APOCALIPSIS 3:20 - Lengua Sur (Enxet) Nuevo Testamento

²⁰ Kóllano, átog ko'o enmáha selwónencha'a kéxegke, kéxegke ektahakxa enxoho kéllegé sekpeywa, keñe kólmeykesek átog, keñe sat ko'o atxek kañe' kélxagkok, apasmok sat nahan kélto taxnam kéxegke.

APOCALIPSIS 3:20 ပူးပေါင်းရင်းမြစ်များ

SAN MATEO 24:33

Ekhawo nahan ektémakxa xa, kélwet'ak agkok ektaha ekyókxoho xa, kólya'ásegwomho sat eyágketwokmo apweyktamxa m'a aptaha nak Apketche énxet.

SAN LUCAS 17:8

Megkóltehek kólának xa, wánxa aksa kóltehek kólának se'e: ‘Helanés sat sekto, elánekxa aptahakxa yakwayam hesantegkesek cha'a aksok neyseksa sekto sekto tén han neyseksa sekya s'e sekya nak. Keñe sat etwok xép axayo'.’

SAN JUAN 10:3

Emeykesesek nahan átog ma'a énxet ektaha nak aptakmelcheso átog, keñe keláneykha nekkések exének cha'a apwesey ewónmakha ektémakxa enxoho apwesey nekkések. Ekpelkohok nahan nekkések ma'a appeywa. Elántekkesek nahan ma'a apxagkok,

SANTIAGO 5:9

Elyáxeg, nágkólpakmésmakha aksa kóllának kélmók, yakwayam enxoho mékpelchásesók kéxegke Dios, hakte apwa'ak ma'a Dios aptaha nak segyekpelchémo, nekha átog apkenegwa'ak.

APOCALIPSIS 19:9

Aptahak axta seyáneya Dios apchásenneykha s'e: “Etaxés ektéma nak se'e: ‘Apkeleñémo sat énxet ektaha nak kéláneyeykha yakwayam epásegwók Nekkések Apketkok elyamhopma.’ ” Axta nahan aptahak seyáneya s'e: “Cháxa amya'a ektaha nak ekmámnaksoho agko' eñama Dios xa.”