aksok, tén han elánamáxko.”

APOCALIPSIS 4:11 ပူးပေါင်းရင်းမြစ်များ

LOS HECHOS 14:15

—Enxet'ák, ¿Yaksak ektaha kéltaha nak xa? Enxet negko'o, neghawo negko'o kéxegke. Axta keñamak nelwa'a negko'o neltamho kólyenyók xa ektémakxa nak kélpeykesamo ektaha nak mékoho, neltamhok negko'o kóltemekxa megkólya'áseyam Dios aptaha nak memassegwayam, aptaha axta apkelané néten, tén han keso náxop, tén han ma'a wátsam ekwányam, tén han ekyókxoho aksok ekheykegko nak.

LOS HECHOS 17:24

“Dios aptaha axta apkelané náxop tén han ekyókxoho aksok ekhágko nak, cham'a Wese' néten ma'a, tén han aptaha Wese' keso náxop. Mexmak kañe' tegma énxet apkelanél'a,

ROMANOS 11:36

Hakte ekyókxoho aksok keleñamak ma'a Dios, Dios nahan keñamak elánteyapma xa, yakwayam enxoho nahan kaltemésesek apcheymákpoho. ¡Apcheymákpoho sat cha'a kóltemésesek Dios! ¡Katnahagkok sat!

EFESIOS 3:9

Eyásennakkek axta anhan ko'o Dios yakwayam alya'asásegwók apyókxoho énxet'ák ma'a apmaheyókxa nak elának Dios ektaha nak ekpowásamáxkoho, cham'a aptéma axta cha'a appósamo Dios nano' axta, aptaha nak apkelané ekyókxoho aksok.

HEBREOS 1:10

Aptahak axta nahan appeywa Dios se'e: “Xép Wese' ahagkok, xép axta apkelané xóp sekxo' agko'; xép axta anhan apkelané néten.

HEBREOS 1:2

Kaxwo' eyke keso negwánxa nak, eyágketwokmo nak ektemegwánxa néxa ekhem, ẽlpakhetchesek negko'o Dios eñama m'a Apketche nak appeywa, hakte Cristo axta keñamak apkeláneya Dios ekxámokxoho aksok, cham'a Cristo, appagkanchesa nak Dios yakwayam elmeyásekxak ekyókxoho aksok.

APOCALIPSIS 1:6

entemésesek axta anhan negko'o nenlánamáxkoho nempasmo nelmaxnéseso Dios énxet'ák apagkok yakwayam anlának nentamheykha eñama nak ma'a Dios, aptaha nak Jesucristo Apyap. ¡Apagkok sat cha'a etnehek Jesús ma'a ektémakxa nak apcheymákpoho tén han ma'a ektémakxa nak apmopwána! Katnahagkok sat.

APOCALIPSIS 10:6

Keñe axta aptemésesa ekmámnaksoho agko' appeywa xa, apkeltamhok axta étagkohok ma'a aptaha nak memassegwayam, cham'a ektaha axta apkelané néten, tén han keso náxop, tén han ma'a wátsam ekwányam, tén han ma'a ekyókxoho aksok ekheyak nak. Aptahak axta s'e: “Néxa peyk kammok kaxwo',

APOCALIPSIS 14:7

Aptahak axta apyennaktésawo appeywa s'e: “Kólé' hana Dios, kólteméses apcheymákpoho, wa'ak kaxwo' ekhem yakwánxa nak hẽlyekpelkoho', kólpeykesho m'a ektaha axta apkelané néten, tén han keso náxop, tén han ma'a wátsam ekwányam nak, tén han ma'a ekteyapmakxa nak yegmen.”

APOCALIPSIS 19:1

Ekleg'ak axta ko'o kélpeywa ekxámokma ekyennakte agko' ma'a néten natámen xa. Entahak axta kélpeywa s'e: “¡Apcheymákpoho sat cha'a kóltemésesek Wese' egegkok! Dios egagkok apagkok ma'a nelwagkásamáxche teyp nak, tén han ma'a apcheymákpoho nak, tén han ma'a apmopwána nak,

APOCALIPSIS 5:12

Axta aptahak apkelyennaktésawo apkelpeywa s'e: “¡Payhawók exkak apmopwána Nekkések Apketkok apmatñama axta, payhawók nahan exkak ekxámokma aksok apagkok, payhawók nahan exkak apya'áseykegkoho, payhawók nahan exkak apyennakte, payhawók nahan kóltehek kéláyo, payhawók nahan kóltemésesek apcheymákpoho payhawók nahan kólpeykesho'!”

APOCALIPSIS 5:2

Ekwet'ak axta nahan ko'o xama Dios apchásenneykha ekha apyennakte, aptéma axta cha'a apkelmaxneyeykencha'a yetlo ekyennakte agko' appeywa s'e: “¿Yaksak ekpayhawo kameykesek xa weykcha'áhak kélpexteteykekxoho nak, tén han kalekkesek xa yampápa kélapma nak?”

APOCALIPSIS 5:9

Axta anhan apkelmeneykmásak negmeneykmaso axnagkok ektéma nak se'e: “Xép payhawók emok xa weykcha'áhak kélpexteteykekxoho nak, xép nahan payhawók elkok ma'a yampápa kélapma nak, hakte apmatñegkek axta exchep ekyanmaga mólya'asáxma, yegkenamaxchek axta nahan éma apagkok apkelmoma m'a apyókxoho pók aptémakxa énxet'ák nak yakwayam etnésesek Dios énxet'ák apagkok, cham'a mók ektémakxa nak apyempe'ék, tén han ma'a mók ektémakxa nak apkelpakmeyesma.