APOCALIPSIS 22:5 - Lengua Sur (Enxet) Nuevo Testamento

⁵ Méko sat nahan katnehek axta'a m'a tegma apwányam nak, kamaskok sat nahan apkepmenyého chálewaso ektaha nak apheykha m'a, tén han ma'a elsasó nak exma ekhem, hakte Dios Wese' egegkok sat egkések elseyexma, kelwese'e sat nahan etnahagkok megkatnegwayam enéxa.

APOCALIPSIS 22:5 ပူးပေါင်းရင်းမြစ်များ

SAN MATEO 19:28

Aptahak axta apchátegmowágko Jesús se'e: —Wokmek sat agkok ekhem yakwánxa katnekxak axnagcha'ák ekyókxoho aksok, cham'a apha sat néten aptaháno eyeymáxkoho m'a aptaha nak Apketche énxet, kólhakha sat nahan kéxegkáxa doce taháno, kéxegke kéltaha nak sétleykha, yakwayam enxoho kóltehek kélyekpelchémo m'a doce pók aptémakxa nak énxet'ák Israel. Nakso' xa sektahakxa nak seláneya kéxegke.

SAN MATEO 25:34

Sat etnehek yának Wese' énxet'ák apheykha ekpayhókxa apkelya'asamakxa s'e: ‘Kólchexyem kéxegke kéltaha nak ektakmela apkelxeyenma Táta; Kólma m'a aptémakxa nak Wese' apwányam Dios, kéllánesamakxa axta kéxegke amonye apkelané Dios keso náxop.

SAN MATEO 25:46

Cháxa peya nak elmahagkok megkatnegweykenxa nak néxa sẽllegasáseykegkoho xa, keñe m'a énxet apkelpéwomo nak peya elmahagkok ma'a megkatnegweykenxa nak néxa ekyennakte egnenyek.”

ROMANOS 5:17

Yetnegkek axta nétsapma eñama m'a aksok ekmaso apkelané axta xama énxet, sat eyke ekyagwánxa agkok keytek axnagkok elyennakte apnenya'ák ma'a énxet'ák apxeyenma nak Dios aptaha apkelpéwomo eñama ekyawe apkelásekhayo, cham'a aptemésesama axta meyke ekyanmaga apmésama xa, eñama m'a xama énxet apwesey nak Jesucristo.

2 TIMOTEO 2:12

nenlegágkok agkok negko'o, hegwakxohok sat negko'o xa m'a aptémakxa nak Wese' apwányam Dios; agkok anxénak apwesey Cristo, mexének sat nahan negko'o xa negwesey;

APOCALIPSIS 11:15

Siete axta apwokmok Dios apkelásenneykha appawaso apchakkahaso, keñe axta eklegáxko ekyennakte agko' kélpeywa eñama néten. Entahak axta amya'a s'e: “Wese' egegkok kaxwo' aptahak Wese' apwányam keso náxop, tén han ma'a Mesías apkeñama nak Dios. Etnahagkok sat Kelwese'e apkelwányam megkatnegwayam enéxa.”

APOCALIPSIS 18:23

Kamaskohok agko' sat nahan elsasáxma chálewaso apagkok xép, kamaskok sat nahan ma'a ektémakxa l'a ekyennamáxma keytek sẽlyamhopma. Apmelyeha'ak axta eykhe m'a ektaha axta apkexakkáseykekxa cha'a exchep aksok apagkok keso náxop, méko axta kaxhok keso náxop, hakte apkelyexancháseykha axta nahan xép apyókxoho pók aptémakxa énxet, eñama m'a aptémakxa nak xép apteme yohóxma.”

APOCALIPSIS 20:4

Ekwet'ak axta ko'o taháno ektakmalma yetlo apheykha néten ma'a apkelxawágko axta kélyaheykekxoho yakwayam etnehek apkelyekpelchémo apyókxoho énxet'ák. Ekwet'ak axta nahan ko'o aphagák ma'a ektaha axta kélyaktencháseyak apyespa'ák eñama meyenseyam apkeltenneykha Jesús apwesey tén han ma'a amya'a eñama nak Dios. Axta elpeykesamok aksok nawhak eklo xa énxet'ák nak, axta nahan elpeykesamok ma'a kéleykmáseso kélheyásekegkoho nak aksok nawhak eklo, axta nahan yahayók keytek elkahaso aksok nawhak eklo m'a ekpayhakxa nápát, esenhan ma'a apmek. Ekwet'ak axta nahan ko'o apnakxétekhágwokmo xa énxet'ák nak. Kelwese'e axta aptamhágkok xamo' Cristo ekweykmoho mil apyeyam.

APOCALIPSIS 20:6

Apkeleñémo agko' ektaha nak apmonye kélxátekháseyam eñama apteme Dios énxet'ák apagkok. Megkatnehek sat nahan ánet apkeletsapeykekxoho xa énxet'ák nak, appasmo apkelmaxnéseso Dios énxet'ák apagkok sat etnahagkok, tén han appasmo apkelmaxnéseso m'a Cristo énxet'ák apagkok, etnahagkok sat nahan kelwese'e xamo' Cristo ekweykmoho mil apyeyam.

APOCALIPSIS 21:11

Dios elseyexma apagkok axta nahan kelsasóxma xa tegma apwányam nak, máxa axta apkelsasóxma tegma m'a meteymog ektakmalmal'a elyenma, máxa axta m'a meteymog ekyennaktel'a, cham'a ektémakxal'a sokpeysyam elyenma.

APOCALIPSIS 3:21

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.