APOCALIPSIS 22:9 - Lengua Sur (Enxet) Nuevo Testamento

⁹ Wánxa agkok, aptahak axta seyáneya s'e: “Ná etne aksa xa, ko'o nahan sekteme Dios apchásenneykha, ekhawók ko'o exchep, ekhawók nahan ma'a apkelyáxeg'a ektaha nak apkellegaso Dios appeywa, ekhawók nahan ma'a ektaha nak apkelyaheykekxoho ektémakxa nak eknaktáxésamaxche s'e weykcha'áhak nak. Elpeykesho m'a Dios.”

APOCALIPSIS 22:9 ပူးပေါင်းရင်းမြစ်များ

SAN MATEO 4:9

Entahak axta eyáneya s'e: —Asawhohok sat ko'o almések xép ekyókxoho xa aksok nak, cham'a apkeltekxeya enxoho aptapnák xóp selpeykáso.

SAN LUCAS 4:7

Apkeltekxekkek sat agkok aptapnák selpeykáso exchep, apagkok sat etnehek ekyókxoho xa.

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.

APOCALIPSIS 1:1

Keso ektahakxa axta aksok apxekmósamo Dios Jesucristo s'e, yakwayam enxoho elxekmósek Cristo m'a ektaha nak apkelásenneykha peya kañehémhok katnehek xa. Apya'asásegwokmek axta Jesucristo apchásenneykha apwesey Juan xa, cham'a apcháphasa axta aphakxa xama apchásenneykha apkeñama néten.

APOCALIPSIS 1:11

Entahak axta amya'a seyáneyáxko s'e; “Etaxés sat weykcha'áhak ektahakxa nak apweté, yapháses sat ma'a siete apchakneykekxexa nak yókxexma Asia, cham'a Efeso tén han ma'a Esmirna, tén han ma'a Pérgamo, tén han ma'a Tiatira, Sardis, Filadelfia, tén han ma'a Laodicea.”

APOCALIPSIS 14:7

Aptahak axta apyennaktésawo appeywa s'e: “Kólé' hana Dios, kólteméses apcheymákpoho, wa'ak kaxwo' ekhem yakwánxa nak hẽlyekpelkoho', kólpeykesho m'a ektaha axta apkelané néten, tén han keso náxop, tén han ma'a wátsam ekwányam nak, tén han ma'a ekteyapmakxa nak yegmen.”

APOCALIPSIS 15:4

¿Wese', yaksak sat megkakyek xép? ¿Yaksak sat megkaltemésesek apcheymákpoho? Xép apwánxa apagkok aptakmalma apagko'; apyókxoho pók aptémakxa énxet'ák sat elxegma, elpeykeshok sat nahan xép. Hakte wetáxchek axta exchep ma'a ektémakxa nak aptamheykha ekpéwomo.”

APOCALIPSIS 19:10

Eltekxekkek axta ko'o etapnák náxop ekpayhókxa apkenmágkaxa Dios apchásenneykha, yakwayam alpeykesho', wánxa agkok, aptahak axta seyáneya s'e: “Ná etne aksa xa, ko'o sekteme Dios apchásenneykha, ekhawók ko'o exchep, ekhawók nahan ma'a apkelyáxeg'a ektaha nak melyenseyam apkeltenneykha Jesús apwesey. Elpeykesho m'a Dios.” Hakte, cháxa eyewáneseso énxet'ák ektaha nak apkellegaso Dios appeywa xa apkeltenneykha nak Jesús apwesey.

APOCALIPSIS 22:10

Aptahak axta nahan seyáneya s'e: “Ná ekpós aksa s'e amya'a ekxeyenma nak yakwánxa katnehek egmonye, eknaktáxésamaxko nak se'e weykcha'áhak nak, hakte chágketwokmek kaxwo' ekhem yakwánxa nak kasawhaxkohok katnehek xa.

APOCALIPSIS 22:18

Negyókxoho ektahakxa enxoho negháxenmo xa amya'a ekxeyenma nak yakwánxa katnehek egmonye, eknaktáxésamaxko nak se'e weykcha'áhak nak, ektahak ko'o seyáneya kéxegke seyésa s'e: Apyepetchesek agkok enxama mók amya'a se'e ekyetnama nak eknaktáxésamaxche, sat katnehek aplegasáseykegkoho Dios xa ektémakxa nak aksok elmaso eknaktáxésamaxche s'e weykcha'áhak nak.

APOCALIPSIS 22:7

“¡Kaxwo' sat awata'! ¡Apkeleñémo sat ma'a ektaha nak apkelyaheykekxoho amya'a ekxeyenma nak yakwánxa katnehek egmonye eknaktáxesamaxko nak se'e weykcha'áhak nak!”

APOCALIPSIS 9:20

Wánxa agkok, axta eyke elwáteságkok makham apkeláneyak aksok ekmaso m'a énxet'ák ektaha axta apkeleymomap, cham'a ektaha axta meletsapma neyseksa aksok elmaso, axta nahan elwáteságkok apkelpeykesamo m'a kelyekhama', tén han ma'a apkelpeykesamo nak kéleykmáseso elánamáxche nak sawo ekyátekto elyenma, tén han ma'a sawo ekmopé nak elyenma, tén han ma'a sawo ekyátekto agko' nak elyenma, tén han ma'a meteymog nak, tén han ma'a yántéseksek nak, yawanchek kótak aksok xa kéleykmáseso nak, yawanchek nahan kaña', yawanchek nahan kaxog.